وصفة من نفس العجينة بتقدري تعملي معمول وكعك ومقروطة
وصفة من نفس العجينة بتقدري تعملي معمول وكعك ومقروطة
مع صديقة زاااكي الرااائعة و المذهلة دووما أم بروء ( علي القطارنة)
الطريقة:
3 كاسات طحين وانا بستعمل الفاخر
كوب وربع زبدة وبنكمل للنص سمنة يعني كوب ونص زبدو وسمنة
نص معلقة صغيرة باكينغ باودر
بيضة
نص كوب سكر مطحون ناعم
معلقة ص فانيلا
3 ملاعق حليب بودرة
اول شي بنخل الطحين وبحط عليه النواشف الحليب والسكر والباكينغ باودر ورشة ملح بسيطة
نخفق البيضة يدوي مع الفانيلا وبنحطها ع الطحين وبنحط السمنة والزبدة طبعا بحرارة الغرفة وبنعجنهم لحد ميتماسكو وتسير عجينة بتتشكل معك وممكن تحتاج معك معلقة او 2 زبدة او سمنة حسب نوع الطحين
بس تعجنيها منيح غطيها والتلاجة نص ساعة طلعيها ارجعي اعجنيها دقيقة وبلشي اشتغلي فيها وشكليها متل ما بتحبي ممكن اساور او اشكال باليد متل مو انا عاملة او عصارة الليمون او القوالب
حشوة الفستق الحلبي
بمحضرة الطعام بحط الفستق وشوية قطر
رشة ماء زهر
وصبغة اذا حبيتي
وبطحنهم ناعم وهيك بتكون جاهزة
الكعك والمقروطة
تمر عليه يانسون مطحون وشومر وممكن رشة قرفة ازا. حبيتي وبعجنهم بزيت زيتون
وصحة وعافية
علي القطارنة
ع فكرة حبيت انوه انو انا سيدة ام براء حبيت اعرفكم ع حالي لانو كتير بيسالوني 🤗🤗