شراب تمر الهندي مشروب رمضاني بأفضل طريقة ملكة تحضيرات رمضان

المقادير

• مغلف تمر هندي
• سكر حسب الرغبة
• منكهات ماء ورد او ماء زهر حسب الرغبة
• ماء حسب الحاجة

الخطوات

السلام عليكم ورحمة الله وبركاته

بسم الله الرحمن الرحيم يسعد اوقاتكم بكل خير اليوم رح نعمل مشروب تمر الهندي من اطيب مشروبات الباردة برمضان ويلي بتحلي سفرة رمضان واكيد اذا عملتي المشروبات بالبيت انظف ومواد طبيعية مومثل يلي بنشتريها من السوق وبالاخص اطفالنا الصغار بيحبو المشوربات الباردة بعد صيام يوم طويل بتروي وتبرد على قلوبن ريتو مية صحة وهنا

رح نعملو اليوم بأفضل طريقة ممكن تعمليها بالبيت بالبداية ببنفكفك حبات التمر عن بعضن انا البكيت يلي عندي وزنو١٥٠غرام ضفت علية خمس كاسات وكاسة سكر وحطيتو عالغاز وتركتو يغلي مدة ربع ساعة وبس يبرد نهرس التمر بأيدنا وبنصفيه بمصفاية ناعمة وبنرجع بنزل مي على التمر يلي ضل بالمصفاية كمان وبنرجع منصفي وبنعبي بقناني وبنحطو بالفريز وقت الاستعمال بنطالعو قبل بوقت واذا حبيتي يكون مركز بتعملى اكثر من باكيت وبتقللي المي وبتغلي مدة ساعة وبتعبي بمطربان وقت الحاجة بتاخذي منو كمية يلي بتحتاجيها وبتزيديها بمي وقطع ثلج وبتضيفي ماء الزهر وقت التقديم بتضل نكهتو اقوى وقت التقديم ملاحضة افضل نوعية لتمر الهندي يلي بكون حبات تمر الهندي النوى وان شالله ريتو صحة وهنا والله يبلغنا رمضان ونحنا بأحسن حال