غدانا اليوم غير شكل زوجة ابني طبخت مقلوبة بيتنجان

غدانا اليوم غير شكل زوجة ابني طبخت مقلوبة بيتنجان 
معكم صديقة زاكي الشيف المميزة Sahera Da
مساء الخير احبتي .. .. زوجة ابني طبخت مقلوبة بيتنجان ومعكرونه باللين والطحينه وسلطة لين بخيار .. يعطيها العافية يارب وربي يجيها كناين منيحة ..

طريقة المقلوبة:
بيتنجان كيلين حبته كبيرة مقشر ومقسم شرحات..
ادهني شرحات البيتنجان بزيت الزيتون واشويهم على صاج .حتى يصبح لونهم دهبي .عالحلوين
رز حبته قصيرة كاستين وكاسة ونص رز حبته طويلة مغسولين ومنقوعين بالماء .عشر دقائق.
كيلو لحمة مجرمشة مقلية مع رشة ملح وفلفل اسود ..من دون زيت أو سمنه.

طريقة التحضير .
ضعي نص اللحمة المقلية باسفل القدر ونص البيتنجان ،. حمصي الرز بزيت الزيتون …الكمية حسب الرغبة ..وضيفي هم فوق البيتنجان. ثم ضيفي البيتنجان الباقي . ركزي الملح مع رشة فلفل اسود . واتركيهم عالنار حتى يغلي الرز .ربع ساعة . ثم اتركيهم على نار هادية ،تلت ساعة .. .اقلبي القدر بطبق التقديم وزينيه باللحمة المقلية والمكسرات مع رشة فلفل اسود والف صحة وهنا ..