معمول الحليب المكثف هش و رائع يا بنات جربوه
معمول الحليب المكثف هش و رائع يا بنات جربوه
معكم صديقة زاكي المميزة الشيف لينا عرار
معمول الحليب المكثف:
بنخفق 4 اصابع زبدة لينة مجموعهم ( 400غ) بنخفقهم لحالهم لحتى يصيروا كريمي بنحط علبة حليب مكثف ومحلى كاملة ( 395غ) وبنخفقها سوا مع الزبدة بعدها بضيف معلقة صغيرة محلب ومعلقة صغيرة فانيلا ومعلقة صغيرة ماء ورد وبنحرك منيح بعدها بنزل مقدار الطحين ( من 5 الى 6 كاسات حسب نوع الطحين )
بنزل المقدار عثلاث دفعات لحتى نتاكد من انو كل مقدار عم يختلط منيح بعدها بنلم العجينة باطراف اصابعنا لحتى تلتم العجينة كلها مع بعض ريحتها ربع ساعة بالثلاجة وبلشت مباشرة العمل فيها.
بالنسبة للتحمير حمرت الكعك من فوق اول لحتى تنشفوا بعدها من تحت مجموع مدة التحمير من ( 12-15 دقيقة ). لتحضير العجوة بنحط 2 م ك زبدة سايحة عبكيت عجوة وبنحط معلقة صغيرة قرفة ومعلقة صغيرة بهارات الكعك وبنحركهم منيح.
