طريقة المدلوقة الشامية بالتفصيل الممل
معكم صديقة زاكي الشيف الموهوبة Salam Zayed Um Khaloody
#المدلوقة_الشامية
كوب سميد خشن
كوب ونص حليب سائل
نص كوب سكر
2 م ك ممتلئة زبدة
بحط الزبدة بكسرولة وبدوب الزبدة وبعدها بنزل السميد وبضل اقلبه بشكل متواصل لحتى ما ينحرق عنار اخف شوي من الوسط وبحمص السميد لاشوف لونه صار دهبي او اغمق شوي عحسب رغبتكم وبس يتحمص بنزل السكر وبقلبهم وبس يدوب السكر ويختلط منيح مع السميد بنزل الحليب بالتدريح مع التحريك السريع والمستمر حتى ما يصير تكتلات وبضل اقلب فبهم لاحصل على عجينة متماسكة ما بتلتصق بضيف م ك ماء زهر وبقلبهم وباخد العجينة وبدهن قالب التشيز كيك او البايركس بشوية قطر ليساعد عفرد العجين وبفردها بالسمك المرغوب وبعدين بضيفلها القشطة وبزينها بالفستق الحلبي او اي نوع مكسرات وبدخلها تبرد وتتماسك تماما بالتلاجة وقت التقديم بضيفلها القطر وصحتين وهنا
#القشطة
لتر حليب سائل كامل الدسم
ربع كوب خل
بسخن الحليب وبعدين بضيفله الخل وبحركهم لاتأكد انه المي صارت شفافة وبصير اخد القريشة وبحطها بمصفاية وافرغ المي منها بحطها عجنب وببدا اجهز بكسرولة كوبين حليب مع نص كوب نشا وربع م ص مستكة مطحونة(اختياري) وم ك ماء زهر وورد وبضل اقلبهم ليثقل قوامهم وبعدين بضيف القريشة وبحرك كتير منيح وممكن اضربهم بمضرب الكهربا ازا بتحبوها ناعمة وبستخدمها لشغلات كتير متل القطايف والمدلوقة وحلاوة الجبن والخ..
#القطر
2 كوب سكر
1 كوب ماء
م ص عصيرة ليمون
