صينية اللحمة الريش ملكة زاكي

المقادير

• ثنين كيلو ريش ضاني
• بطاطا
• كوسا
• بصل صغير
• بندورة صغيرة
• جزر
• فلفل حلو وحار
• فطر حب معلب
• للتوابل:
• بهارات مشكلة
• فلفل اسود
• ملح
• توابل ماجي بالفلفل والليمون
• كاري

الخطوات

السلام عليكم حبوباتي كيفكم ان شاء الله الجميع بخير وصحة وعافية اليوم وصفة سهلة ومريحة وكتيييير لزيزة يلا على الطريقة

اول شي بكون مقطعة كل الخضار ما عدا البصل الصغير والبندورة بخليهم حب والفطر كمان بخلي حب والتقطيع لازم يكون سميك شوي عشان ما ينهري معك بالفرن وبتبل كل الخضار وبغسل الريش وبتبلها وبحط الخضار بالصينية وبصف فوقها الريش وبحطلها مقدار كاسة شاي صغيرة مي وبغطيها بقصدير بشكل محكم وبدخلها الفرن على نار حامية لمدة ساعة الا ربع وبعدين بهدي النار وبتركها كمان نص ساعة على نار هادية وبعدين بكشف القصدير عنها وبتركها حتى تتنشف شوي من ميتها وتتحمر كمان نص ساعة تقريبآ وبعدين بقدمها بجنب المخللات واللبن واي مقبلات بتحبي وصحتين وهنا عليكم طبعآ بتقدري تعملي الصينية بالموزات كمان او بأي لحمة قطع موجودة عندك بس اهم شي تكون صغيرة عشان تكون طرية معك وما تشد

ولا تنسوني من دعواتكم حبوبات