درس طريقة الكنافة التركية خطوة بخطوة مع الصور مين بدوا ينضم معنا؟
درس طريقة الكنافة التركية خطوة بخطوة مع الصور مين بدوا ينضم معنا؟
معكم صديقتكم الشيف الموهوبة Silva Aydogan
وسعوا وسعوا الله يرضى عليكم مابدنا أزمة والكل يصف عالدور شباب
😎
والمخالف يفرجينا عرض كتافو 
😠
والعاقل يجيب فنجان قهوة ويشاركنا بالكنافة وعلى طريقة تركية 
😋
والطريقة بعد فاصل وتفاعل 
😇
اكرععععععععععع 
😁😁
وهي الطريقة بعد قليل من التفاعل 
🙄
المقادير لست أشخاص
٢٥٠ غرام عجينة الكنافة الجاهزة
نصف كوب زبدة ( مسخنة ومصفية من الماء )
نصف ملعقة الشاي صبغة كنافة
٢٠٠ غرام جبنة عكاوي
قطرة جاهزة ( سبق وعملتها بالبيت ٤ أكواب ماء و٣ سكر وملعقة عصير الليمون )
الطريقة :
اول خطوة
قطعت جبنة العكاوي شرائح وحطيتها بناء باردة قبل بيوم وكل ساعتين تقريبا بغير المي
تاني خطوة بحضر القطرة كمان قبلها بيوم وبخليها بالبراد
يوم التحضير قطعت عجينة الكنافة بالمقص قطع طول تقريبا ٣ سم وبعدين بحط عليها الزبدة وبفركها منيح لحتى تندمج مع العجينة
وبعدها صفيت الجبنة من المي وفردتها بايدي
طريقة التحضير واضحة بالصور
بدهن صحن الكنافة بشوي زبدة وبعدين برش عليها رشة صغيرة كتير صبغة كنافة وبحطلها شوي من العجينة اللي سبق وجهزتها وبضغط عليها بكاسة او بكفة ايدك وبحط الجبنة فوقها مع مراعاة انو تكون بس بوسط الطبق مشان لاتحترق وقت الخبز
طريقة تحضيرها بنحطها على نار وسط ونضل نفتل الصحن لحتى تلاحظ انو استوت من تحتها والجبنة دابت ( ملاحظة وقت التحضير على الغاز راح تلاحظو انو الجبنة صار فوقها شوي مي حاولو تنشفوها بقطعة كلينكس )
قلبوها على وجهها بصحن التقديم ورشو عليها شوي قطرة وزينوها بفستق حلبي مع كاسة قهوة وصحتين وهنا
وأي استفسار انا جاهزة
#Chefsilva
