كلام من القلب للقلب

المقادير

• احترام
• حب
• غلا

الخطوات

تحية تقدير واحترام لزاكي من شيفات ومتابعات وللادمن الله يعطيها العافيه على جهودها لينجح زاكي ونستفيد.. حابة احكي كلام من جوا قلبي بشكر شيفات زاكي على كل اشي بقدموا النا بهالتطبيق.. انا اتعلمت منكوا وصفات وشغلات ماكنت اتوقع اني اعملها بيوم من الايام حتى كل اللي حوالي اتفاجئوا مني اني عملتها.. بسببكوا حبيت مطبخي صرت اجرب واطبخ واغامر كسرت روتيني بالمطبخ عملت حلويات جربت الغريبة للقديرة ام جاسم الله يوفقها ويرزقها بقناتها على اليوتيوب.. طلعت معي بتشهي.. والكنافة النابلسية لنوارة نور احمد وهون الدنيا كلها انصدمت مني والحمدلله اني كنت اصور لما اعملها عشان كنت عاملة حسابي انو ماحدا رح يصدقني وانا لكل حدا ماصدق مباشرة ابعت الصور والخطوات كمان عملت وصفة خبز التورتيلا للغالية ام حسن وخبزتها على الغاز على طريقة الحبابة ام مصطفى…وبالنسبة للمعمول انا طول عمري بعرف انو بينعمل اكتر اشي بالأعياد.. انا لما عملتوا اول مرة على طريقة الحنونة ريحانة. صار زوجي يطلبوا مني باستمرار قسما بالله بعملوا مرتين بالأسبوع طبعا معمول الطحين بيطلع بيشهي وعملت الشاورما والبوظة العربي والحمدلله كل اشي بيطلع معي بيشهي هاد بيدل انو ولا وحدة فيكم بخلت علينا بشي.. قدمتوا احلى واحسن وأطيب اشي عندكم.. انتوا نورتوا حياتي خلتوني غير… وباقي الغاليات مو عشان ماجربت الهم وصفات يعني اني مابزور ملفاتهم والله بحب كل وحدة فيكم انتوا خوات بعهد الله.. الله لايحرمني منكم كلكم يارب عشان ضلوا منورين حياتي.. حتى ولو من ورا شاشة التلفون.. استودعتكن الله الذي لا تضيع ودائعه.. واللهم ارفع عنا الوباء والبلاء وجميع بلاد المسلمين اللهم امين