المقادير

• 200 غ زبده لينه
• كاسه سكر ناعم بودره
• تلت ارباع كاسه نشا
• بيضتين
• معلقه فانيليا ومعلقه صغيره ممسوحه بكمبودر
• الطحين من كاستين ل كاستين ونص
• 3 معالق كاكاو
• للحشوه
• فواكه مشكله بنبون شكولا بالحليب وشكولا غامق

الخطوات

منخفق الزبده مع السكر الناعم ليتغير اللون منضيف فانيليا ومنخفق منضيف البيض والنشا واخر شي الطحين

اذا كنتي حابه تعملي العجينه بالكاكاو نقصي مقدار الطحين 3 معالق وحطي بدالن كاكاو

ريحي العجينه عشر دقايق بالبراد

بعدا بلشي شغل انا استعملت قوالب الميني بامكانك تستعملي قالب كبير بالنسبه للحشوات استعملت شكولا بيضا وشكولا غامقه والتزيين انتو على زوقكن

اذا كنتو حابين تحشو التارت بالكاسترد لازم ندهن قبل التارت بشكولا هيك راح يحافظ عليه مده اطول ماتتشرب العجينه وتصير طريه

وبالنسبه للفواكه التفاح والموز يفضل التزيين فيا قبل التقديم

اما بالنسبه لباقي الفواكه عملي قطر خفيف كتير ودهني بالفرشا الفواكه راح تعطي لمعه وتحافظ عليهن

ملاحظه قبل الخبز مهم نعمل ثقوب بالعجينه حتى ماتنفخ معنا

مده الخبز من 5 ل 7 دقايق من تحت وبعدا شغلي الشوايه يادوب دقيقه بس تبرد على الاخر فكيا من القالب وزيني التارت

وميت هنا على قلوبكن