تشيز كيك بالنوتيلا ممممممم كتير طيبه وسهله وخفيفه كتييير مين بدها الطريقه؟؟
معكم صديقة زاكي المميزة الشيف Em Zaid
تشيز كيك سهل وخفيف
المقادير:
باكيت ونصف بسكويت دايجستف أو أي نوع سادة
ملعقة كبيرة زبدة
علبة و نصف علبة قشطة
ملعقتين كبار نوتيلا
حبتين جبنة كيري
كريمة خفق كاسة صغيرة
ملعقتين كبار كاكاو
ملعقة صغيرة جيلاتين
الطريقة:
بنطحن البسكويت ناعم وبنعجنه بالزبدة وملعقة كبيرة قشطة وبنرصها بالقالب.
ثم نضع الصينية في الثلاجة.
الطبقة الثانية:
بخلاط الكريمة نضع الكريمة الخفق السالة والكاكاو والقشطة وبنهرس الجبنة, وبنضيفها, ونضع النوتيلا
وبنذوب الجيلاتين بملعقة كبيرة مي مغلية وبنضيفها وبنخلط , ونضع خليط الكريمة فوق طبقة البسكويت
وعلى الثلاجة لمدة 6 ساعات
بعد ما نطالعها نذوب شكولاتة مع ملعقتين قشطة كبار وملعقة نوتيلا وبنسكر الكيس وبنكون محضرين طنجرة وبنسخن المي وبنحط الكيس في الطنجرة ليسيح البخار الشكولاتة اللي في الكيس حتى يذوبوا وبنثقب الكيس وبنزين القالب وممكن نبرش شكولاتة على الوجه.
