الكبة النية الحلبية ملكة تحضيرات رمضان

المقادير

• نص كيلو برغل ناعم
• ماء حسب حاجة البرغل
• ملعقتين كبار معجون طماطم
• ملعقتين معجون فليفلة,(دبس فليفلة)
• ملعقة كمون
• ملعقة ملح
• ملعقة فليفلة محطونة
• ضمة بقدونس
• بصلتين
• زيت زيتون نص كاسة

الخطوات

بسم الله الرحمن الرحيم

السلام عليكم ورحمة الله وبركاته

كيف حالكم شيفات زاكي اليوم رح نعمل طبق سهل وسريع كبة نية بدون ماكينة وبدون هبرة وطبق بزين اطباقك برمضان واليوم رح اعملو بطريقتي

اول شي بحط قدر كاستين ماء يعني المي لازم تغمر البرغل وبنحطها عالنار وبنضيف ملح وملعقتين معجون الطماطم وملعقة كمون وبنحركن وبس تغلي المي بضيف البرغل بتركن يغلو لحتا البرغل يشرب المي يعني خمس دقائق ويغطي وبنتركو بتفتح حبات البرغل يعني نص ساعةانا تركتها ساعة بنفرم البقدونس والبصل ناعم بنزل البرغل بجاط وبنضيف ملعقتين معجون فليفلة نحنا بنسميه دبس فليفلةونص ملعقة فليفلة مطحونة ناعمة ويندعك البرغل بأيدينا بتصير عنا شبه عجينة بنحط الزيت عالغاز وبنضيف نصف كميةالبصل وبس يتحمر بنضيفو عالبرغل وبعدين بنضيف البقدونس وباقي البصل

وبنرجع بندعكن مع بعض وبنشكلن بأيدينا وهيك خلص طبقنا لليوم وان شالله يارب يعجبكم وصحة وهنا