المقادير للبقلاوة:
٣ كوب طحين
كوب سمنة ذائبة
ماء ورد للعجن
المقادير للحشوة:
فول سوداني
كأس سكر
ملعقة صغيرة قرفة
ملعقة كبيرة ماء ورد
طريقة التحضير:
-في وعاء نضع ٣ كوب طحين, كوب سمنة ذائبة نفركها باليدين بعدين نعجنها بماء ورد او ماء زهر و نتركها ترتاح شي نصف ساعة.
– بعدين نقسم العجينة الى 12 كرية متساوية, و نخليها ترتاح كمان شوي.
– و نجيب فول سوداني و نحمصه انا هذ الصينية يلي بالصور من الحجم المتوسط عملت فيها رطل فول سوداني, نحمص الفول السوداني ( بلهجتنا نسميه كوكاو) و بعدنا ننزعله قشره و نجيب خلاط و نحط الفول السوداني مع كأس سكر و نطحنه يكون شوي خشن و نضيفله قرفة مطحونة و نجمة الارض و نرشه شوي بماء ورد او زهر.
طريقه العمل:
– نجيب كرية من العجين و نبسطها ع طاولة و نصير نبسط حتى تصير شفافة لتسهيل عملية ترقيق و بسط العجينة رجي اسفل الكرية نشاء و فوقها كمان وبسطي مثل ماحكيت حتى تصير شفافة نحطها بصينية الطهي و ندهن الصينية سمن و نحط الطبقة الاولى بالسمن هيك حتى نخلص 6 طبقات.
– و بين كل طبقة نذهن بالسمن بعدها نحط خليط الفول السوداني و نكرر العملية ب 6 كريات الباقيين مع ذهن بالسمنة بين كل طبقة و طبقة بعدين نقطعها و نذهنها بالسمنة كمان و نحط بكل حبة با فول سوداني او حبة لوز انا هون حطيت حبة لوز.
– و ندخلها الفرن بعد ماتجهز نخليها تبرد و نعسلها يا اما بعسل نشتريه جاهز او نعمل قطر بالبيت ( كوب سكر و كوب ماء و نطبخهم ليثقل الخليط نطفي النار و لما يبرد نصبه ع البقلاوة ) نعسلها مرة ونستناها تشرب العسل نعيد نعسلها مرة ثانية بعدها نتركها ترتاح شي ساعة او مثل مابدك.
نسعد بمتابعتكم لنا على جروب زاكي لفن الطهي,على هذا الرابط:
بقلاوه بالفول السوداني