أطيب مندي على الاطلاق
معكم صديقة زاكي الشيف الموهوبة بثينة غانم
المندي …
اول خطوة تنضيف الجاج كويس بنعمل فيه فتحات وبنحط عليه
خل ابيض معلقة تقريبا
زنجبيل مبروش
هيل ناعم
لومي مطحون
رشة قرفة وفلفل اسود وبهارات مشكلة
انا بحط سازون جويا وبحط بودرة زعفران للون
ملح
زيت زيتون
صلصلة ..معلقة تقريبا
عصير ليمون
ولبن ..معلقة تقرببا …انا عاملة نص جاجة ممكن اتضاعفو الكمية للجاجة الكاملة او للاكتر
بنخلطهم سوا وبننقع الجاج فيهم 3 ساعات عالاقل…
بعدها بنجيب بايريكس او اي صينية فرن مناسبة بنحط فيها تقريبا كوب مية مغلية ومكعب ماجي وورق غار وبصلة مقطعة كبيرة وعود قرفة وهيل حب وحب فلفل اسود وحبة لومي وكم حبة قرنفل وبنحط الجاج على شبك فوق الجاط وبنغلفهم بقصدير وبندخلو بفرن حامي قبل بوقت وعلى درجة 200 بالنص بنترك الجاج 40 دقيقة
…وبعدها بنفتح عليهم بنكون ناقعين رز حبة طويلة نص ساعة بنصفيه وبنحطلو شوية بهارات بسيطة ورشة ملح زيادة وبنحطو عالمرقة وبنزيدها حسب ما بيحتاج …احنا ما بنحب البهارات الحب فبشيلها قبل ما احط الرز..وضفت زبيب وجزرة وفلفل بس للنكهة
بشيلهم بعد ما يستوي وممكن تخلوهم برجع بحط القصدير على الجاج والرز وبتركهم كمان 40 دقيقة وبتفقدو على 30 دقيقة احتياطا وبحمر الجاج وبولع فحمة بحطها بقصديرة بنص الرز وعليها كم نقطة زيت وبغلفها بللقصدير 10 دقايق وبعدها بقدمو ….
ملاحظة ..
في ناس بيضيفو الرز باول خطوة مع الجاج انا بحط الجاج يكون كتير مستوي منيح وعشان الرز بدو وقت اقل بعمل الخطوات اللي فوق ممكن تستغنو عن نوع بهارات مو ضروري بالزبط
