كيكة عيد ميلاد للأطفال
معكم صديقة زاكي الشيف الموهوبة أم بروء ( علي القطارنة)
الطريقة:
فصلي 6 بيضات البياض عن الصفار بشرط البيض عالخفاقات الكهربا وتكون ناشفة منيح ما يكون فيها مي
بنحط البياض وعصرة ليمون ونص معلقة فانيلا ونص كاسة سكر وبنخفق عالكهربا 7 دقائق بصير متل الكريما
هلا حطي ع جهة.. والصفار بالمولينكس مع نص معلقة فانيلا ونص كاسة سكر واخفقيهم 5 دقائق …
بتكوني ناخلة الطحين 4 او 5 مرات وقبل متنخليهم شيلي من الكاسة ونص الطحين 3 ملاعق وحطي بدالهم 3 ملاعق نشا وحطي رشة ملح ومعلقة باكينغ باودر صغيرة
ونخليهم 5 مرات وفضي الصفار بجاط وحطي عليه الطحين المنخل بالتناوب مع نص كاسة مي دافية مو سخنة وسط لحتى اتخلصي المي والطحين ع مرتين
وبس تخلطيهم منيح ضيفي البياض ع مرحلتين وحركي بالسباتولا من فوق لتحت تقليب
واخر شي معلقتين زيت وقلبيهم لحتى يختلطو منيح وبتكوني محضرة الصينية والفرن قبل متبلشي تشتغلي
وحطي الخليط بالصينية وامسكي الصينية وارميها عن ارتفاع خفيف لا تخافي ما راح ينكب الخليط من الصينية عادي اعملي هاي الحركة 3 مرات
وع الفرن متل الكيكة العادية الخبز واول متطلع بتكوني داهنة شبك شوية زيت وبتقلبيها عليه بس تعملي حواف الصينية
وبتتركيها لحتى تبرد و صحة و ألف هناء يا رب
انا عملت لبنوتي الحلوة رقم 3 هاد عامها التالت وعملتو بقالب الكيك القديم وقسمتو بالنص بالزبط وحطيتهم جمب بعض 🤗🤗صارو 3
