عمل مندي بالفرن
طريقة المندي بالفرن والطعم خيال
معكم صديقة زاكي الشيف الموهوبة حنان السليتي
دجاج منقطعهم اربع قطع منتبلهم بملعقه صغيره ملح ملعقه صغيره بهارات كاري حلوه مو حاره وربع ملعقه صغيره فلفل اسود نصف ملعقه صغيره كمون ملعقه صغيره مليانه كركم رشة زنجبيل منتبلهم كويس قبل بيوم او قبل الطبخ بي 3 ساعات .
مننقع 3 اكواب ارز بسمتي بالماء الساخن لمدة نصف ساعه.
منحضر صينيه واسعه ومنحط فنجان صغير زيت زيتون ومنقطع فيها راسين بصل و 5 سنون تومه ومنحسهم على الغاز لحتى يصيروا على شقار ومنحط عليهم حبتين بندوره منقطعهم مكعبات ومكعبات جزر ومنحوسهم لحتى يتذبلوا وبعدين منضيف مكعب ماجي وملح نصف ملعقه صغيره رشة فلفل أسود ورشة قرفه و 5 حبات هيل
ومنحط عليهم الرز بعد ما انغسله منخلطهم مع بعض ومنضيف عليهم 3 اكواب ماء مغلي كل كوب رز بده كوب ماء ومنقصدر الصينيه ومنخزق القصدير بالشوكه ومنحط الدجاج فوق القصدير ومنرجع كمان مره منقصدر الدجاج وبالفرن من تحت على نار وسط لحتى يستوي بدهم ساعتين وبعد هيك منحمر الدجاج على الوجهين .
واخر شي منجمر فحمه ومنحط شويت زيت ومنحط الفحمه على الزيت ومنحط الصحن فوق الصينيه ومنغطيها لتوخد الطعم …
