طريقتي بتفريز الليمون وعصير الليمون لشهر رمضان المبارك ملكة تحضيرات رمضان
طريقتي بتفريز الليمون وعصير الليمون لشهر رمضان المبارك ملكة تحضيرات رمضان
المقادير
- كمية من الليمون
- ورق دفتر
- عبوات فارغة
- مبشرة
- عصارة ليمون
- أكياس فريزر
- مصفاه ناعمة
الخطوات
السلام عليكم ورحمة الله وبركاته
حبيت قدملكم طريقتي بحفظ الليمون بالفريزر
وعصير الليمون للسلطات لشهر رمضان المبارك
وبرش الليمون لكل انواع التتبيلات متل الدجاج والسمك وكتير شغلات
بسم الله يلا نبلش
عندي كمية من الليمون
منغسلهم كتير منيح ومنشفهم بفوطة المطبخ
نأخذ نصف كمية الليمون ومنبرش الليمون بالمبرشة ومنحفظ البرش بعلب صغيرة بالفريزر لوقت بدنا نستخدمة منتركة شوي
ليفك من الثلج ومنستخدمة بكتير تتبيلات متل السمك والدجاج والكيك
منعصر الليمون يلي اخدنا منو البرش ومنزيد فوقو باقي الليمون يلي مابرشنا
ومنصفية بمصفاه ناعمة لنتخلص من البذور الناعمة مشان مايمرمر عندي
ومنعبيهن بقناني فارغة ومنحفظهم بالفريزر
لوقت الاستخدام منترك القنينة تفك من الثلج ومنرجها كتير منيح ومنستخدمها بالسلطات والمقبلات بتقعد عنا بالبراد 10ايام
الطريقة التانية :
منغسل الليمون كتير منيح ومننشفه ومنلفه بأوراق الدفاتر المدرسية ومنعبيهم ب أكياس ومنفرغ منهم الهواء ونسكر الكيس كتير منيح
وع الفريزر لوقت الاستخدام منطالع حبة الليمون ومنغسلها تحت الماء لمدة دقيقتين او 3 دقائق
ومنستخدمها اما عصير او بجانب الأكل
وصحتين والف هنا ع قلوبكم
