المقادير

• 3 بيض بحرارة الغرفه كوب وربع سكر كوب الا ربع زيت كوب حليب معلقة فانيلا سائله معلقتين باكنج باودر نص معلقه باكنج صودا رشة ملح كوبين طحين منخول تلات ملاعق كاكاو كادبوري خام

الخطوات

نفس طريقة الكيكه المعتاده السوائل بالخلاط ما عدااااااا كاسة الحليب خليها عجنب بهاي الوصفه والمكونات الجافه منخوله بزبديه بتضيفي السوائل على الجاف وبتخفقي منيح بتكون خليط تقيل ما بنخفق بسهوله بتغلي كاسة الحليب وبضيفيلها نص معلقه نسكافيه وتلات ارباع معلقة قهوه صغيره بتحركيها وبضيفيها للخليط بعدين بتحطي بقالب مدهون عالفرن 180 الرف الوسطاني بس انا خبزتها عالصوبه واستعملت طنجره قياس 28 كبيره متعمده مشان ما يطلع ارتفاعها عالي مشان يطلع بكل لقمه من صوص النوتيلا معها

بس اطلعيها بتهلطي علبة قشطه مع معلقتين مفللين نوتيلا وحطيها عوجه الكيكه وهيه سخنه وقطعيها واستمتعي بطعمها وهيه سخنه خليت الزينه بسيطه لانو طعمها جدا غني وصحه وعافيه ان شالله تعجبكم