تشيز كيك الفراولة على طريقة أفخم مطاعم دبي
تشيز كيك الفراولة على طريقة أفخم مطاعم دبي
معكم صديقة زاكي المميزة الملاك الثائر
تشيز كيك الفراولة ?
وهي طريقتي بالتشيز كيك نوعين :
التشيز كيك:
اول طبقة علبتين بسكوت مطحون مع رشة هال ناعم واصبع زبدة مدوبة و3 معالق حليب سايل
منخلطون ومنمدون بالقالب ومنحطون بالفريزر بين ما منعمل الطبقة التانية.
الطبقة الثانية:
ظرفين كريمة دريم ويب مخفوقين بنص كاسة حليب بارد ليسمكو ، منضيف فوقون علبة حليب مكثف محلا وسط و12 حبة جبن كيري (لازم تكون بحرارة الغرفة مو بالبراد ليسهل دمجا بالمواد) ومنضيف كاسة حليب بودرة ومنخلطون كتير منيح بخفاقة البيض ع كهربا لتختفي كتل الجبن ومنحط فنجان قهوة حليب سايل ومنخلط
والخطوة الاخيرة والاهم ليضل ماسك وحلو هوي الجيلاتين منحط معلقة كبيرة جيلاتين بودرة مندوبا بنص فنجان قهوة مي مغلية ليدوبو تماما منضيفون ع الخليط منخلطون منيح ومنصبون فوق طبقة البسكوت ومنحطون بالبراد ساعتين لتمسك الطبقة.
الطبقة التالتة اختيارية ع حسب الزوق
اقتراح 1: منحط ظرف كريم كراميل مع كوب مي ع النار ليغلو ومنضفلون معلقة زغيرة نسكافيه لتدوب منتركون لتروح منون الحرارة ومنحطون بهدوء ع طبقة التشيز
اقتراح 2: منجيب اي مغلف جيليه بالنكهة يلي منحبا ومندوبون بكوب مي مغلية وليفترو منضيفون فوق طبقة التشيز .
ومنتركون ليلة كاملة بالبراد وصحتين وهنا
