قصة خيبة أمل لمحبي القصص

قصة خيبة أمل لمحبي القصص
تنويه: احداث هذه القصة حقيقية وحصلت فعلا

#خيبة_امل

الجزء الاول

ابو امل :اييه يا ام امل جهزتي البنت من كله امل بنتي اعز وحدة عقلبي وبدي اياها تطلع كاملة بحفلة الحنة
ام امل: لا تخاف يا رجال بعدين ما شاء الله مجد واهله ما خلو ايشي ما جابوه
ابو امل : حتى ولو الله يستر عليها وعخواتها ويبعتلها ايام حلوة وبيضة متل التلح
ام امل : اللهم امين الله يسمع منك

دخل لعندي ابي وباسني عجبيني
ابو امل : كبرتي يا ابي وصرتي عروسة بتاخد العقل
امل: اسمحلي امسحلك دمعتك بايدك ابي مو انت دايما كنت تدعيلي انه ربنا يرزقني ابن الحلال شو ليه هلا بتبكي لتكون غيرت رأيك ابو امل
ابو امل: الله يسعدك ويهنيكي شوفي يا بابا انا بدي وصيكي بكم شغلة قبل ما تروحي عبيتك التاني الوحدة وزوجها ستر وغطا عبعض يا بابا يعني الي بصير ببيتك وجواته ما حدا يعرف فيه با بابا وتأكدي انه ما في بيت خالي من المشاكل ملح الحياة انا ما بقلك ادعسي عكرامتك عشان حياتك الزوجية تمشي لكن الحياة فيها الحلو والمر
حضنته لابي وكنت عم احكي بيني وبين حالي يا رب يطلع خطيبي زلمة وحنون متلك
مرقت حنتي وكانت كتير حلوة ويوم عرسي كان متله متل كل الاعراس ضحك وغنا ورقص وبالنهاية بكا لما سلمت عاهلي وودعتهم وابتدت حياتي ومشواري مع مجد
هو كان شخص طيب كتير،،، متفهم لابعد حد وحنون بطريقة رهيبة كنا متفاهمين كتير وما حدا فينا يزعل التاني
بس متل ما بقولو الفرحة ما بتكمل والا ما تتنغصي من شي بحياتك ومتلي متل اي عروس بكون اول همها متى تطلع حامل بس هالكلمة تأخرت وهالشعور ما عم بجربه
ولمتى يا ربي

مجد: امل حياتي وينك
امل : انا هون مجود تعا
مجد : حبيبتي عمتي ام محسن تحت عند امي انزلي سلمي عليها
امل : ضروري
مجد : مو حابة مع اني بعرفك بتحبيها لعمتي
امل : والله بحبها وبحب اي حدا من طرفك بس هلا ببدا موشح ليش لهلا ما حوشتو شي وليه بعدك مو حامل وليكون عندك شي انا بعرف انه من حقكم تشوفو حفيدكم بس انا تعبت والله يا مجد تعبت
مجد : وكلي امرك لربنا امولة وصدقيني الا ما يعطيكي عقد نيتك ويرزقك الشي الي بتحبيه يلا قومي انزلي معي واخواتي ليالي ونهال جايات كمان هيهم تحت ويمكن اخواني حسن ومحمد كمان يجو
امل : طيب خلص شوي وبلحقك ولا يهمك

نزلت ورا مجد تحت عند اهله كانو الكل مجتمعين ومبسوطين والي كنت متوقعته صار
ام محسن : شو يا امل لهلا ما حملتي يا بنتي خليني اطبقلك ظهرك او اخدك عشي دكتورة شاطرة
حماتي : هاد كله رزق من ربنا لما ربك بدو يعطي ما في اكرم منه ربنا هلا مو رايد حبيبتي امل برضاي عليكي عمليلنا كاستين شاي من تحت ايديكي الحلوين
امل : مو تكرم عينك مرت عمي حاضر احلى كاسة شاي

حماتي كانت انسانة طيوبة وحبابة كتير وبتمشي مع الحق ما كانت تحب حدا يدايقني خاصة بموضوع الحمل
دخلت لاعمل كاسة شاي ودمعتي بعيني لحقتني بعدها بسرعة ليالي بنت حماي
ليالي : امل خلص لا تبكي عمتي وبتعرفيها اسمعي بكرة انا رايحة على دكتورة افحص لانه شاكة اني حامل شو رأيك تروحي معي
امل : يييييي لا دخيلك بتعرفي مجد ما بيقبل
ليالي : بلا هبل امل قليله بدي اروح مع ليالي لا تخافي مجد بحبك ورح يقبل
امل : طيب ماشي

تاني يوم خبرت ليالي انه بدي روح معها عند الدكتورة واني قعدت اقنع مجد وقت طويل لوافق بس قد ما ليالي مدحت هالدكتورة قدامي اقتنعت اروح بلكي كان الشفا على ايدها
بس النتيجة متل ما توقعت
الدكتورة : بدي اعتذر منك مدام امل ما في حمل مع انه كل شي عندك سليم
امل : مو مشكلة تعودت على هالكلمة
الدكتورة : ان شاء الله الشهر الجاي بتجيني بتكوني حامل
امل : ان شاء الله
الدكتورة : وانتي يا ليالي الف مبروك بنتي انت حامل
ليالي: عم تحكي جد الحمد لله لولولولويش واخيرا
امل : مبروك ليالي
ليالي : الله يبارك فيكي امولة عقبالك

ليالي بنت حماي عندها تلت اولاد وبعد ما اجوها تعركس حملها وما عاد حملت الها اربع سنين بتحاول تحمل ومو زابطة معها
روحنا عالبيت خبرنا الجميع بحمل ليالي كلهم فرحولها وباركواها ومجد قرب مني وقلي بصوت واطي لا تزعلي عقبالك
ليالي كانت مو معطية فرحتها لحدا وحماتي انبسطت عفرح بنتها بس بس زوجها لليالي ما كان مبسوط اه رأفت زوج ليالي كان متنكد وكانه مو حابب مرته تجيبله بيبي جديد بس قلنا لحالنا يمكن ما بدي مسؤولية جديدة وخاصة انه الولاد بدهم مصاريف بس طلع الموضوع مختلف تماما

كتمها رأفت بنفسه وتاني نهار حمل حاله وراح للدكتور
رأفت : ممكن لو سمحت اشوف الدكتور
الممرضة : في موعد مسبق
رأفت : بصراحة لا بس صار عندي شي طارىء ولازم اشوف الدكتور
الممرضة : طيب تفضل الدكتور عم بستناك

رافت : مرحبا دكتور بعتذر اني جيت بدون موعد بس انا طول الليل ما نمت كان لازم اشوفك
الدكتور : خير ابني
رأفت: دكتور انا الشب الي جيتك من حوالي تلت سنين وكان صاير معي حادث سير وبسببه يومها خبرتني اني ما رح ارجع اخلف حابب ارجع اعيد التحاليل
الذكتور: ليش صار شي جديد معك
رأفت: لا بس حابب اعيدهم يمكن قدرة ربنا

رأفت عاد التحاليل مرة ومرتين وتلاتة لكن كلها نفس النتيجة رأفت صار عقيم
الي كان صاير وما حدا بعرف فيه انه رأفت بعد ما ليالي جابت ولادها التلاتة وقبل شي اربع سنين تعرض رأفت لحادث سير بسببه فقد القدرة على الانجاب بس هو ما خبر حدا من اهل بيته واكتفى بالولاد الي عنده وحط الموضوع سر بينه وبين حاله
طيب ليالي حامل هلا كيف ؟؟؟
الف سؤال وسؤال لعب براس رأفت والف شك دخل جوا قلبه وقرر يراقب ليالي
……..يتبع

#حنين_طه
تصميم: اماني محمود

تنويه: احداث هذه القصة حقيقية وحصلت فعلا
#خيبة_امل
الجزء التاني

مرقو كم ليلة على رأفت ما داق فيهم طعم النوم قرر بالنهاية يراقب ليالي لحتى يوصل لنتيجة تنهي الشك الي عم بقطع فيه تقطيع وبالفعل رسم خطة وحطها بباله انه كل يوم الصبح بس يطلع عدوامه يظل يستنى تحت البيت ليشوف ليالي وين بتروح ووين بتيجي

رأفت: ليالي انا طالع بدك شي
ليالي : لا حبيبي دير بالك عحالك
نزل رأفت وتخبى تحت البناية وليالي ما طلعت ابدا من البيت ولا حدا اجا عليها
رأفت : ااافت شو جابه هاد هلا عند ليالي اكيد جاي يزور خالته
لاحظ رأفت انه عصام ابن نهال اختها لليالي كل يوم بيجي بزورها هو كان بالبداية مفكر انه شب وعم بزور خالته بس بعد هيك حس حاله مو مرتاح ابدا لزيارات عصام وخاصة انه ليالي ما بتطلع ولا بتفوت ما في غير عصام بيجي لعندها دايما
قرر رأفت يطلع عالبيت عند ليالي وقت فات عصام لعندها ليشوف ويسمع شو بحكو
واول ما فتح رأفت الباب ودخل وشاف شوفة بتقشعر البدن عرف مين بكون بكون ابوه للبيبي الي ببطن ليالي الصورة صارت واضحة كتير قدامه وما بدها تنين يحكو فيها
سكر رأفت باب البيت بالمفتاح واتصل على مجد زوجي عتلفون الشغل
مجد : اهلين صهري كيفك
رأفت : لو سمحت مجد تيجي لعندي هلا في شي ضروري لازم تعرفه
مجد : شغلتني يا زلمة في شي ليالي صرلها شي
رأفت : بس لحتى تيجي بتعرف

سكر رأفت الخط وحط ظهره عالحيط وضرب راسه فيه
وصار يحكي مع حاله الله لا يوفقك يا ليالي على هالمصيبة وك اهلك ناس محترمين
وبهالوقت ليالي غافلت رأفت وهربت هي وعصام ابن اختها من باب البيت التاني اخدت ذهبها وظلت طالعة وحجزت وسافرت علبنان
وكل هاد الشي صار واحنا لسا ما عنا علم بشي مجد راح هو وسلافي عند رافت وبقيت انا وعمي وحماتي بالبيت

امل : عمتو مو كأنه طولو كتير والله غلي قلبي
حماتي : ان شاء الله خير هلا ان شاء الله بيجو وبنعرف شو في
بعدها بنص ساعة دخل مجد عالبيت هو واخوانه ووجهم ما بيتفسر وعيونهم بتقدح شرار

حماتي : شو في لك امي مالكم هيك
مجد :……
عمي : حدا يحكي شي مالها ليالي
مجد : الولد الي ببطن ليالي مو ابنه لرأفت
عمي : شو كيف يعني مو رأفت مين بده يكون ابوه هاد الحكي كذب ليالي بنتي واشرف من الشرف انا مربيها وبعرف انه ما بطلع منها هيك شي
مجد : ليالي اوسخ من اوسخ شي بالحياة
حماتي : ببوس ايدك يا مجد انا مو متحملة يا امي شو هالهم الي جبتلنا اياه كيف هيك ليكون رأفت بتبلى عليها
مجد : رأفت من اربع سنين بعد ما ليالي جابت ولادها تعرض لحادث وبسببه ما قدر يخلف بس خبى الموضوع عن الجميع وربنا سبحانه وتعالى بده يكشفها لبنتك عرفتي ليش رأفت انقلب كيانه لما عرف انه مرته حامل
حماتي : ومين ابوه للولد
مجد : عصام ابن بنتك نهال زنا محارم امي فضيحة من العيار التقيل
عمي : وينها هلا لهلغضيبة
مجد : هربت هي وعصام على لبنان قبل ما اوصلها
لكن والله والي اسمه الله الا اشرب من دمها

بلشت الايام تمرق علينا متل غيمة سودا مجد الهم ذبحه وعمي ومرت عمي طول الوقت عم يبكو
انكسر ظهرهم متل عار ولحق فيهم هلا فهمت ليش هم البنات للمات
الله يسامحك يا ليالي ما فكرتي بالهحج والهحجة هانو عليكي اهلك وشرفك وولادك ياااااه

امل : مجد ممكن احكي معك كلمتين
مجد : شو بدك امل
امل : طيب وبعدين لمتى رح تبقو هيك ليالي ما الها اي اثر وحالتكم بتصعب عالكافر والله يا حبيبي يا مجد انساها واعتبرها ايشي ما كان وخلص
مجد : وين اودي وجهي من الناس كيف بدي احكي مع العالم لك هاد الي جوا بطنها على اي اساس بده يجي عالدنيا ضمن اي علاقة بدي احطه فهميني
اللا ما يجي يوم وترجع ولو باخر الدنيا رح اوصلها ومن هلا لوقتها اتركوني بحالي ما حدا يحكي معي

مرق خمس شهور عغياب ليالي وحالتنا من سيء لاسوء وليلنا متل نهارنا لحد يوم اتصل عصام على امه
تعب من الغربة والبعد خاصة انه شب ببداية العشرين وصعب كتير يتأقلم يقعد برا والاهم من هاد لما ليالي باعت الذهب وهم عم يصرفو من حقه ويوم عن يوم رح تخلص المصاري
امه لعصام طمنته وخبرته انه يرجع وانه ما حدا رح يحكي معه وهو بالفعل ما كذب خبر ترك ليالي ونزل عند اهله قعد حوالي اسبوعين عند اهله ما حدا حكى معه ولا حدا قرب عليه لحتى اخد الامان ورن على ليالي خبرها انه ما حدا قرب عليه وانه اهلها واهله سامحوهم وطلب منها ترجع
تاني يوم كانت ليالي ملقوطة عالحدود لانه اهلها خبرو الشرطة عنها
قعدت فترة ليالي عند الشرطة لحتى ولدت واخدو الولد واجو دار حماي يوقعو على تعهد بحقها حتى ياخدوها اخدوها وبلشت المناقشات والحوارات عن كيفية قتل ليالي حتى بالاخر اتفقو يحطوها بغرفة ويحرقو الغرفة وهي فيها
وبالفعل هاد الي صار وماتت ليالي وبالنسبة الهم مات عارها معها
اجت الشرطة وصار لازم حدا من العيلة يحمل جريمة القتل فات لعندي مجد عالغرفة وقتها ومسك ايدي حطهم عوجهه وقلي
امل انتي املي بكل شي حلو بالحياة انتي امل لحتى عيش واملي لحتى حس انه الدنيا لسا فيها خير بس انتي بتعرفي انه لازم حدا يشيل الجريمة واخواني كلهم عندهم ولاد الا انا لهيك انا رح احملها
امل : طيب وانا وين اروح
مجد : انا رح اطلقك وبعرف انه اهلك ما رح يظلموكي او يهنوكي وان شاء الله بيجيكي نصيب حلو يريح قلبك
امل : بس انا ما بدي غيرك بستناك قد ما غبت
مجد : ما اظن رح ارجع انا خلص اعدام ديري بالك عحالك وانتي طالق
هاد كان اخر كلام سمعته من مجد ورجعت عبيت اهلي مطلقة
مكسورة
متل الوحيدة بدنيا كبيرة
اهلي كانو ناس كتير مناح معي ما بضغطو علي بشي ولا بدايقوني بشي وكانو يحاولو كتير يتجنبو سيرة مجد
مرق عالحادثة سنة وانا بيجيني خطاب اشكال الوان حتى بالاخر ابي صار يضغط علي وافق لهيك قررت بالنهاية وافق
ايوا وافقت على جلال شب وحيد اهله عنده تلت خوات ما
كنت حابة كون لحدا تاني غير مجد بس خلص النصيب حكم والقدر حط قانونه
كتبت كتابي انا وجلال وابتدت معاناة جديدة ما كنت بعرفها من قبل ولا عشتها بحياتي مع مجد

جلال : وليه وليه يلا قومي انقلعي بعدك نايمة
امل : جلال لسا الساعة ستة الصبح ليش بدي هلا اصحى
جلال : قومي انقلعي بدك تنزلي تشتغلي لامي البيت
امل : طيب حاضر هلا بنزل
نزلت لعند امه حتى اشتغل البيت لالها وهي وابنها وبناتها قاعدين بيفطرو
وسامعة كلامهم لعندي
ام جلال : شو جلال عملت متل ما فهمتك
جلال : ولو امي تربايتك انا كل يوم بدي امسيها بقتلة واصبحها بوحدة تانية وحياتك لخليها متل الخاتم باصبعي
ضحكت اخته الصغيرة ضحكة صفرا وقالتله بس ما عم بنشوف اثار ضرب على وجهها لك فرفحلنا قلبنا شي مرة وعلملي اياه لوجهها الي شايفة حالها فيه
جلال : ولا يهمك ام الرور بكرة وحياتك لخلي قلبك يرقص من الفرح

طبعا جلال كان بيسمع منهم وبيجي يطبق عندي كل يوم يرسم على وجهي لوحة فنية من الضرب حتى يستمتعو بنات حماي بهاللوحة
بسبب وبلا سبب انضرب بحجة وبلا حجة انسب واصغر كلمة كنت اسمعها يلعن ابوكي
وقتلة ورا قتلة وبهدلة على بهدلة وعل اخره الكبيرة اكويلي قميصي واخته الوسطى ليفي الحمامات منيح واخته الصغيرة تعطيه لجلال اساليب جديدة بالضرب ما عاد تحملت تركت البيت ومشيت عند اهلي
شافني ابي ارتبط لسانه بس مو قادر يحكي معي شي خاصة انه وجهي منفخ ومبين علي انه ماكلة قتلة ومفرقة عالحارة
ابي : لك انا قلتلك حافظي على حياتك الزوجية واتحملي الحلو والمر بس مو تنضربي هيك وتسكتي علي الطلاق من امك ما بترجعيله
وابتدت المفاوضات مع جلال لحتى يطلقني حتى بالاخر اقتنع انه يطلقني بعد ما تنازلته عن كل شي ذهبي ومؤخري ودفعتله فوقهم كمان شوي بس مو مشكلة المهم اخلص
وهيك بكون رجعت عبيت اهلي مطلقة للمرة التانية وبعيوني نظرة انهزام انكسار وطبعا بقلبي رعب وخوف وحزن من نظرة المجتمع وكلامهم بقيت عند اهلي على هي الحالة سنتين وكان يتقدملي عرسان بس طبعا خفت الفرص وتقلصت او بالاحرى تغيرت كان يجيني اعزب خاطب وفاسخ بالكتير بس هالمرة شي ارمل شي مطلق شي ما بعرف شو
وانا بكل مرة يتقدملي فيها عريس احكي لاهلي ما بدي اتزوج خلص حظي وجربته بس ابي زلمة كبير وامي كذلك وانا لمتى بدي اظل قاعدة عندهم بكرا بعد عمر طويل بينتقلو لرحمة ربهم وانا رح صفي عند نسوان الاخوة خاصة انه ما بايدي لا شهادة ولا صنعة وفوقها مطلقة مرتين هيك لحتى وافقت على ناصر زلمة كان متزوج ومطلق وعنده ولد وبنت صغار بعمر الخمس وست سنين طار عقلي فيهم وقبلت اتزوج ناصر كرمالهم قلت بلكي بملو علي حياتي وبتكمل فرحتي فيهم ومنه بكسب اجر بتربايتهم
بلشت جهز لعرسي وحضر اغراضي وبيوم كتب كتابي وبعد ما اخد المأذون موافقتي وبعد ما وقعت دق التلفون وكانت المكالمة الي
امل : الو مين معي
مجد : امل انا مجد طلعت من السجن من يومين الشرطة اعتبرو القصة قضية شرف وافرجو عني وبكرة جاي انا واهلي وجايبلك جاهة طويلة عريضة حتى ارجع اخطبك الي اشتقتلك يا امل اشتقتلك
امل: تاخرت كتير يا مجد ما عاد يزبط من شوي كنت عم بوقع عورقة ربطتني بغيرك
اليوم انا كتبت كتابي

…..يتبع
#حنين_طه
تصميم: اماني محمود