افضل طريقة للتخلص من اسوداد اليدين وتنعيمها

المقادير

• ملح ليمون
• سكر حبيبات
• زيت زيتون
• اي نوع كريم أو فازلين أو أي مرطب

الخطوات

السلام عليكم ورحمه الله وبركاته لاحلى صبايا زاكي بعد بحث طويل و معاناه كثيره من لف الدوالي ومابعد لف الدوالي من اسوداد اليدين وخشونتها انا من الناس يلي لما تلف دوالي او بعد تقشير الرمان او تقشير الباذنجان وغيرها من الاشياء يلي بتصبغ الايدين بصيروا يدي سود ولما يصير اسود بصير خشنين دورت كثير حاولت اعمل ماسكات كثير حتى اتخلص من هذه المشكله لدرجة اغسل ايدي بالكلور بس كان يزيد الخشونه عدا عن اضرارو وحتى أحياناً افركهم بمبرد الرجلين لكن بلا فايده كان تظل معي المشكله حوالي اكثر من اسبوعين حتى اخلص من اسوداد اليدين واخيرا لقيت الحل

بسم الله نبدا

اول شيء بغسل يدي بالمي و بنشفهم تنشيفه خفيفه بجهز ملح ليمون بصحن وبفرك ايدي كل ما احسها منشفه من الماء ارجع رطبهم بشويه ماء وافرك ملح الليمون كويس وكل ما يذوب برجع يزيد ملح الليمون وهيك حتى اتخلص من السواد محتاج حوالي الثلاث دقائق وانا عم بفرك وبعد ما اخلص من تنظيفها بغسل ايدي وبنشفهم بكون حضرت ملعقه سكر حبيبات مع ملعقتين زيت زيتون وبفرك ايدي مزبوط حوالي ثلاث دقائق كمان

الخليط الاول ‘ملح الليمون :حتى نظف يدي من السواد ،

اما الخليط الثاني: فهو لتنعيم اليدين وتقشيرها ‘

بعد خمس دقائق بتكون خلصت مرحله التقشير والتنعيم بغسل الايدين بالماء الفاتر والصابون رح حس بالنعومه الرررررررائعه،

لما خلص برطب ايدي باي نوع مرطب عندي موجود واذا ما في بالفازلين او اي شيء ان شاء الله تكون فدتكم حبيباتي صبايا زاكي الغاليات على قلبي لاتنسوني من دعواتكم و تعليقاتكم الحلوه زيكم ولي بتجربها اكيد بدي تعطيني رايها بتجربتها اذا فائدتها او لا