فتة داوود باشا ملكة رمضان

المقادير

• خبز عربي مقطع و مقلي
• كرات اللحمة
• نص كيلو لحمة عجل مفرومة
• رشة بقدونس مفروم حسب الرغبة
• ملعقتين كبار زيت نباتي
• ملعقتين كبار بصل مبشور حسب الرغبة
• رشة ملح و فلفل اسود
• نص ملعقة صغيرة بهارات مشكلة
• لصلصلة البندورة
• حبتين كبار بندورة مبشورة
• بصلة مقطعة شرائح
• ملعقة كبيرة فلفل اخضر حار مفروم حسب الرغبة
• سن كبير توم مهروس
• ملعقتين كبار صلصة البندورة
• ملعقتين كبار زيت نباتي
• ملعقتين كبار دبس رمان وممكن اقل حسب الرغبة
• ربع كاسة مية
• رشة ملح و فلفل اسود و بهارات مشكلة و سكر و بابريكا حارة
• للبن
• كاسة لبن
• ملعقتين كبار طحينية
• عصرة ليمون
• توم مهروس
• رشة ملح

الخطوات

بتخلطي لحمة مع ملح و فلفل اسود و بهارات مشكلة و زيت نباتي و البصل والبقدونس وبتكوريها

بتقليها او بتشويها

بتقلي البصل ليذبل و بتضيفي التوم المهروس والفلفل الحار

بتضيفي البندورة

بتضيفي صلصة البندورة ودبس الرمان رشة ملح و فلفل اسود و بهارات مشكلة و سكر و بابريكا حارة وبتقلبيهم بتضيفي المية بتتركيها تغلي وتتسبك بتنزلي عليها كرات اللحمة

بتخلطي لبن مع الطحينة والتوم وليمون بتضيفي رشة ملح

بجاط التقديم بتحطي الخبز وبتوزعي كرات اللحم و فوقها لبن

وبتزينها

بالهنا والشفا