فته الحمص اطيب فطور وخاصة ليوم الجمعة احفظوها عندكم
معكم صديقة زاكي الشيف الموهوبة OM SHAM
المقادير
- حمص
- طحينه نص كاسه
- عصير ليمونتين
- كمون وملح
- سمنه معلقتين ومكسرات وبقدونس للتزيين وسماق
- كميه من الخبز المقلي حسب افراد العائلة
- 3معالق لبن 3 سنن ثوم
الخطوات
مننقع حمص بمي وتاني نهار منغسلو ومنحطوا بالطنجره ومنحط عليه ميه سخنه وعلى النار لحتي يستوى في انواع حمص بتحتاج لشي قلوي متل الكربونات مشان تستوي منترك الحمص يستوي بس مو ينهرى مشان منظروا وقت التقديم
منجيب خبز عربي حسب افراد الاسره منقسمو ومنقلي وممكن بالفرن مشان يكون صحي اكتر منشيل كميه من الحمص ومنحطا بالخلاط مع الطحينه وعصير الليمون بس مو كلو خلي شوي عجنب ممكن يكون كافي عصير ليمونه وحده واللبن والملح والكمون ومنخلطن لينعموا منيح معنا
ومنضيف الثوم 3 سنن ومنخلطن لينعموا منيح معنا منبلش نسقي الخبز بمي سلق الحمص بس مانكتر بالنظر وبعدا مندير فوقا خليط الحمص يلي طحنا منحتفظ بشوي منو مشان وجه الفته بالاخير ومنخلطن
وهون دوقي الملح والحمض حسب ذوقك واخر شي منحط باقي الحمص المطحون ومنزينا بالحمص الحب البقدونس سماق والمكسرات وطبعا كل ست بيت الها طريقه تقديم منحمص المكسرات بالسمنه ومنحطا فوق الفته بالاخير صحه وهنا للجميع
