كريب مالح بحشوة الجبنة ملكة زاكي 5
كريب مالح بحشوة الجبنة ملكة زاكي 5
المقادير
- حبتين بيض
- كوبين إلا ربع حليب
- ربع كوب زيت
- كوبين طحين
- ملعقة كبيرة سكر
- ملعقة صغيرة ملح
- الحشوة
- جبنة موزريلا
- جبنة بيضاء
الخطوات
السلام عليكم ورحمة الله وبركاته
يسعد اوقاتكم بكل خير اليوم رح نعمل كريب مالح بحشوة الجبنة سريع وسهل وطعمها كثير طيب لوجبة فطور أو عشا خفيف اول مرحلة بنزل البيض والحليب والزيت والسكر والملح وبنزل بالبداية كوب طحين وبنخلطن بالخلاط لحتا يذوب الطحين وبنزل الخليط بجاط وبنزل كوب الطحين الثاني على دفعات وبنخلط لحتا يصير عنا خليط نوعا ما خفيف وبالمقلاة بنصب ملعقة كبيرة من الخليط و بنحرك المقلاوة لحتا يتوزع الخليط ويصير عنا شكل دائري بنتركو لحتا نشوف الوجه نشف بنقلبو عالوجه الثاني لحتا يتحمرشوي وبنطالعو وبنغطيه لحتا يطرا ويسهل علينا بالحشوة وبنكمل الباقي وبنحشي بأي حشوة بتحبوها انا حشيتو
جبنة بنحطو الحشوة بنصف الرغيف وبنسكر الأطراف
وبنحطن أو بمقلاة أو سخنان الخبز الكهربائي لحتا ياخذو اللون الذهبي الغامق وهيك صارو جاهزين كثير سهل وسريع التحضير وان شالله صحة وهنا
