تعالي حضري معي الدجاج بالكيس الحراري أكتبي تم لتأكيد دخولك للدرس
تعالي حضري معي الدجاج بالكيس الحراري أكتبي تم لتأكيد دخولك للدرس
معكم صديقة زاكي الشيف الموهوبة Mariam Ramadan
عملت الاسبوع الماضي دجاجة بالكيس الحراري وطلعت بتشهي وعملت جنبها رز مبهر مع جزر مبروش وعملت شوية ملوخية
مقادير الدجاجة مع الارز
دجاجة كاملة غير مقطعة
معلقة بهارات مشكلة
معلقة فلفل اسود
معلقة بهارات الكيجن
معلقة هيل مطحون
معلقة رب البندورة
معلقتين لبن
معلقة بابريكا
معلقة زنجبيل
معلقة كزبرة ناشفة
معلقة ملح
كوب جزر مبشور
راس بصل
كاستين ارز بسمتي
معلقة زعفران او كركم
حبتين ليمون مشرح
معلقة طحين
مقادير الملوخية
نصف كيلو ملوخية مفروطة
مرقة دجاج محضرة مسبقا
معلقة ملح
معلقة فلفل اسود
4فصوص توم
معلقة زيت ذرة
الطريقة
الجاجة طبعا نقعتها بالخل والملح واللبن ومعجون الطماطم وبهارات مشكلة وليمون لمدة ساعتين .
وبعدين شلت الجاجة من النقع وملحتها وبهرتها ورشيت طحين بالكيس الحراري وحطيت الجاجة وسكرت عليها وعملت فتحة صغيرة بالكيس حتى يطلع البخار وحطيتهابصينية بالرف الوسط بالفرن لمدة ساعة ونص
بعدين كان عندي جوانح ورقبات جاج سلقتهم وعملت عليهم الملوخية والرز المبهر
بشرت الجزر والبصل وقلبتهم بالزيت ع نار هادية لحتى ذبلوا ونقعت كاستين رز وملحتهم وبهرتهم وقلبتهم مع الجزر والبصل
وبعدين حطيت عليهم مرقة الجاج وبس تشرب الرز حطيت شوية صفار الزعفران بجهة من الرز ولون برتقالي بالجهة التانية وبس استوى الرز خلطهم مع بعض
والملوخية معروفة. غسلتها ونشفتها وفرمتها ع ايدي وسقطتها ع مرقة الدجاج وبس بلشت تغلي حطيت مكعب ثلج حتى تحافظ ع لونها الاخضر وقدحتلها التوم بمعلقة زيت ذرة وغليت غلوتين وطفيت تحتها وتركتها مكشوفة حتى ما يتغير طعمها واي سؤال انا جاهزة
وصحة وهنا
#دجاج بالكيس الحراري -ام نضال
