قصة جريمة غير تامة الحلقة الحادية عشر

قصة جريمة غير تامة الحلقة الحادية عشر
هذه القصة مقدمة لكم من قسم المنوعات في زاكي, متابعة ممتعة نرجوها لكم, وننتظرر رأيكم في التعليقات.

#قصص_من_الواقع
#جريمة_غير_تامة الحلقة الحادية عشر
#بقلم_حلا_الشويكي

ام سعيد : شلون ما اشغل بالي صواتكن وصلت لآخر الحارة
سعيد : هففففففففف
ام سعيد : شبك انت كمان ؟
سعيد : ولا شي
سامر : احكيلها لأمك انك كنت تعاير مرت اخوك لانه ما عندا ولاد احكيلها
ام سعيد : شووووو ؟
سامر : اي امي هاد يلي صار
نجوى : مرت عمي انا مسامحتو
ام سعيد : انتي ما في منك حبيبتي .. خدي جوزك وفوتو على غرفتكن ..
نجوى : يلا حبيبي نفوت جوا .. تصبحو على خير

ضل سامر واقف عم يجحر سعيد …

نجوى : حبيبييييييي يلا
سامر : تصبحي على خير يا امي
=======================================

في بيت نهال …

هيفا : الو مرحبا
بكر : اهلين مين معي ؟
هيفا : انا هيفا
بكر : اه اهلين كيفك طمنيني كيف صرتي ؟
هيفا : منيحة الحمد لله .. لانك اعطيتني رقمك قلت احكيك حسيت بدك تحكيني بشي مهم يمكن ؟
بكر : هههههه شو مالك مرتبكة
هيفا : شو يعني مرتبكة ؟
بكر : اه انتي بتعرفيش اني فلسطيني ؟ المهم مرتبكة يعني متلبكة بلهجتكم
هيفا : هههههه لا مو متلبكه ولا شي بس تعبانه شوي
بكر : شو مالك ؟
هيفا : بس رحت عالدكتور قال ارهاق و محتاجة راحة بس الله وكيلك نمت عن عشر سنين وما عم يخف وجعي
بكر : شو بيوجعك ؟
هيفا : كل جسمي مهدوووود
بكر : اجي اخدك عدكتور ؟
هيفا : لا تسلم يارب هيثم رح ياخدني بكرا الصبح
بكر : ان شاء الله خير
=======================================
في بيت هيثم ….

ام هيثم : هيثم شفتلك عروس بتاااخد العقل
هيثم : ههههههه بالله شو ؟
ام هيثم : والله
هيثم : امي لا عاااد تفتحي معي هالموضوع
ام هيثم : بدك تعيش على ذكرى بنت الخياطة ؟
هيثم : امي .. سكري الباب وانتي طالعة اي ؟
ام هيثم : عم تطردني من غرفتك ؟
هيثم : بدي نام

طلعت ام هيثم وهي معصبة من غرفة هيثم
=======================================
في مكتب المحقق …..

– يا منذر .. شددتلي الحراسة على غرفة هند ؟
منذر : اي سيدي شددتها
– طيب … هلأ هيفا وصلت البلد ب17 الشهر ؟
منذر : اي
– والجريمة صارت ب19 الشهر ؟
منذر : اي
– اتصل بهيثم خبرو انه بدي شوفو بكرا الصبح
منذر : حاضر سيدي

منذر : الو استاذ هيثم لو سمحت تشرفنا بكرا بعد الضهر عالمكتب
هيثم : خير في شي ؟
منذر : ان شاء الله خير ناطرينك بكرا بعد الضهر سلام
=======================================
ذكريات هيثم ….

هيثم : امي انا بدي رغد وبس وبسسسسس
ام هيثم : وانا ما بدي رغد .. مو انا يلي بقبل تكون كنتي بنت خياطة
هيثم : بنت الخياطة .. اخلاقها احسن من اخلاق بنت ملك وانا بحبا وبدي ياها
ام هيثم : القرار هاد ما بيخصك لوحدك
هيثم : لكن بيخص مين ؟
ام هيثم : بيخص عيلتنا واسم عيلتنا
هيثم : على كل حال … انا رح اتجوزا قبلتي او ما قبلتي رح اتجوزا
ام هيثم : هيك الحكي صار ؟
هيثم : اي
ام هيثم : على جثتي هالجوازة بتتم

فتح هيثم عيونو ومسك الموبايل …

( هاي صورة رغد وهي عم تركض عالبحر وانا صورتا .. وهاي الصورة انا ورغد بيوم كتب كتابنا … مسح دمعتو فورا وكمل كلامو .. كل شي رح يكون منيح لا تضعف يا هيثم )
=======================================
تاني يوم في مكتب المحقق ….

هيثم : سيدي حضرتك طلبتني ؟
– تفضل اقعد يا استاذ هيثم
هيثم : اي سيدي بشو بتؤمرني ؟
– بتشك بهيفا ؟
هيثم : اكيييييد لا مستحيل
– بس نحنا رح نطلبها للتحقيق !!
هيثم : سيدي .. انا رح اطلع من هون لعند هيفا اخدها عالمشفى لانه البنت مرضانة .. ولسا هي ما بتعرف بمرضا
– الله يشفيها .. بس اصول التحقيق لازم نحقق معها
هيثم : سيدي هيفا كانت مسافرة بوقت وقوع الحادث
– لا .. سالنا المطار هي اجت بتاريخ 17 والحادثة صارت بتاريخ 19
هيثم : بس يا سيدي …..
– شغلنا ولازم نطبقو على اكمل وجه ممكن اليوم رح نبعتلها استدعاء للتحقيق
هيثم : ماشي سيدي تؤمرني شي تاني؟
– الله معك
=======================================
راح هيثم لعند هيفا …

هيثم : يلا هيفا انزلي انا تحت بالسيارة
هيفا : يلا ماشي …

عند الدكتور ….

الدكتور : بدنا تعيدي التحاليل .. للإحتياط
هيفا : مو قلتلي يلي معي ارهاق ؟
هيثم : هيفا ممكن نحكي لوحدنا شوي ؟

هيثم : ليكي هيفا .. قبل اي شي انا معك وجنبك وما رح اتركك .. و هنن شاكين انه معك .. يعني والله ما بعرف شو بدي قلك !
هيفا : هههههه لو معي سرطان ما بتتلبك هالقد وانت بتحكي !!
هيثم : فعلا .. هاد هو
هيفا : شو هاد هو ؟؟؟
هيثم : ……..
هيفا : عم تمزح معي شي ؟
هيثم : هلا ليكي انا ما رح اتركك اي ؟ انا معك وجنبك
هيفا : ……… انا قوية

فاتت هيفا لعند الدكتور وصارت تحكي بقوة وتناقشو بالمرض وعلاجو

وهنن طالعين من المشفى خبر هيثم هيفا انه رح يحققو معها .. اتقبلت هيفا الموضوع وما زعلت لانه اعتبرته اجراء قانوني مو اكتر

هيفا : هيثم .. ممكن اطلب منك طلب ؟
هيثم : اؤمريني
هيفا : خدني لعند رغد !!

كان هيثم عم يمشي بالسيارة ووقف فجأة …..

هيفا : لك بكير بدك تموتني من هلا ليش هيك وقفت ؟؟؟
هيثم : هيفا انتي بتعرفي وضع رغد ما ؟
هيفا : وضع شو ؟
هيثم : رغد ما بتتحرك يا هيفا .. الطلقة ما قتلتها بس اجت بضهرها وهلأ هي مقعدة .. عندها ممرضة وشغالة وسكنتا بمكان بعيد شوي مشان ما حد يوصللها
هيفا : يعني ما بتتحرك ابدا ؟ ليش ما حد خبرني لا انت ولا هي ولا خالتو ؟
هيثم : ……… رغد ما بدها حد يعرف بس خبرتك مشان تفهمي ليش ما رح اقدر اخدك لعندها .. لا تخبريها انك عرفتي ازا حكيتي معها او حكت معك
هيفا : اشتقتلهاااااااا ما بدي موت وانا مو شايفتها … يا الله شو مشتهيه ضمها متل زمان وابكي بحضنها لك اااااخ
هيثم : انا بضمك عنها تعالي
هيفا : هههههههه
هيثم : دخيل هالضحكه جد تعي لحضني انتي متل اختي

سندت راسها على كتفو وصارت تبكي تبكي .. وشي تحكي انا قوية شي تحكي انا رح موت

هيثم : بس بدي اطلب منك طلب
هيفا : بعرف شو رح تطلب لا تخاف ما رح خبر رغد بمرضي
هيثم : اصلا يمكن مانك مريضة بعد التحقيق رح اخدك ونلف دكاترة البلد اي ؟ رح تكوني بخير ما رح يصيرلك شي
هيفا : ياااا الله شو انك قلبك طيب وحنون … صارلنا ساعة عم نحكي بالسيارة يلا امشي وصلني عالبيت وبنكمل حكي هنيك
=======================================
في المشفى ….

الممرضة : هند فاقت يا دكتور
الدكتور : كيف وضعها لسا بتلخبط ؟
الممرضة : لا الظاهر وضعها تمام
الدكتور : يلا ليكني جاي لعاينها

الدكتور : هند ؟
هند : اي دكتور ؟
الدكتور : كيفك ؟
هند : الحمد لله بخير
الدكتور : بشو عم تحسي ؟
هند : راسي رح ينفجررررررررر
الدكتور : طبيعي من المهدئات هالوجع

الممرضة : الو استاذ هيثم انت وصيتني بس تفيق هند خبرك … ليكها فاقت بس مشااان الله لا تخبر حد اني حكيتك وخبرتك
هيثم : ولا يهمك

________________