مقلوبة اللي بحبها يشجعني
معكم صديقة زاكي المميزة الشيف شذى الورد
الطريقة كالاتي:
بتجيبي جاج بتنظفي منيح بعدين يتجيبي طنجرة بتحمسي في بصلة مفرومة ناعمة وبتحطي زيت زيتون ولما تذبل البصلة بتحطي الدجاج المقطع وبتظلك تحوسي فيه لحتى يتغير لونه بتحطي بهار وشوية كركم وورق الغار بتحركيه
بعدين بتحطي عليه المي وبتخليه لحتى يستوي بعدها بتكوني ناقعة الرز لحتى ينبت وبتجهزي جاط زهرة وباتجان مقليات اول شي بتجيب الرز بتحطي ملح وبهار وقرفة وبتحركيهم منيح
بعدين بتجيبي الطنجرة بتحطي اول شي شوية رز بعدين الجاج بعدين طبقة باذنجان وزهرة بعدين رز
وبعدين كمان مرة باذنجان وزهرة وبعدين رز لحتى يصير عندك طبقات وبتحطي عليهم الشوربة تاعة الدجاج وبتحطيهم على نار عالية بس تغلى بتوطي النار تحتهم وبتخليهم لحتى يستوي الرز والف صحة يارب