حلا او بوظة البسكويت البارد والمنعش روعه
حلا او بوظة البسكويت البارد والمنعش روعه
المقادير
- 4 بكيت بسكوت ساده وممكن اقل حسب حجم البسكوت والصينيه
- 3 ظرف كريما
- كوب وسط حليب سائل بارد جدا
- ملعقه صغيره فانيلا
- ملعقه كبيره نكهة فراوله
- لون غذائي احمر اختياري
- بكيت قشطه
- 3 ملاعق سكر
- لتغميس البسكوت:
- كوب صغير حليب سائل
الخطوات
السلام عليكم ويسعد اوقاتكم بالخير
اليوم بقدملكم وصفه رااائعه بالصيف والجو الحامي
بارده ومنعشه طعمها قريب من البوظه ببسكويت ان شاء الله بتعجبكم وبتجربوها
يلاااا نشوف الطريقه جدا سهله وبسيطه ….
& بنصف طبقة بسكوت مغمس بحليب سائل بالصينيه
وبضعه بالفريزر لحتى اجهز الطبقه الثانيه
& بضع الكريما والحليب والفانيلا والسكر وبخفقهم لحتى تجمد معي الكريما بزيدلهم بكيت القشطه ونكهة الفراوله
ولون احمر غذائي وبخفقهم سوا وبضعهم عالطبقة البسكوت.. من ثم بضع طبقة بسكوت مغمس بحليب فوق الكريما
وبضعها بالفريزر لوقت التقديم اقل شيئ ساعتين
ملاحظه : لازم الحليب المستخدم للكريما يكون بارد جدا واذا كان الجو كثير حامي بنضع قبل بوقت الجاط يلي راح نخلط فيه الكريما والقشطه بالثلاجه افضل
& يفضل استخدام الكريما السائله لانها بتكون اجمد
بس انا استخدمت البودره مو متوفره عندي السائله
& ممكن تغير النكهه حسب النكهه يلي بتفضلوها
& ممكن تزينها بصوص شوكلاته ونرجعها للفريزر عشان يجمد الصوص
وهيك وصفتنا البسيطه والسهله والمنعشه صارت جاهزه تقطع وهي جامده لازم تقدم وهي جامده وصحه وعافيه
ان شاء الله بتجربوها وبتحبوها
دمتم بكل الخير
