طبق جمبري بالخلطه
معكم صديقة زاكي صاحبة الوصفات الشهية و المميزة الشيف المتألقة Om Mohammad Mostafa
دا طلب خاص من اخت معانا في الجروب❤️❤️
. طبق جمبري بالخلطه😊 كنت منزلاه قبل كده بس قولت اعدله وانزله تاني بناءً علي طلبها🌹🌹
🌹🌹غسلت الجمبري كويس وشيلت كيس الرمل ال في الضهر وقصيت رجليه وشنباته😀
🌹🌹دقيت راس توم في الهون مع معلقه كبيره زنجبيل فريش مبشور و شطه حمرا مجروشه حسب الرغب ونعناع اخضر مفروم
وملح وكمون وكزبره بودره وفلفل أسود
(واشيل منها معلقه علي جمب)
🌹🌹نزلت بالخلطه دي علي حله فيها شوية زيت يدوب ريحة التوم طلعت نزلت عليها بالجمبري و أشوحه كويس علي نار عاليه لحد ما الجمبري يلون معايا ويبقي كله لون وردي
🌹🌹 اغطي الحله واهدي النار دقيقتين عشان الجمبري ياخد من ريحة التوم والجنزبيل مع النعناع
🌹🌹واكون محضره بصل مفروم و2حبه طماطم مفرومه وبشر جزره وورق نعناع أخضر مفروم وعليهم معلقه كبيره معجون طماطم ومعلقة من خلطة التوم ال تركتها علي جمب واتبل الخلطه دي بملح ورشة فلفل اسود ورشة كمون وادعكها بايدي كويس وانزلها علي الجمبري واقلبه
🌹🌹 في الأول تكون النار عاليه
وبعدين هدي النار عالاخر لحد مايستوي وقدميه بالشكل ال يعجبك وبألف هنا وكان بجد روووعه والله وعفوا للاطاله
