الدحدح على طريقتي
معكم صديقة زاكي الشيف الموهوبة OM SHAM
المقادير
- كاستين لبن
- اربع كاسات سميد
- كاستين سكر ورشه ملح
- معلقه كربونات كبيره
- كاسه زيت ونص كاسه سمنه او زبده واذا مو متوفر زيت
- الحشوه كاستين جوز الهند كاسه سكر ويلي بيحب يزيد سكر معلقه قرفه كاسه جوز مفروم خشن
الخطوات
الدحدح حلو فلسطيني الاصل بس لانو طيب كتيير انتشر بكل بلاد الشام تعالو معي نشوف الطريقه مع بعض
على الغاز منحط كاستين اللبن مع معلقه الكربونات ومنخليا لتفور منهدي الغاز ومنضيف السكر والسميد والزيت والسمنه ورشه الملح ومنحركا لتتجانس معنا ومنسكر الغاز
منجهز الحشوه منخلط جوز الهند مع القرفه والسكر
منجيب الطبق يلي راح نخبز في الدحدح منفرد العجين نصا تحت منحاول نخليا سماكه وحده ومنرجع منفرد الحشوه بعيد عن الاطراف
ومنرجع منحط باقي العجينه فوق
لازم ترتاح قبل الخبز بمكان دافي نص ساعه
انا سخنت الفرن ربع ساعه ورجعت طفيتو وحطيت الصينيه ترتاح
بعد ماارتاحت طالعتا قطعتا وشغلت الفرن على حراره 180 وشويتا من تحت لحتى بينت الاطراف عندي رجعت شويتا من فوق
في ناس بيحبو يدهنوا وش الدحدح قطر او سكر ناعم حسب ذوقكن
اهدااااء خاص مني لمدام رويداا
وصحه وهنا للجميع
