سماقية ملكة رمضان
سماقية ملكة رمضان
المقادير
- ٢ كوب برغل ناعم
- معلقتين صغار كمون
- بصلة متوسطة
- رشة فلفل اسود
- ٧ باذنجان حجم كبير
- كيلو لحم قطع
- ربع كيلو لحم كباب (مفروم )
- دبس بندورة
- سماق بمقدار معلقتين كبار مليانات
- نعناع ناشف معلقة كبيرة مليانة
- راس ثوم متوسط مقشر ومهروس وملح حسب الرغبة
الخطوات
السلام عليكم ورحمة الله وبركاته ورمضان مبارك عالجميع كيفكم حبيباتي هي اول وصفة بنزلها بزاكي التطبيق اللي بحبو كتير وكل مشتركاتو غاليات على قلبي أخواتي بالله الله يحميكم ويبارك فيكم يارب مابدي طول عليكم منبدأ وصفتنا لليوم
السماقية: اول شي حطيت كاستين برغل ناعم غسلتن وحطيتلن مي ليتنقعو وينفشو وبنفس الوقت بطنجرة حطيت اللحمة القطع لحتى تنسلق وبحضر الباذنجان غسلتو وقطعتو مكعبات بحطن على جنب ، وبتأكد انو اللحمة استوت بضفلها السماق ودبس البندورة والثوم والنعناع والملح ومنضيف شوي عصير ليمونة كبيرة ليعطي الحموضة المطلوبة ومنتركهم يغلو سوا تقريبا ١٥ دقيقة بعدها منضيف الباذنجان اللي قطعناه ومنتركهم يغلو سوا على نار متوسطة.
البرغل الناعم بكون شرب المي اللي عليه منضيفلو رشة الفلفل الاسود والكمون والملح والبصل مقطعو على البرغل أرباع وبماكينة الكبة منطحنهم مرتين بعدها منضيفلن اللحمة المفرومة ومنخلطهم سوا ومنرجع نعملن دورة عالماكينة وبعدها بايدينا منعجن عجينة الكبة لحتى تصير متماسكة وبعدها منقطعها قطع صغيرة متساوية ومنعملهم كورات وبطنجرة منعبيها ماء ومنضفلو ملح وعلى النار لحتى يغلي منصير نضيف كورات الكبة وبس شفناها طافت على وجه المي منشيلن منحطن بمصفاية لحتى يصفو مي ويبردو.
ووقت الاكل منسكب السماقية ومنحط كورات الكبة وألف صحة وهنا بتمنى تجربوها وتعجبكم أكلة خفيفة برمضان بدون رز ودسم
لاتنسونا من دعواتكم…….
