زنود الست وين التشجيع ولا في خيار وفقوس عندكم؟

المقادير.

.باكيت عجينة الكلاج..

قطر..

فستق حلبي.

قشطه بيتيه..

اولا طريقة القشطه البيتيه.

.منجيب طنجرة منحط فيها لتر حليب وبس تقرب تغلى منحط ثلاث ملاعق خل لحتى يفرط منيح

وبعدين منشيلهم ومنصفيهم ومنحط عليهن علبة قشطه جاهزة.

منجيب طنجرة ثانيه منحط فيها:

لتر حليب وشوية سكر ومعلقتين كبار نشا ومعلقتين كبار سميد ناعم وعالغاز منضل نحرك ليكثف الخليط

منقيمه عن النار ومنتركه يبرد

ومنحطهم فوق الخليط الاول ومنحركهم منيح ومنتركها تبرد

. منجيب عجينة الكلاج ومنفتحها ومنقسمها قسمين بالنص متساويين

ومنبلش نجيب قطعه قطعه منحشيها شوية قشطه وما تكثرو ومنلفها ومنلف الاطراف معها ومنسكرها

وطبعا منحط عالاطراف شوية مي لتسكر الحبه معنا ومنكمل كل بقية عجينة الكلاج للاخر..

منسخن زيت قلي غزير ومنقليهم عالوجهين تا تصير زي هاد اللون

ومنحطهم ع ورق تنشيف ليتصفى الزيت ومنتركهم يبردو وبعدين منحط عليهم قطر بارد

ومنزينهم بالفستق الحلبي.