مثلثات الكنافة بالمكسرات ملكة تحضيرات رمضان

المقادير

• عجينة كنافة
• نص كيلو مكسرات مشكلة فستق حلبي وكاجو وبندق وممكن تكتفي بنوع واحد من المكسرات او تستخدمي اي نوع اخر
• كوبين سمنة
• قطر ثقيل

الخطوات

يسعد مساكم حبوباتي كيفك شو عاملين ان شاء الله كلكم بخير وسعادة

اليوم وصفة بسيطة وفاخرة وجميلة في التقديم وكتير حلوة ومميزة لضيافة رمضان على خير ان شاء الله

اول شي بجيب المكسرات وبطحنها خشن بالمحضرة وبعدين بجيب الكنافة وباخد خصلة خصلة وبفردها وبحط معلقة صغيرة من المكسرات وبعدين بلفها مثل السمبوسك على شكل مثلث وبحطهم في صينية وبذوب السمنة وبحطها على الكنافة ولازم تكون السمنة تغطي لنص الحبات لانو رح نقلي قلي مو بالفرن وهسة بحطو ع الغاز على نار هاااادية وبتركهم يتقلو وما بقلبهم ولا بحركهم الا بس الاحظ انو اخدت لون ذهبي من الاسفل بقلبهم على الجهة التانية وبقليهم واذا في اشي من الجناب ما اخد لون بقلبهم وبخلي اللون يصير موحد من جميع الاتجاهات وبعد التحمير بطلعهم من السمنة وبحطهم بمصفى ينزلو السمنة الزيادة وبعدين بحطهم بجاط وبسكب عليهم القطر البارد وبس يتشربو بصفهم بجاط التقديم وبزينهم بالفستق الحلبي المطحون وبقدمهم باردين والف صحة على الحلوين

ولا تنسوني من صالح دعواتكم يا عسولات بحبكم بالله