المقادير

• 4 بيضات
• كاسه ونص سكر
• نص كاسه زيت
• فنجان مي فاتره
• معلقه خل
• نص معلقه بكربونات صغيرة
• ظرف بكمبودر و ظرف فانيليا
• كاستين ونص طحين منخل 3 مرات مع رشه ملح
• كريما للتزيين + معلقتين كاكاو + 3 معالق شكولا دهن

الخطوات

منخفق البيض مع السكر والفانيليا ليتغير لونن

منضيف الزيت والمي ومنستمر بالخفق

مننخل الطحين مع الكربونات والبكمبودر والملح 3 مرات

مشان الكيك يطلع هش

منضيف معلقه الخل

ومنضيف الطحين بالتدريج

منستمر بالخفق 7 دقايق بعد اضافه اخر كميه طحين

منجهز القالب او الصينيه مندهنو ومندخل الكيك على فرن حامي 180 درجه لمده 40 ل 50 دقيقه

منترك الكيك يبرد

الحشو انا حشيتو بكريمه الشكولا

وهي عباره عن كريمه سائله مع نص كاسه سكر بودره و3 معالق شكولا دهن و2 معلقه كاكاو

جهزتا ودخلتا البراد

قسمت الكيك نصين سقيتو بفنجان حليب مخلوط مع معلقه نسكويك

حشيتا بالكريما

وغطيت الوجه كلو بالكريما دخلتا البراد وبعدا زينتا بخطوط من الشكولا

وحبات بنبون

وصحه وهنا للجميع