راح أرجع أكتب طريقتي في كبس الزيتون للصبايا اللي ماشفوها

راح أرجع أكتب طريقتي في كبس الزيتون للصبايا اللي ماشفوها
معكم صديقة زاكي الشيف الموهوبة جلكسي والدنيا عكسي

الزيتون ع طريقتي من أرض فلسطين وصفه صارلي سنين ماشي عليها والحمدالله دائما ناجحه وما رح ابخل عليكم رح اكتبها بأدق التفاصيل و انشالله نفيد ونستفيد من بعض آدمن هزار
الطريقة:بعد قطف زيتون طازه وغسلو،يكبس بمكبس زيتون ويتم نقعو بماء مده ثلاث ايام وتغير خلال ثلث ايام 6 مرات صبحا ومساء منشان ما يضل طعم مرار موجود.
بعد ثلث ايام بنجهز الحشوه حسب الرغبه طبعا انا دائما بعملو بمكسرات وجزر(جوز ولوز نيئ مش محمص،جزر مقطع مش مسلوق طازه يكون مغسول ومقشر ومقطع).
بعدا ما تحشي الزيتون بتجهزي الفلفل الآخضر مقطع وليمون طازه يفضل يكون آخضر.
بخلاط الكوكتيل بتحطي(كوب زيت زيتون،معلقتين كركم كبار،ليمون مقطع صغير،معلقتين كبار ملح ليمون،كوب ماء،2 قرن فلفل)وبتخلطيهن مو ضروري ناعم لمهم المكونات تتجانس مع بعض.
بتحطي الزيتون المحشي في وعاء كبير وبضفيلو الخلطه الي فرمتيها وبتحركيهن بدياتك حتى يتخلطو مع بعض وبعد بتعبي باوعية التخزين.
ماء التخليل:بتجبي وعاء كبير بتعبي ماء ازا متوفر ماء بير بكون افضل وازا مافي ماء شرب عادي، بضفيلو كيلو ملح تقريبا وبذوبيهن بتحريك بايدك،ع جنب بتكوني جايبه بيضه غسلتيها ومعقميتها جيدا وبتتشاهدي عليها سبع مرات بعدا بضفيها بوعاء المي وملح بتلاحظي انها طاشه ع وجه الماء ويوجد فيها فتحت قرابة عملة نقديه بتكون المي كتير منيحه وازا اصغرضيفي كمان ملح وازا لاحظتي ترسب الملح في قاع الوعاء بتكون المي مشبعه بالملح مو بحاجه للمزيد ،وهيك بتغمري الزيتون بالماء،وبتخليهم ليله كامله وهن مغمرات بلماء وبليوم تالي ازا لاحظي نقص بلماء عبي عليهن وبتسكري العبوات وبتحفظيهن بمكان جاف مافيو شمس .
ملاحظه:كمية الماء وكيلو الملح تكفي رطلين من الزيتون. فائدة تخلي العبوات ليله كامله من دون ما تسكريهن هيك بيطلع الهوا وما بضل فرغات وبحفظلك اكبر مدة زمنيه تتراوح بين ثلث سنوات.
#آدمن_هزار