قصة جريمة غير تامة الحلقة الثالثة عشر
هذه القصة مقدمة لكم من قسم المنوعات في زاكي, متابعة ممتعة نرجوها لكم, وننتظرر رأيكم في التعليقات.
#قصص_من_الواقع
#جريمة_غير_تامة الحلقة الثالثة عشر
#بقلم_حلا_الشويكي
في مكتب التحقيق …
منذر : سيدي بدي اقترح عليك اقتراح بتمنى يعجبك
– تفضل
منذر : نحن ما عم نعرف هند كزابة او صادقة .. حجزناها ومو عرفانين ازا هيك فعلا ما الها يد بمحاولة قتل رغد او لأ
– شو اقتراحك ؟
منذر : نجيب الدكتور عدنان
– مو هاد المختص بلغة الجسد ؟
منذر : اي
– بيحكيلنا ازا بتحكي الصدق او لأ .. ومع هيك ما رح اطلق سراحها الى حين توفر ادلة كااافية لبراءتها
منذر : اخبر الدكتور ؟
– اي
منذر : حاضر سيدي
بعد ساعة …
– شو يا هند .. فرجيكي نجوم الضهر مشان تعترفي ولا تعترفي لحالك
هند : ما عملت شي
– احكي بإحترام مشان ما اقطعلك ياه لسانك اي ؟
هند : …….. ما عندي شي احكيه
– كم مرة قلعك هيثم من الشركة
هند : كتيير
– مو حرام عليكي تقتلي رغد وهي يلي كانت تحن عليكي وما تخليه يقلعك ؟
هند : مو انا
– ملوك الإخفاء … مو اي حد بيتعامل معهن شلون وصلتيلهن ؟
هند : مين هنن هدول ؟ ما بعرفهن
– انا بنصحك تعترفي مشان ما خليكي تعترفي بطريقتي
هند : اعترف بشي ما عملتو ؟
– الظاهر ما رح ينفع معك الذوق .. مساعد منذر .. خدها عالحجز
منذر : احترامي سيدي
الدكتور : كل كلامها كذب .. وكل حركاتها بتدل عهالشي
=======================================
في بيت نهال …..
هيفا : الو مرحبا رغووودة
رغد : تضربي كل هالقد تغيبي عني ؟
هيفا : يا عمري اسفه
رغد : وين كنتي ؟
هيفا : بالتحقيق هههههههه
رغد : بالله ؟
هيفا : شفتي بالله هههههه المحقق يحكي وانا اضحك جننتو
رغد : وهيثم شو عمل بس اخدوكي عالتحقيق ؟
هيفا : ما طلع بإيدو شي .. اجراء روتيني عادي حبيبتي
رغد : طيب هيوف حبيت اتطمن عليكي متى رح تسافري عندك اهلك ؟
هيفا : ما عاد بدي سافر .. لقدام شوي بدي اشتغل واستأجر بيت
رغد : ليش ؟ وشو تستأجري بيت امي زعجتك بشي ؟
هيفا : لا والله خالتو نهال ما في منها
رغد : اي شي بدك ياه احكي لهيثم
هيفا : تسلمولي .. متى رح نفرح فيكم ؟؟
تبدل صوت رغد .. بحة حزن ودمعة نزلت على خدها …
رغد : ان شاء الله .. ان شاء الله
=======================================
في بيت هيثم ….
ام هيثم : شو صار بالتحقيق ؟؟
هيثم : عم يحققو مع هند
ام هيثم : شو شو شو شو دخلها هند ؟
هيثم : متهمة .. قبل م اسافر حطيت كاميرات صوت وصورة تسجل كل شي بغيابي وفعلا .. هند متفقة مع بنت ومع عصابة … مين كان يصدق حد يحاول ياذي نسمة متل رغد ؟
ام هيثم : بالله شو عرفك انها نسمة ؟ ياما تحت السواهي دواهي
هيثم : بتعرفي شو اكبر غلط غلطتو اليوم ؟
ام هيثم : ………. ( نظرة استغراب )
هيثم : اني قعدت معك
ام هيثم : هاد يلي طلع معك ؟
هيثم : اي
=======================================
في بيت نهال ….
نهال : هيفا
هيفا : اي خالتو
نهال : في ضيوف برا طلبو يشوفوكي
هيفا : خالتو تعبانه
نهال : تعبانة ؟ اي هلأ بقول لبكر وزينة البنت تعبانة
هيفا : لا لا لا خالتو خلص انا مو تعبانة ليكني جاي
نهال : بشوفك طبتي ؟
هيفا : لا بس انو يعني زينة بنت طيوبة كتير ما بدي زعلها
نهال : ههههههه
هيفا : مرحبا
وقف بكر وعيونو عم ينطو فرح بشوفة هيفا …
بكر : اهلييين
زينة : كيف حالك حبيبتي ؟ الحمد لله عالسلامة
هيفا : الله يسلمك كلكم زووووء
بكر : انتي منيحة ؟
اتطلعت زينة ببكر وغمزتلو انو يهدى شوي ….
هيفا : احم .. الحمد لله
زينة : اه البنت بتجنن اسم الله عليها فش فيها اشي
هيفا : الحمد لله
=======================================
في بيت نور …
نور وسعيد عم يشربو قهوة ويحكو …
سعيد : شو رايك حبيبتي ؟
نور : لا ما برجع الا على بيت ملك
سعيد : نور كرمال العشرة يلي بيننا ارضي
نور : مرحبا عشرة .. لا لا لا
سعيد : اي خير انشالله .. بدي روح انا وبس تغيري رايك ابقي احكيلي
نور : بالله ؟
سعيد : اي والله .. يلا سلام
=======================================
في مكتب المحقق …
منذر : سيدي ملوك التخفي فعلا ملوك بالتخفي ما عم نقدر نوصللهن
– هي قالت انه ما بتعرفهن .. والدكتور قال انها عم تكذب يعني 90% تكون هي الفاعل بمساعدة العصابة
منذر : ونحنا ما رح نقصر بالبحث عنهن
– يعطيكن العافية
منذر : اتصل الأستاذ هيثم وقال معو تسجيلات تثبت انه هند الها علاقة بالجريمة
– اتصل فيه خلي يجيب التسجيلات فورا ويجي لهون
=======================================
في بيت رغد ….
رغد : الو حبيبي
هيثم : حبيبتي .. في شي ضروري ؟
رغد : لا بس حبيت اسمع صوتك .. والله مليت من البيت مشان الله بدي اطلع تعال خدني وين ما بدك تعاااال
هيثم : طيب طيب حبيبتي لا تبكي بس لما اطلع من مكتب المحقق بجي لعندك اي
رغد : ماشي يا قلبي لا تتأخر
=======================================
في بيت نهال …
بكر : هيفا تعي نطلع نتمشى برا شوي
هيفا : اي يلا
هيفا : تعرف يا بكر .. كلشي حلو بيجي بوقت متأخر
بكر : بس كل تاخيرة فيها خيرة
هيفا : انت ليش منيح معي ؟ شفقان علي ؟
بكر : ليش بدي اشفق عليكي ؟ بس اعطيتك رقمي ما كننش بعرف انك مريضة صح ؟ انا حبيتك من اول مرة شفتك فيها يمكن تحكي عني مجنون بس يمكن هاد هو الحب من اول نظرة ؟
هيفا : تعرف شي .. انا معجبة فيك كتير بس بنصحك تبعد عني ما بدي تبني على علاقتنا احلام وبالآخر …..
بكر : هسسسسس يا مجنونة .. انا معك
هيفا : طيب شو رايك نرجع عالبيت مشان زينة وام رغد ما يجنو فينا هههههه
بكر : ضحكتك حلوة
هيفا : ( بخجل ) تسلم يارب
=======================================
في بيت ام سعيد ….
ام سعيد : سامر عم تاخد الدوا ؟
سامر : اي امي عم اخدو
ام سعيد : متى مراجعتك للدكتور ؟
سامر : بعد اسبوعين
نجوى : حبيبي انا حابة اشتغل
سامر : تشتغلي ؟؟؟
نجوى : اي .. بساعد بمصروف البيت ومصروف العلاج
سامر : …….
ام سعيد : ازا هاي رغبتك ليش لأ ؟
نجوى : اي انا حابة
=======================================
في مكتب المحقق …
– تعرف يا منذر .. اول قضية تاخد معي كل هالوقت هي قضة قتل رغد ؟
منذر : وانت قدها يا سيدي وانا شايف انه قرب ينكشف الفاعل
– يارب ينكشف .. لانه انا اخدت عهد على نفسي ما اقفل ملف القضية قبل كشف المجرم ومحاسبته
=======================================
بعد ساعة ….
هيثم : الو حبيبتي
رغد : اهلين يا عمري
هيثم : خلي الممرضة تجهزك مشان اجي اخدك مشوار حلو
رغد : جاااااهزة … شو صار ؟
هيثم : اخدت تسجيلات الفيديو للمحقق .. تقريبا 100% هند الها علاقة
رغد : يا الله يا هيثم .. لأني كنت منيحة معها هيك عملت فيني ؟!
هيثم : لأنك طيوبة يا قلبي .. يلا سكري بدي دق لهيفا اتطمن عليها
رغد : ليش شبها هيفا ؟
هيثم : لا ما فيها شي بس لاني ما حكيتها اليوم
رغد : مو كأنك عم تقرب منها بلا ما تحس ؟
هيثم : ههههههههه مجنونة
رغد : يلا لا تتأخر عم استنى
دق هيثم لهيفا يتطمن عليها …
هيثم : الو
هيفا : اهلين هيثم كيفك ؟
هيثم : بالله كيفني انا بخير ههههه اسف والله هلأ لفضيت قلت اتطمن عليكي كيف صرتي ؟
هيفا : ولا يهمك .. هلأ كان عنا زينة وبكر وراحو
هيثم : مين زينة وبكر ؟
هيفا : الموظف يلي عندك بالشركة بكر واختو زينة
هيثم : شو جابهن لعندكن
هيفا : كل كم يوم بيجو زيارة
هيثم : بالله ههههههه انا اخر من يعلم
هيفا : هو انت فاضي لشي ؟؟ الوووو هيثم هيثم الوووو وينك .. الو خير ان شاء الله ليش صرخ وسكر الخط فجأة ؟! الله يستر
=======================================