رافاييلو ع طريقتي طريقه سهلة و الطعمة ولا اروع

رافاييلو ع طريقتي طريقه سهلة و الطعمة ولا اروع
معكم صديقة زاكي المميزة الشيف Jood Jabae

رافاييلو ع طريقتي ..  طريقه سهلة و الطعمة ولا اروع
بدي دعمكم يا حلوين ..
بتمنى يعجبكم ..

الطريقه :
اول طبقه اي كيك شوكولا انتو بتحبوه بتقدرو تعملوه او تشتروه جاهز .. انا عملتو خفقت ٣ بيضات مع كوب زيت و كوب سكر وكوب حليب سائل و معلقتين فانيلا و معلقتين باكينغ باودر و اربع معالق كبار كاكاو و كوب ونص طحين .. و خبزتها بالفرن لحتى استوت منيح ..

الطبقه التانيه خفقت كريما مع علبة قشطه و ممكن تستخدمو الحليب المكثف كمان بس ازا مش متوفر بصير تستغنو عنو عادي و طحنت بسكوت ساده منيح و خلطتو معهم و حطيت جوز الهند و خفقتهم منيح و حطيتهم فوق طبقة الكيك ..

و عالوجه عملت صوص الشوكولا يلي هو عباره عن اربع معالق كبار كاكاو و كوب حليب سائل و ٣ ارباع الكوب سكر و كوب زيت و عالخلاط لحتى يتجانسو و بتزينو الوجه و صحتين وعافيه ..
يلا احكو عني عاطله