كيكة الشوكولاته ملكة الكيك
كيكة الشوكولاته ملكة الكيك
المقادير
- مقادير الكيك:
- 6 بيض
- كاسة زيت قلي كبيرة
- كاسة سكر
- كاسة صغيرة حليب بودرة
- كاسة الا ربع ماء
- 3 ملاعق صغار بكنج باودر
- 2 ملعقة صغيرة فانيلا
- 3 الا ربع كاسة طحين
- نص كوب كاكاو
- كريمة:
- دريم ويب 8 مغلفات
- قشطة باكيت
- كاسة حليب سائل بارد
- 2 ملعقة كبيرة سكر
- قطر (شيرة)
- 2 شوكولاته الواح كبير للبرش والتزين
- فراولة
- باكيت جيلو فراولة
الخطوات
بسم الله الرحمن الرحيم
نبدأ
اولا بنفصل صفار البيض عن البياض وكل منهم بوعاء غميق
بنخلط البياض بالخفاق لمدة 10دقايق وبنضيف السكر وبنخفق لحتى نحصل على خليط كريمي
وبنرجع لصفار البيض بنخقو الفانيلا والزيت والماء و والحليب حتى يتجانسو معنا وبنضيف الطحين بعد ما نخلو مع الكاكاو على خليط صفار البيض بالتدريج مع التقليب بالملعقة وليس الخفق وبعد ما ننتهي من الطحين نبدأ نضيف خليط البياض بالتريج أيضا تقليب وليس خفق حتى انتهاء الكمية بنكون حضرنا القالب مدهون زبدة ورشة طحين او ندهنو بالطحينية كمان بزبط
وندخلها على الفرن الاوسط المحمى حرارة 180 ساعه إلا ربع ونتأكد من جهازيتها بالعود او الشوكة
بنتركها على جنب تبرد
وقت الكريمة
بنفرغ مغلفات الكريمة مع الحليب السائل والقشطة والسكر ونخفق جيدا حتى نحصل على خليط كريمي ثقيل تقريبآ مدة ثلث ساعة خفق
وبعدها نذوب لوح الشوكولاته بالميكرويف
بقسم الكيكة من الوسط لثلاث او اربع قوالب حسب الرغبة وكل طبقة من الكيك بسقيها قطر وبدهنها من الكريمة وبضل اضيف طبقات الكيك بنفس الطريقة لاوصل اخر طبقة بسقيها قطر وبدهنها كريمة بحطها بالثلاجة لمدة ساعه حتى تبرد وتجمد الكريمة عليها
وبعدها بضيف على وجه الكيكة خليط الجلو مغلف واحد مع كاسة مي ساخنة وخليتو يفتر وسكبتو على وجه الكيك وغطست حبات الفراولة بالكمية يلي زادة معي من الجلو وحطيتهم على صحن ليجمدو بالثلاجة ورجعت الكيكة ربع ساعة على الثلاجه
وبعدها زينت القالب بصوص الشوكولاته يلي ذوبتو من جوانب القالب ورجعتها كمان مرة على الثلاجه ربع ساعه ليجمد الصوص
وزينتها بمبروش الشوكولاته وحبات الفراولة واصابع البسكوت
وهاي طريقتي لتزين الكيكة وفيكي تزينها بالطريقه يلي بتحبيها
ولاتنسوا تضيفوها للمفضلة وكل الشكر الكم على دعمكم
استودعتكم الله
