اطيب دوناااات بعملها
معكم صديقة زاكي المميزة الشيف Jasmin
الطريقة:
ملعقة طعام خميرة بنخلطها مع نصف كاسة حليب دافية و 5 ملاعق سكر ونصف كاسة طحين ونغطيها لحتى تختمر لمدة نصف ساعة
وبعدها بنضيف على العجينة بيضة وكاستين طحين ورشة صغيره ملح وثلث الكاسة زبدة وممكن نحتاج كمان طحين أثناء العجن حسب نوع الطحين
وبس تتشكل العجينة وتبطل تلزق نغطيها لتختمر من جديد على الأقل ساعة حتى يتضاعف الحجم
وبعدها نفرد العجينة ونقطعها على شكل دوائرونخرمها من المنتصف بواسطه غطاية الكوكا كولا, ونترك العجينة تختمر بعد التقطيع لمدة نصف ساعة
ثم في زيت غزير وحامي نقلي حبات الدونات حتى يحصلوا على لون ذهبي جميل
ملاحظة/ ممكن نشكل البعض دوائر بدون إفراغها من المنتصف لنقوم بحشيها بعد القلي
الحشوة:
كريمة باتسيير
نصف كاسة حليب مع ملعقتين سكر على النار ليغلوا وونخفق على جنب صفار بيضتين مع ملعقة طحين ورشة فانيلا, وبس يغلي الحليب بناخد شوي منه وبنخلطه مع مزيج البيض لنوصل حرارة البيض لحرارة الحليب, ثم نرجع نصب مزيج البيض فوق الحليب الباقي ونرجه على النار مع التحريك المستمر حتى يسمك القوام وعندما يبرد نحشي حبات الدونات فيه.
الايسنغ للتغطية حبات الدونات:
ربع الكاسة زبدة مع كاسة سكر بودرة ورشة فانيلا
بنذوب على النار الزبدة ونضيف السكر والفانيلا ليصير المزيج ناعم سلس ونرفعه على النار ونضيف ملعقتين طعام مي ساخنة ونتركه يفتر ونستخدمه