المقادير:
كيلو خوخ مغسول و مقطع حسب الرغبة نحنا تركنا الحبة بصحتها
كيلو سكر
معلقة بشر برتقال او ليمون
معلقة صغيرة ملح ليمون او نص كاسة عصير ليمون
الطريقة:
– نقشر الخوخ و نشيل الحبة جواتو و كمان فينا نقطعو ع كيفنا لو ما حبينا اتضل الخوخة بصحتها.
– نحط السكر على الخوخ و نتركو شوي قبل ما نحطو عالنار يعني نتركو شي ساعة او ساعتين.
– بعدين نضعهم في طنجرة و بنشغل عليه النار (ملاحظة: ما تضيفو مي أبداً و كمان لازم تكون الطنجرة ناشفة و المعلقة ناشفة و اي شي تحركي فيه ناشف بدون نقطة مي لانو بيخرب المربى ازا اجاه مي).
– بنخليه عالنار ليغلي و نهدي عليه, نضيف بشر البرتقال او الليمون و عصير الليمون او ملح الليمون و نتركو يغلي ليعقد و بعدين بنخليه يبرد (و ما نغطيه ابداً لانو الغطا بصير ينزل مي عالمربى).
– نخليه يبرد تماماً و الافضل نخليه لتاني يوم بالطنجرة يبرد بعدين بنسكبو بالعلب اللي بدنا اياها.
تعلم صنع مربى الفراولة من هنا.
نرحب بك لتكون صديقا لزاكي بالانضمام لجروب “زاكي” على الفيس بوك:
مربى الفريز ( مربى الفراولة)