فتة المقالي زاكية كتير وبالخطوات المصورة

معكم صديقة زاكي الشيف المحترفة Mervat Ahmed

فته المقالي
الطريقه:

كوب بطاطا مقطع مقلي
كوب جزر مقطع مقلي
كوب بيتنجان مقطع مقلي
كوب زهره مقطع قطع صغيره ومقلي
حبه فليفله حمرا مقطعه طولي ومقلي

بتحطيهم بمصفاي مع الضغط عليه حتى تنزل كل الزيوت وحطيهم بالصينيه مع رشه ملح ومعلقتين كاتشاب وبتحركيهم مع بعض

وبترشي فوقيهم قطعتين خبز ابيض مقطع مقلي

وبتخلطي كيلو لبن رايب مع علبه حمص مدمس ومعلقتين طحينيه وربع كوب عصير ليمون و4 سنون توم مهروس ورشه سماق وملح وصبيه فوق الخبز والمقالي

وبتقطعي حبه بصل سلايس ورشي عليه طحين واقليه بزيت غزير وزينيه فوق الفته والسماق كمان وهاد يكون جاهز قبل لفطور بنص ساعه حتى تشرب المقالي والخبز الصوص الابيض