هذه القصة تأتيكم من قسم المنوعات في زاكي, قراءة ممتعة, وننتظر رأيكم في التعليقات.

زتيت الموبايل من ايدي و ركضت على المطبخ لعند سحر ،كان زيت البطاطا محترق و عم يقدح نار ،و سحر عم تحاول طفيه بالمي بس عم يشعل اكتر ،طفيت الغاز من تحت المقلاية و مسكت المقلاية بالبشكير و بدي زتا بالمجلى بس لقطت النار البشكير،زتيت البشكير من ايدي و فتحت سحر باب البيت و طلعت تصرخ و تستنجد باي حدا ،حتى فاتو الجيران طفوا النار،هن و طالعين اجت سندس ،اطلعت بشكلي و شكل سحر و غشيت ضحك

سندس:شو صاير معكن؟ههههه كانو صوبية المازوت نافضة بوجهكن

• اطلعت باشكالنا انا و سحر و ضحكنا

سحر:الحق على سلوى نسيت الزيت على النار

سلوى:انت يلي نسيتيني اياه بقصتك

اياد:شو يلي صار عنكن؟

اطلعت انا و اخواتي باياد يلي طلع فجأة على الباب

سلوى:شغلة بسيطة و عدت على خير

اياد:هههههههه

سلوى:شبك

اياد:واضح انو عدت على خير من اشكالكن

فات و وقف على باب المطبخ و هو و عم يعاين المحل

اياد:مين يلي كان عم يطبخ ؟

التفت لعنا ،انا سكتت و سحر اشرت علي
اياد:ست بيت مشالله
سلوى:سهيت بس

اياد:بسيطة فداكي ،اهم شي سلامتكن ،وقعتيلي قلبي ،سمعت سحر عم تقلك المطبخ عم ينحرق و انت ما عاد رديتي علي ،اتصلت فيكي ما تردي ؛خفت يكون لاسمح الله الحريق يكون كبير و ما صدقت ايمت وصلت لعنكن

سلوى:لا لحمدلله … كان بدنا نشربك قهوة بس متل ما شايف المطبخ

اياد:يلا بسيطة …ها هلأ اجت سيارة الاطفاء

سلوى:شو جابن هدول؟

اياد:انا اتصلت فين انا و جاي على الطريق ،ليكي وصلت قبلن ،يلا طالع اصرفن و راجع على البيت و انت عزلو منيح و انتبهو تاني مرة ايه

سلوى_سحر:ايه

طلع اياد من عنا و انا و سحر فتنا نظف المطبخ

سندس:شو قصتو هيدا؟.

سحر:هيدا اخونا يلي ما جبتلنا اياه امك ههههههه

سندس:بالله شو؟

سحر:صهرنا

سلوى:سحر بلا مياعتك،هيدا مديري بالشغل

سندس:ولله بس شاب حليوة ها

سلوى:سندس فوتي ساعدينا بدل ما قاعدة تحققي معنا

سندس :يلا ولو،نتسائل فقط

بعد يومين رجعت نزلت على الجامعة ،و كنت مطمنة انو اياد خلص حل الموضوع بس اول ما وصلت كانت مصيبة كبيرة ناطرتني،صوري معبية حيطان الجامعة و كل البنات و الشباب عم يطلعو علي و ياشرو علي انو انا صاحبة الصور حتى ماريا شافتني و ما قربت علي ابدا ،طلعت من الجامعة انا و عم ابكي و موطية راسي ،وائل نفذ تهديدو ،طلعت من الجامعة و رحت بوجهي لعند اهلو لوائل بعد ما سألت عنو بمنطقتو ،دقيت الباب و فتحتلي الباب خدامة فلبينية ،سألتا عن ابوه لوائل ،حتى اجت من وراها صبية بعمر ال18 سنة ،كان واضح انو هاي اختو لوائل بيان يلي خبرني عنا مرة

سحر:انت بيان مو هيك ؟

بيان:ايه مين حضرتك؟

سحر:انا سحر ؛بكون …رفيقتو لوائل ،ابوكي او امك موجودين؟

بيان:لا ولله امي بزيارة و ابي بشغلو ،تفضلي

فتت انا و عم اطلع بالبيت ،ما كنت مستغربة انو وائل يكون عايش بهيك عز ابدا ،قعدت على الكنباية انا و متوترة

بيان:شو بتشربي؟

سحر:قهوة سادة

بيان:ساتيا اتنين قهوة سادة

سحر:وائل ما هون مو؟

بيان:لا هون ،هو بغرفتو يس ما بيقدر ينزل لانو البابا حابسو من مبارح و مانعو يطلع

سحر(تبكي):لكن مين يلي ناشر الصور بالجامعة؟

بيان:صور شو؟

سحر:صوري ،كان عم يهددني بالفضيحة ..

بيان:اه طولي بالك ،اخي ما طلع من مبارح من غرفتو

سحر:معناها موكل حدا بهالمهمة

بيان:لحظة راجعة

طلعت بيان على درج للطابق التاني و غطت ربع ساعة و بعدين نزلت

بيان:اطلعي حكيه

سحر:ما بدي

بيان:حكيه من ورا الباب ،الباب مقفل ما تخافي ما رح يعملك شي؛انا بعرف اخي شرس و همجي

طلعت ورا بيان ،كانت بنت ناعمة و هادية كتير عكس اخوا تماما ،وقفت ورا الباب و تركتني و نزلت

سحر:ايه انا كنت جاي خبر ابوك شو عملت ،هيك…

وائل:ما انا يلي نشرتن ولله ،انا صح هددتك و قلت بدي انشرن و اعطيت صورتين لرفيقي باسل حتى يطبعلي منن نسخ بس كنت معصب و فاير دمي بعد ما شكتيني لابي اول مرة بس ما نفذت شي؛هيدا رفيقي باسل ابن الحرام هو يلي عمل هيك بس لاطلع من هون حسابو

سحر:انت واحد كذاب ،عم تقلي هيك حتى صدقك وتشيل التهمة عنك و ما احكي لابوك

وائل:بالله و اذا حكيتي لابي شو بدو يعمل اكتر من يلي عملو فيني

سحر(تبكي): بتستاهل اكتر انت دمرتني على الاخر و ما مسامحتك ابدا يا وائل و انشالله بتشوف الشي يلي عملتو فيني باختك ولا شو ذنبا اختك،واضح انو عيلتك غير عنك تماما؛تفو عليك يا حقير يا قليل الشرف

وائل:يا غبية عم قلك ما انا يلي نشرتن

سحر:و حتى لو ما انت ،كيف بتعطي صوري لرفيقك ،وثقت فيك و انا كنت دافع عنك قدام كل حدا يجيب سيرتك بالعاطل بس ما بتستاهل ،و هلأ ما بقا في شي اخسرو لسا

تركتو و نزلت ،شفت بيان قاعدة عم تشرب قهوة

سحر:شكرا الك انا بدي روح

فتحت الباب و بدي اطلع ،طلعت بوجهي مرة بالخمسين سنة ،مصففة شعرا بطريقة مرتبة حتى لبسا شيك كتير ،ما سلمت عليا ابدا لانو كنت عم ابكي و ما شايفة شي قدامي ؛مريت من جنبا و نزلت من عندن و رجعت على البيت نمت و فقت على سلوى راجعة من شغلا و عم تفيقني ،بس ما رفعت راسي من تحت المخدة ،حست انو صاير معي شي و ما قامت من جنبي الا لخبرتا شو صارمعي

سلوى:واحد ندل و واطي

سحر:ايه على كل حال ما تخبريه لاياد بشي لانو خلص خلصت القصة لهون ،ما رح يعمل اكتر من يلي عملو و انا خلص انتهيت

سلوى:ما تحكي هيك ،خلي يلي صار معك تجربة بحياتك و اعطتك درس ما تنسيه بحياتك؛بالاخر الواحد ما بيتعلم الا من كيسو ،قومي غسلي وجهك و ساعديني بالاكل ما بدي سندس تشوفك هيك

سحر:ما الي نفس اعمل شي

سلوى:سحر بدك ترجعي داومي بالجامعة

سحر:مستحيل بعد هاافضيحة ،ما الي عين حط عيني بحدا ،الكل عم يحكي عني

سلوى:بيحكو شوي و بكرا بينسو و بيلاقو شي تاني يحكو فيه ،قومي يلا ما تخلي شي بهالحياة يكسرك

نخن و عم نشتغل بالمطبخ رن موبايلا لسلوى

سلوى:هادا اياد …الو

اياد:كيفك سلوى؟

سلوى:لحمدلله كيفك انت؟

اياد :لحمدلله ؛سحر اليوم رايحة على بيت وائل

سلوى:ايه هلأ خبرتني بس انت شو عرفك

اياد:امو التقت بسحر هي و طالعة من عندن اتصلت بامي و قلتلا انو انا حاطط ايدي بالموضوع و عم حمل زوجا على ابنا و عم خليه يقسى عليه و يحبسو بالبيت و خكت كتير لامي لدرجة اول ما وصلت على البيت و قبل ما غير تيابي علقت مع امي

سلوى:يالله ما بدنا نعملك مشاكل مع اهلك

اياد:ليش هيك عملت اختك ليش؟انا كنت عم حل الموضوع بطريقتي ،راحت عملتلي مشاكل الي كمان

سلوى: بعتذر كتير عنا

اياد:حصل خير

سلوى: معك خبر بالصور

اياد:ايه معي خبر بس ماهو يلي ناشرن ،رفيقو بس ما بيتصدق واحد ملعب

سلوى:طيب خلص انا بظن انتهت القصة هون

اياد:و بلشت قصتنا

سلوى:قصتنا !!!ما فهمت

اياد:ما امو لوائل قايلتلا لامي انو انا و اياكي في بيناتنا شي و بلشت امي تحقيق معي

سلوى:شي متل شو يعني بس ما تفكر انو متل سحر و وائل

اياد:لا لا ما هيك ،انا فهمتا منيح انت شو بتعنيلي ،طيب على كل حال ما شي مهم ،ترجع سحر تمارس حياتا الطبيعية و ما تستحي بحالا بتعاود الناس تمل و تلتهي بخبربة جديدة

سلوى:و انا هيك خبرتا

تاني يوم و انا قاعدة بالشغل ،دخلت امو لاياد على الورشة وو هاي اول مرة بتفوت لهون ،فاتت تمشت بين صفوف الماكينات و عم تطلع فينا وحدة وحدة ،بعدين وقفت قبالنا

ام اياد:مين سلوى بيناتكن؟

بلعت ريقي و قمت وقفت

سلوى:انا هي …انا سلوى

ام اياد:ايه تعي وراي و جيبي اغراضك معك

طلعت من باب الورشة و انا لحقتا و حامل جزداني بايدي ،وقفنا برا بالساحة الخارجية ،طالعت ظرف من جزدانا و اعطتني اياه

ام اياد:هادا راتبك عن هالشهر و زيادة حبة ،خديه و ما بقا بدي شوف وجهك هون ،انا ابني اياد خاطب من 4 شهور بنت خالتو و بعد فترة عرسو ،حرام تتأملي بنتي على الفاضي

سلوى:بس انا و اياد ما…

ام اياد:بعرف ،خبرني اياد،اكيد ابني ما رح يحب وحدة بتشتغل عندو هو خبرني انو شفقان عليكي و على اخواتك انك ايتام

سلوى:شفقان!

ام اياد:بس وجودك هون عم يعملو مشاكل مع الناس و مع خطيبتو ،الله يرضى عليكي حبيبتي امشي من هون و انا فترة و بدبرلك شغل تاني بغير مطرح ،ما رح انساكي

سلوى:اممممم ماشي شكرا الك

حطيت الظرف بجزداني و مشيت انا و مصدومة و طلعت من المعمل انا و مقهورة كتير ،وصلت على البيت و تفاجأت سحر برجعتي بكير ،حكتلا امو لاياد شو حكت معي و اديش انا حسيت بالاهانة و حسيت حالي صغيرة قداما

سحر:كلو من وائل و امو ،هن السبب؛الله يلعنو من فوق ما دمرني ،كمان خربلك حياتك

سلوى:عادي ،انا ما زعلانة ،هاي امو و حقا تخاف على مصلحة ابنا ،المهم اني لاقي شغل تاني

سحر:سلوى …لحظة

قامت سلوى و فتحت خزانتا و جابت كيس صغيرو رجعت فضت محتواه على التخت

سلوى:شو هدول؟

سحر:هدول هدايا كان يجبلي اياهن وائل،اذا بعناهن بظن يجيبو سعر منيح نمشي حالنا فيه لبين ما تلاقي شغل تاتي و انا رح دور على شغل كمان لانو ما ناوية ارجع على الجامعة هالفترة

سلوى:لا بدك ترجعي

سحر:ما قادرة

سلوى:لا رح تقدري،امشي و انت رافعة راسك و ما تطلعي بحدا ،ما في حدا معصوم من الغلط و غيرك بيغلط بس ما بينفضح بين ناس و انت حظك عاطل ،المهم انك عرفتي غلط و تربيتي منو ،ما تخافي علي انا قد حالي و بلاقي شغل

سحر:طيب بس خدي هدول بيعين

سلوى:لا هدول بدك ترجعين لهل الواطي

سحر:لاااا مستحيل

سلوى:ايه سحر بدك ترجعين و كل شي جبلك اياه بدك ترجعيه؛ليفهم انو انت ما بعتي حالك ،حاولي تستردي شوي من كرامتك يلي خسرتيا معو ،ضبين كلن بكيس زبالة اسود و ابعتيلو اياهن مع حدا يحطن على باب بيتو

سحر:فظيعة انت على هالافكار

سلوى:لانوالمال زبالة مقارنة مع الكرامة يلي ما بتنباع بمال الدنيا

فتت على غرفتي و انا مخنوقة كتير،اكتر شي كان قاهرني انو اياد طلع خاطب بنت خالتو و شفقان علي،ليش ما خبرني ،ليش ما شفتو لابس محبس بايدو ،ليش حسسني بانو مهتم فيني و انو في مشاعر اتجاهي و انا انجرفت ورا هالاحساس و لقيت حالي متعلقة فيه و عم حبو ،هو يلي غلط ولا انا يلي غلطت و املت حاالي بشي ما الي ،كنت تعبانة كتير نفسيا هديك الفترة من وضعي اني تركت شغل و قاعدة بالبيت و سحر تركت جامعتا و قاعدة بالبيت و كملت معي وقت اجت رفيقتا لسندس عندي بعد ما راحت سندس عالمدرسة و خبرتني انو سندس عم تهرب من اخر حصتين من المدرسة و انا جنيت على الاخر،نطرتا لترجع من الدوام و فاتت متل العادة عم تضحك و مبسوطة

سلوى:وين كنت؟

سندس:شو هااسؤال يلي بضحك،كنت بالمدرسة

سلوى:و داومتي الدوام كامل من اول حصة لاخر حصة

سندس:..ايه …طبعا

سلوى:سندس انا مصدومة فيكي ،لك انت ما بتخبي شي عني شو صايرلك

سندس:…شبك شوفي

سلوى:لوين عم تهربي و تروحي باخر حصتين..

سندس:انا…لا …مين قلك

سلوى:ما مهم مين قلي ،المهم تقليلي وين عم تروحي ،انا فيني كنت روح و راقبك و اعرف بس انا عاطيتك ثفة عميا و بدي انت تخبريني احكي لشوف

سندس:….

سلوى:احكي

سندس:طيب …انا عم روح شوف راجي

سلوى:راجي مين…راجي ابن عمك

سندس:ايه

سلوى:سندس ما تقليلي انو انت وراجي….بتحبو بعض

سندس:….

سلوى:يا ربي رحمتك علي بس ،بشو ولا بشو انا ،بتحببه لراجي؟

سندس:ايه شو دخلو هو بأبوه ،هو منيح كتير و بحبني وبعدين انا ما عدت صغيرة

سلوى:خلص …ما بقا بدي اسمع هالحكي يطلع من تمك مرة تانية ،بعدك صغيرة على هالقصص ،و الا راجي ما فيكي تحبيه ابدا ابدا فهمانة ابدا مستحيل

سندس:ليش مستحيل ؟

سلوى:ما تناقشيني و من يوم و رايح انا باخدك و انا بجيبك من المدرسة فهمانة

سندس”:سلوى الله يخليكي انا و اياه متفقين نتزوج

سلوى:خلص دخيل الله وقفتيلي شعر بدني اسكتي و روحي من وجهي

فتت على غرفتي و انا عم قرمط اظافر ايدي ،لحقتني سحر

سحر:شبك طولي بالك على البنت ،بعمرا البنت بتمر بهيك مرحلة

سلوى:سحر في شي انت ما بتعرفيه ،االا راجي ما بتقدر تحبو سندس ما بتقدر ما بتقدر ،يالله على هالمصيبة

سحر:سلوى فهمانة عليكي عمك ما تارك الو شي منيح

سلوى:ما فهمانة انت ما فهمانة شي ،اسمعي بدك تساعديني لازم بعدا لسندس عنو

سحر:طيب قعدي معنا بالبيت ههههههه صايرة و صايرة

سلوى:سحر ما ناقصتك انا

سحر:طيب ماشي يوم انت بتاخديا و انا بجيبا

تاني يوم رحت وصلتا لسندس و حكيت مديرتا و انساتا كرمال ينتبهولا و يبلغوني اذا في حصة ما حضرتا و بعدين رحت لدور على شغل الي؛اتصل فيني اياد انا و بالشارع بس ما رديت عليه و قفلت موبايلي ،رجعت على البيت بعد 3 ساعات رجلي عم بجعوني من كتر اللف و المشي

سحر:شو صار معك ،ما لقيتي شغل؟

سلوى:لا ،شو بدي لاقي بين ليلة و ضحاها،بكرا برجع بدور و انت من بكرا ارجعي على الجامعة

تاني يوم لبست و طلعت انا و سلوى،وصلنا سندس على المدرسة و كانت طول الطريق عم تتذمر من توصيلتنا الا و بعدين تابعت طريقي انا و سلوى على بيت وائل ،طالعت الكيس من جزداني

سلوى:يلا اطلعي حطيه على الباب و ناطرتك هون

سحر:ههههههه

سلوى:ليش عم تضحكي عند هالصبح

سحر:عنجد فكرة مجنونة الساعة 7 الصبح اكيد ما حدا بكون فايق بيناتن ،خايفة انا و عم حطو على الباب ينفتح و يطلع ابوه او هو مثلا

سلوى:الكل بكون نايم هلأ،اطلعي يلا

طلعت حطيت الكيس و نزلت على روس اصابيعي و وقت حسيت باب بيتن انفتح ،نزلت ركض فورا و رحت لعند سلوى مسكت ايدا و صرت اركض انا و اياها و سلوى عم تصرخ علي و انا عم اضحك

سلوى:انقطع نفسي ليش عم نركض

سحر:في حدا فتح الباب و نزل من بيتن ،خفت يشوفونا

سلوى:اخ منك ،ايمت رح تكبري انت ،يلا روحي على جامعتك

انا تابعت على جامعتي،كنت طول الطريق اتذكر كلام سلوى،فتت على الكلية و انا عم اطلع لقدام بدون ما التفت على حدا ،حسيت الكل عم يطلع فيني و يحكي علي بس ما اهتميت لشي لانو يلي لازم كون خجلانة منو هو ربي ما الناس ،فتت حضرت محاضراتي و شربت قهوة بالكافتريا لحاالي وانا طالعة من باب الكافتريا ،التقيت بوائل فايت ،مر من جنبي و هو عم يطلع فيني و انا عملت حالي اني ما شايفتو حتى طلعت من المحاضرة التانية على صوت صراخ و علقة شباب بين بعضا ،وقفت من بعيد اتفرج ،شفت وائل عم يعلق مع رفيقو باسل و هاجمين على بعض و باقي الشباب عم تفك بيناتن ، حتى شافني وائل واقفة عم اتفرج علين ،نزلت راسي و عملت حالي ملتهية بدفتري و طلعت من االمبنى بسرعة و بعدين سمعت صوتو

وائل:سحر…لحظة شوي

وقفت انا و عم نفخ

سحر:نعم شو بدك ؟

وائل:انت يلي حطيتي كيس الاغراض يلي جبتلك اياهن على باب بيتي

سحر:ايه انا ،ردتلك اياهن مشان ما تفكر حالك انك اشتريتني

وائل:بعدك مصدقة انو انا يلي نشرت الصور،ولله العظيم ما انا ،و هاي شفتي بعينك هلأ علقتي مع هالواطي

سحر:ما مهم وائل ،قصة و راحت و ما حابة اتذكرا

وائل:بس انت بتعنيلي كتير،انا صح كنت حيوان اخر فترة معك و استغليتك بس انا بدي تعطيني فرصة تانية

سحر:لا تانية و لا تالتة وائل،انت فكرت حالك للحظة انو فيك تمسكني من ايدي يلي بتجعني بس ما حذرت و فوق منا رحت خربتلا شغلا لاختي و خليت امو لاياد تقلعا من شغلا

وائل: انا ما خربتلا اياه بقصد ولله ،بس امي خبرت امو و لسوء الصدفة كانت خالتو و خطيبتو موجودة ،و وقت عرفت خطيبتو كانت رح تبطل عنو لهيك امو تصرفت هيك و هيدا واحد حقير عم يضحك على اختك و يقطع وقت لبين ما يتزوج

سحر:اختي سلوى ما غببة متلي حتى ما تميز اذا اياد عم يضحك عليا الا لا ،المهم ما بقا تطلع بطريقي مرة تانية

تركتو و مشيت و رجعت على البيت ،من بعيد شفت اياد مرتكي على سيارتو قبال بيتنا قربت و سلمت عليه

اياد:وينا سلوى؟

سحر:اذا ما جوا؛بعدا عم دور على شغل…ها ليكا اجت هي و سندس

_____سلوى_____

شفت اياد من بعيد ،شديت على اعصابي و بقيت عم عيد الحكي يلي بدي قلو اياه بعقلي حتى وصلت لعندو ،فاتت سندس لجوا و انا سلمت عليه ببرود

اياد:فيني اعرف شو عم تعملي،تركتي الشغل هيك بهالبساطة وبدقلك ما بترد علي لا و بالاخير بتقفليه

سلوى:اياد انا ما بدي اعملك مشاكل بحياتك هيدا اكتر شي فيني ردلك اياه على جمايلك معي

اياد:بس انت هيك ما رديتي شي؛بالعكس زعجتيني كتير ،سلوى انا بحبك

سلوى:و انا كمان و انا بحبك بس وقت قلي وائل انك خاطب ما صدقتو ،قلت هيدا واحد وسخ و بدو يشوه صورتك بعيني…

اياد:سلوى الموضوع ما متل ما انت فاهمة ،لازم تسمعيني بالاول

سلوى:بس اجت امك و اكدتلي انك خاطب و عرسك بعد فترة على بنت خالتك و انا شو ،شو كنت بحياتك محطة بس،انا ما طلبت منك شي انت يلي دخلت حياتي و فرضت حالك

اياد:انا ما بحبا

سلوى:بس انت خاطبا ،و بعد فترة بتصير مرتك و انا شقفة وحدة بتشتغل عندك و شفقان عليا لانو يتيمة موهيك قلتلا لامك

اياد:انا…

سلوى:اذا بدك تنكر و تحكي كذب سكوتك افضل و خلي انطباعك الاخير بذاكرتي حلو

قرب علي و بدو يمسك ايدي ،رجعت لورا

اياد:انا ولله بحبك الك و موضوع الخطبة صار بسرعة و غصب عني ولله ضغط من امي و احراج من بيت خالتي،انا ما بقدر قول لا لامي لانو هي يلي ربتني و وقفت جنبي بكتير مواقف لصرت انا يلي قدامك

سلوى: و انا ما طلبت منك تقول لا بس ما تأمل بنت تانية فيك و انت بتعرف حالك ما عندك الجرأة لتاخدا،على كل حال الله يسعدك و يهنيك و اتركني بحالي مع مشاكلي و همومي ،شكرا الك ما بدي عذبك اكتر من هيك معي

اياد:و مين قلك اني ما بدي اتعذب ،اشتكيت شي ،هلأ ما حلوة نضل هيك واقفين على الباب

سلوى:و انا بعتذر منك ما بقدر دخلك انت بضل غريب علينا

اياد:ولله هلأ هيك صرت انا

مريت من جنبو لفوت على البيت ،قبل ما فوت ،فتلت وجهي لعندو

سلوى:انا قوية بحالي ماني ضعيفة و مسكينة لتشفق علينا ، انصدمت بطريقة نظرتك الي لهيك ما تصدم خطيبتك وقت تعرف انو انت معا غصب عنك ،مع الايام بتحبا و تتقبلا

اياد:سحر اعطيني شوية وقت بس لاترك خطيبتي و اقنع امي تجي تخطبك .

سلوى::……

اياد: بس طالب منك شوية وقت و ما رح تندمي ،انا بكل الاحوال ما رح تابع بهالخطبة ونحن منحب بعض و حرام ما نكون لبعض صح الا لا

سلوى:ما بعرف

اياد: اعطيني فرصة تانية و ما رح تندمي ،اوثقي فيني و ما رح خيبلك امالك ابدا

سلوى:طيب

ابتسم
اياد:ماشي هلأ انت ما ترجعي على الشغل بس انطريني

سلوى:ماشي.. ناطرتك

ر اح اياد بعد ما اتفقنا انو نرجع نلتقي بعد ما يكون زبط امورو مع امو و ترك خطيبتو ، فتت و سكرت االباب ،شفت سحر بوجهي ،كنت غاصة بدموع و صرخة مكتومة

سحر:شو صار معكن؟

سلوى:ولاشي

كانت واقفة سندس جنبا و متكتفة و عم تهز برجلا

سلوى:شبك انت التانية

سندس:ولاشي؛بس ليش انت مسموح الك تحب و انا لا

اطلعت سحر فيا و ضحكت

سحر:ولله هيدا الناقص

سندس:انا بحبو لراجي و قد ما حاولتو تبعدونا عن بعض ما رح تقدرو ما رح تقدرو فهمانين

فاتت على الغرفة و سكرت الباب بعصبية

سلوى:اخ بس

فتت على غرفتي و قفلت الباب و قعدت ابكي على الساكت ، تاني يوم اتصلت باياد اكتر من مرة بس ما رد علي، بقيت فترة احمي انا و اياد فترة على الموبايل و احيانا اطلع شوفو بشي كافتريا حتى مرة اتصلت فيه كذا مرة بس ما رد علي ،انشغل بالي عليه كتير و رحت لشوفو بالمشغل ،بس تفاجأت بوجود سكرتيرة برا مكتبو ،طلبت مني اقعد انطر لبين ما تفوت و تخبر اياد اني بدي شوفو ،بعد.دقيقتين طلعت من مكتبو

السكرتيرة:الاستاذ اياد مشغول حاليا و ما بيقدر يشوفك ،فيكي تراجعيه بغير يوم

نزلت انا و مصدومة منو صدمة عمري،حتى بكا ما قدرت ابكي من صدمتي ،بعدين عذرتو و توقعت انو امو كانت جنبو لهيك حكا لسكرتيرة تصرفني،لهيك رجعت اتصلت فيه و بعتلو مسجات ليطمني عن وضعو بس ما كان فيه اي استجابة منو و بعد فترة اعطى موبايلو انو مقفل او خارح التغطية ،ضعت كتير و حسيت غيابو كان مفاجئ و بدون اي مقدمات و لو بدو يتركني و ما عاد بدو اياني ،كان قلي بوجهي او برسالة على الاقل ،بعد يومين المسا الساعة 8 انرن جرس بيتنا ،كنا عم نتعشى ؛قمت لافتح الباب و طلع بوجهي شاب طويل و نحيف بشعر اسود و بشرة بيضا و عيون شهل

_مسالخير

سلوى:مسالنور

اجت سحر و سلوى على صوتو و وقفو وراي يطلعو فيه

مراد :انا مراد

سلوى_سحر:مين مراد؟

…………………………………….

سندس:اهلين مراد

اطلعت انا و سحر بسندس يلي كان واضح انو بتعرفو

سندس:شبكن هيدا مراد ..اخوه لراجي الكبير…ابن عمكن

سلوى:اها ..نحن ما عنا اولاد عم

مسكت االباب و خبطتو بوجهو بس حط ايدو على الباب و رجع فتحو

مراد:ما حبيتا منك هالحركة يا سلوى ،نحن منضل اولاد عم و حتى لو تجاهلتي هالموضوع سنين طويلة ،في صلة دم بيناتنا

سلوى:و انا ما بتشرف بهالصلة

حطيت ايدي على الباب و بدي سكرو ،بس سحر مسكت ايدي و نزلت من عن الباب

سحر :خلص سلوى خلينا نسمعو بالاول شو بدو و ليش جاي

سلوى:واضحة جاي كرمال اخوه

مراد:لا ما بس كرمال هيك

سلوى:لكن؟

مراد:اكيد ما رح احكي هون على الباب

سحر:تفضل

اطلعت بسحر و زورتا
بعدتلو الطريق هي و سندس و مر من جنبي هو و عم يطلع فيني و يبتسم كانو حابس ضحكتو ،فات قعد بغرفة القعدة و انتبه انو كنا عم نتعشى ،قامت سندس و صبتلو كاسة شاي و ضيفتو اياها

مراد:شكرا الك

سلوى:سندس و سحر فوتو على غرفتكن

سندس:يالله ،بدي ابقى

مراد:خلص اسمعي كلمة اختك اذا بتريدي

فاتت سحر و سندس و بقيت انا و مراد

سلوى:يلي جاي تحكي فيه مستحيل و من سابع المستحيلات تكون سندس لراجي

مراد:ليش ؟ليش بدك تظلمين و هن بحبو بعضن ،ما بحقلك تاخدين بجملة عمك،انا بعرف ابي منيح و ما رح دافع عنو بس راجي ما لانو اخي ،هو بحبا لسندس كتير

سلوى:ما حدا رح يفهم ليش انا رافضة بس مستحيل يا مراد و انت لازم تحكي اخوك و تخليه ينساها لسندس يعتبرا متل اختو

مراد:ما بقدر ،صعب كتير تقيمي حدا من قلبك بسهولة حتى لو عرفتي انو هو ما الك ، و انا جيت اليوم بعد ما خبرني راجي انو فارضة حصار على اختك و عم توصليا و تجيبا من المدرسة ،اختك قادرة تقرر مصيرا هلأ و فينا تتركن و تتزوجو لراجي وقتا بتكوني خسرتي اختك

سلوى:مستحيل ما رح اسمحلا

مراد: و انا رح اعمل كل جهدي لياخدو بعض

سلوى:ما بتقدر ،الموضوع ما لانو راجي ابن عمي الموضوع اكبر من هيك

مراد:شو الموضوع لكن ؟

سلوى:…..ما بقدر احكيه و خلص و ابعد من طريقنا انت و اخوك

قمت وقفت و قمت كاسة الشاي من قدامو

سلوى:بعتقد تأخر الوقت و خلصت زيارتك

قام وقف و مشي ليطلع من باب البيت ،و انا لحقتو لسكر الباب وراه

مراد:يا خسارة بس انك تستقبلي الغريب بطريقة احسن من استقبالك لابن عمك
سلوى:مين قصدك الغريب؟

مراد:انت بتعرفي قصدي منيح تصبحي على خير

طلع و سكر الباب وراه و انا بعدني عم فكر بجملتو و مقصدو يلي كان قاصد فيه اياد؛طلعت سندس بوجهي

سندس:شو قلتيلو؟

سلوى:انت كل شي بصير عنا عم تروحي تقوليه لراجي

سندس:لا ابدا

سلوى:واضح على كل خال انسيه لراجي و انسي العيلة كلا

سندس: ما على كيفكن ،انا بحبو و هو بحبني

رجعت زعلت و فاتت على غرفتا

سحر:طب خلص ليش مكبرة الموضوع ،ياخدو بعض

سلوى:ضبي العشا و الحقيني انت

فتت على غرفتي و انا ضايعة و مترددة بس لازم حدا تاني يشاركني هالحمل ،تعبت احملو لحالي و تعبت اشرح و ما حدا عم يفهم

سحر:ايه شوفي احكي

سلوى:اسمعي سندس ما بتقدر تتزوج راجي لانو هي بتكون اختو

سحر:شو هههههههههه

سلوى:ولله توقعت تاخدي الموضوع ضحك

سحر:شو عم تحضري هندي

سلوى:سحر انا ما عم امزح،انا عم احكي عنجد و الموضوع كبير و ما حدا بيعرف فيه و انت اول وحدة خبرتك لانو ما عارفة اتصرف ،ما قدرت قول هالشي لمراد لانو خفت ياخدا مننا

سحر:هلأ انت عم تحكي جد؟

سلوى:شكلي عم يمزح

سحر:كيف بالله هيك ؟

سلوى:رح احكيلك ،عمك الله لا يرحمو و لا يسامحو بعد ما مرض ابوكي و صار مقعد ،كان يطلطل علينا كل يومين لحتى اختلى بامك و اعتدى عليا و طلعت حامل منو و ما دريت و حست الا بالشهر التالت ،و ابوكي عرف انو امك حامل

سحر:عرف انو حامل من عمي؟

سلوى:ايه امك خبرتو بس ما كان قادر يعمل شي و بعد ما ولدت امك سندس بيومين ابوكي توفى من القهر و من حرقة قلبو

سحر: ما عم صدق يعني سندس ما اختنا و اختن لراجي و مراد؟

سلوى:سحر شبك وليه هبلة ما عم تفهمي علي ؛سندس اختنا و اختن ،اخت مشتركة

سحر:جمد عقلي و ما بقا عم استوعب شي بس انت شو عرفك بكل هالشي؟

سلوى:امك خبرتني قبل ما تموت بيوم و قلتلي ما خبر حدا الا للضرورة بس انا ما توقعت ابدا الامور توصل لهون و سندس من كل شباب العالم ما بتحب الا ابن عما

سحر:يالله يا سلوى ،شو بدنا نعمل،لازم نخبرا هيدا احسن شي

سلوى:لااا منكسرا مندمرا على الاخر ،صعبة كتير تعرف انو هي اجت من علاقة اغتصاب،رح تتعقد و تشوف حالا ناقصة عننا و عن اي بنت تانية

سحر:معناها منخبر مراد و هو بتصرف ،باينتو كبيررو واعي و بالنهاية مصلحة سندس اهم شي

سلوى:قلتلك بخاف يخبرو هن و ياخدو مننا

سحر:ايه مرة عمك ما بطيقنا و ما رح تقبل ابدا و رح تكرهنا الضعف اذا عرفت هالشي

سلوى:انا ضايعة ..ضايعة …المهم انت ما تخبريا بشي و خلينا ماشيين هيك و بالاخير اذا ما شافتو وو التقت فيه رح تنساه

سحر:انشالله

راحت سحر على غرفتا و انا بقيت فايقة طول الليل اتقلب بفراشي و قلقانة و عم فكر بكل شي باياد و بالشغل الجديد يلي ما لقيتو لهلأ و بسندس و بسحر،كنت مهمومة كتير و عم ادعي لربا د بالفرج ،بعد يومين انا و رايحة جيب سندس من المدرسة ،نطرتا برا ما طلعت ،فتت لجوا و سالت عنا الانسة و خبرتني انو اخوا اجا اخدا من المدرسة ،طلعت متل المجنونة و انا قلبي متل النار ،ما عرفت شو اعمل ،اخدت عنوان بيت عمي من رفقاتا لبنت عمي بالمدرسة واتصلت بسحر لتلاقيلي و تروح معي لعندن لانو كنت ما حابة روح لحالي بعد كل هالعمر ، و نحن طالعين على بنايتن

سحر:انت متاكدة من العنوان

سلوى:اي طبعا

سحر:لانو البناية فخمة كتير،معقول هون ساكنين

سلوى:هلأ منشوف ،وصلنا هيدا البيت

سحر:لحظة قبل ما دقي لزبط حالي شوي

سلوى:اخ منك على فضاوة بالك

،دقيت الباب و فتحلنا الباب شاب عمرو بال 27 سنة ،كان عم يلبس جاكيتو و كانو طالع من البيت

سلوى:مرحبا

عبودة_اهلين

سلوى:هون بيت محمد المنصور

عبودة_ايه

سلوى: وينو راجي؟

عبودة:ما هون ،بس مين حضرتكن؟

سحر:نحن …نحن اولاد عمك احمد

عبودة:اه اهلين ،تفضلو

سلوى: طب ممكن تعطيني رقم اخوك مراد بسرعة

عبودة:طيب لحظة

شال موبايلو من جيبتو و بلش بدو ينقلني الرقم ،بس اجت امو نظمية من وراه و هي عم تسالو مين على الباب و اول ما شافتني حسيتا عرفتنا ، زمت شفايفا

ام مراد:شو بدك؟

عبودة:سجلي الرقم يلا

ام مراد: عبودة رقم مين عم تعطيا؟

عبودة:رقم مراد

ام مراد:شو بدك بمراد ،ما بكفي اختك دابقة بابني و ما عم تتركو و بدا دبس حالها فيه

تركتا عم تحكي و نزلت من عندن انا و عم اتصل بمراد و حسيت على خطوات عبودة ورانا على الدرج

سلوى:انا سلوى

مراد:اهلين سلوى

سلوى:وينا سندس؟

مراد:ما بعرف

سلوى:طيب انت وينك ؟

مراد:انا بشغلي

سلوى:فيني شوفك و هلأ ضروري

مراد:ايه اكيد

سكرت الخط مع مراد و التفتت على سحر ،شفتا واقفة مع عبودة ،قربت لعندا و قرصتا من ايدا

سلوى:يلا سحر

عبودة:لوين رايحين انتو؟

سلوى:مشوار

عبودة:طب اطلعو لوصلكن بطريقي

سلوى:لا شكرا

تركناه انا و سحر و مشينا

سلوى:ليش وقفتي معو؟

سحر:هو يلي وقفني

سلوى:انا رايحة شوف مراد مشي معي

سحر:لا دخيل الله ،انا تعبانة و بدي ارجع نام ،روحي انت و فهميه

سبقتو لمراد على الكافتريا يلي اتفقنا نلتقي فيا ،بعد ربع ساعة اجا

مراد:انشالله كون ما طولت عليكي بس ما لقيت محل صف السيارة

سلوى:مراد انا ما كنت حابة احكي بالموضوع بس لازم تعرف و لازم راجي يعرف و خلونا نخلص من هالمهزلة

مراد:شوفي؟

حكتلو كل شي لمراد و هو متفاجئ و مفتح عيونو على الاخر

مراد:لتكوني عم تحكي هيك حتى تبعدين عن بعض؟

سلوى؛:طب بشو احلفلك انو يلي قلتلك اياه مزبوط و من يومين خبرتا لسحر و ما كنت ناوية احكيلك ابدا لانو خايفة تقلولا و تتعب نفسيتا و انت ادرى بابوك بيعمل هيك عملة الا لا ،امي كانت تشتغل لطعمينا و ابي كان مريض و هو بدل ما يوقف جنبنا هيك عمل بامي ،انا بكره ابوكن كتير بس ما بكرهكن الكن لانو بعرف انو انت غير عنو ،بس الله يخليك تصرف فورا و ابعد اخوك عن سندس

مراد:طيب طيب هيك اختلف الموضوع ، شو بتتغدي؟

سلوى:ما بدي اتغدا ؛بدي تتصل فيه هلأ و تقلو خلي سندس ترجع على بيتا

مراد:طيب ماشي

بعد ما اتصل باخوه ،قمت وقفت و حملت جزداني

مراد:وين رايحة !اقعدي شوي

سلوى:بدي روح شوفا

مراد:سلوى،خلص ما تحكي معا ولا كلمة،انا بحكي مع راجي و بفهمو الوضع

سلوى:و نبه على راجي ما يخبرا شي

مراد:اكيد يلا قايم وصلك

سلوى:لا ما في داعي

مراد:في داعي و نص

و نحن على الطريق بالسيارة،بادر مراد بالحكي

مراد:شو عم تشتغلي هالايام؟

سلوى:ولاشي،كنت عم اشتغل و تركت الشغل

مراد:ليش تركت الشغل عند اياد ؟

اطلعت فيه و انا متفاجئة

سلوى:مشالله سندس ما تاركة ولا تفصيلة عننا و الا حاكيتا

مراد:ما دخل سندس بالموضوع ، المهم هلأ عم دوري على شغل؟

سلوى:ايه

مراد:سلوى انا بدي احكي شي و يا ريت تاخديه بروح رياضية ،انا ما بحب البنت تشتغل لانو ممكن تتعرض لاي مدايقة او تحرش من مدير الشغل مثلا او زميل الها

سلوى:اممم بس انا لحمدلله ما تعرضت لهيك شي ابدا و بعرف حط كل حدا عند حدودو اذا تمادى

مراد:اممم ما عندي شك بهالموضوع

اطلع فيني و رفع حواجبو بطريقة مستفزة و رجع اطلع لقدام

مراد:يلي بدي قولو انو انتو اولاد عمي و مسؤولين مننا انا و اخواتي و خاصة هلأ بعد قصة سندس ،مستحيل اترك اختي تعيش هيك و نحن موجودين

سلوى: ما تخليني اندم انو انا حكتلك هالشي

مراد:ما رح تندمي بس اتركيني قوم بواجبي و لو بطريقة غير مباشرة يعني بدون ما الفت نظر سندس

سلوى:يلي بدك تقدمو قدمو لاختك بس ما الي و لا لسحر؛نحن ما بحاجة

مراد:انتو و سندس بنفس المقامة

سلوى: شكرا الك بس معلش انا هيك بكون مرتاحة وقت بشتغل و بعيش من شغلي

مراد:طيب طيب نحن عم نتناقش ما في داعي لكل هالعصبية

سلوى:لا انا ما عصبت ،انا بعدني رايقة

وصلني على البيت و نزلت من سيارتو انا و عم تافأف

سلوى:يالله كانو انا ناقصتك كمان

فتت على البيت و نطرت سندس ،اجت بعد ساعة ،ما حكيتا ابدا بس ارتاح قلبي شوي ،اتصل فيني مراد المسا ،فتت على غرفتي لحكيه بالهمس

سلوى:خبرتو لراجي؟

مراد:ايه ،خبرتو وخبرت العيلة كلها هيك افضل ،امي انقهرت و فاتت على غرفتا و راجي جن و صار يبكي و طلع من البيت،بقا االيوم شكلو ما رح ينام بالبيت ،ما في مشكلة بكرا بكون احسن و بتقبل الموضوع

سلوى:ايه لحمدلله ،هم و انزاح بس يا ربي كملا للاخير و تمرق هالقصة على خير

مراد:انشالله

سلوى:طيب انا رح سكر هلأ و بكرا رح تروح سندس لحالا على المدرسة؛ما رح وصلا

مراد:اي خلص ،و بس يتقبل راجي الموضوع انا بخبرو شو يعمل

تاني يوم على االساعة عشرة لبست تيابي و فتحت الباب لاطلع دور على شغل ،طلعت بوجهي انتصار

انتصار:وليه وين غاطة ؟

سلوى:اهلين انتصار فوتي

فاتت قعدت و هي عم تعلك العلكة

انتصار:لك وين رحتي ،شو عم تشتغلي هالايام

سلوى::عم اشتغل بالدوارة على شغل ،اما شو دوام غير شكل من 9 الصبح ل 4 و انا عم افتل من محل لمحل

انتصار:يييي طب ليش تركتي الشغل ولله كان راتب منيح و مرتاحة ؟اكيد السبب امو للاستاذ اياد بس ليش هيك عملت

سلوى: المهم قليلي ليش ما انت بالشغل؟

انتصار:ولله هال 3 ايام معطلين ،مبارح كان عرسو لاياد عقبال عندي و عندك

سلوى:اياد تزوج ؟

انتصار:ايه و شو عرس يا سلوى ،شي رفع و تقيل ،نيالا صاحبة النصيب بس قالو انو بنت خالتو يعني العز ما راح لحدا غريب

سلوى:كيف قهوتك؟

انتصار:سادة ،اعمليا بسرعة ما مطولة عندي نزلة على السوق

قمت فورا و فتت على المطبخ و سكرت االباب و بكيت على الساكت ،اخر شي توقعتو اياد يتزوج و انا ناطرتو ،عملتلا فنجان قهوة لانتصار بدموع عيوني؛غسلت وجهي و طلعت ضيفتا ،حسيتا انتبهت علي و على وجهي بس ما سألتني و غيرت السيرة عن عرس اياد ،شربت قهوة و راحت و انا فتت على غرفتي ابكي ،بقيت طول نهار ابكي حتى رجعت سحر و شافتني هيك

سلوى:اياد تزوج

سحر:ييييبه هالواطي ،طلع مخبى بتيابو

سلوى:ما تحكي عليه هيك

سحر:و عم دافعي عنو ،يالله ليش هيك عمل ولله كان واضح انو بحبك

سلوى:اممم لا ما بحبني ،انا الحق علي حبيتو بسرعة و نسيت شو انا و شو هو ،انا غبية

سحر:انت ما غبية بس كلن نفس الشي؛كلن بتسلو و بقضو وقتن مع بنت و وقت يجو يتزوجو ما بتزوجو الا على ذوق امن ،بتزوجو وحدة شريفة ما الها ماضي و هو بكون الها ماضي بس ما بيعرفوه ،هيك بحسو حالن انو رجال و ما انضحك علين …خلص سلوى ما تبكي دخيل الله …بالناقص منو ،اذا ما قدر يوقف بوجه امو و يقلا انا بدي اتزوج هالبنت معناها مانو رجال و ما بيستاهلك و ما خرج تعتمدي عليه ،انت بتستاهلي تاخدي رجال قوي و قد كلمتو وقت يحبك يتحدى كل العالم كرمالك

سلوى:ولله حاسة قلبي رح يوقف من الزعل

لفتني سحر و صارت تبكي معي

سلوى:طب انت شو دخلك ليش عم تبكي

سحر:ما بعرف يمكن تذكرت قصتي مع وائل

انفتح الباب و فاتت سندس هي و عيونا حمر و منفخين و عم تبكي

سندس:راجي تركني ،انتو السبب ما رح سامحكن بحياتي

اطلعنا انا و سحر فيا و بعد ما كنا عم نبكي انفجرنا ضحك عليا

سندس(تبكي):عم تضحكو علي ،تركني و قلي بحبك متل اختي ،قال بحبني متل اختو ..يالله

راحت على غرفتا هي و عم تحكي مع حالا

سلوى:انت قومي لعندا هالمجنونة و حكيا ،هلأ هي شهادة ما وقت تكتئب و تنطمز

سحر:حاضر اليوم انا شغلتي طبطبة على المدمرين عاطفيا

سلوى:سحر عم تشوفي وائل شي؟

سحر:ايه كنت شوفو اول فترة بس بعدين ما عاد.لمحتو و سمعت انو سفرو ابوه

سلوى:ايه احسن

سحر:…يلا لروح شوف المجروحة التانية

مرت علينا ايام صعبة كتير ،سندس عذبتنا كتير لرجعت على مدرستا و دراستا و انا كانت نفسيتي محطمة بعد زواج اياد و قاعدة بلا شغل ،الساعة عشرة الصبح رن جرس البيت و انا كنت لحالي؛فتحت الباب و طلع بوجهي مراد و عبودة

مراد_عبودة:صباح الخير

سلوى:صباح النور

سكتو الاتنين و انا انحرجت و فتحت الباب شوي

سلوى:تفضلو

فاتو قعدو بغرفة القعدة و انا فتت عملتلن قهوة و طلعت ضيفتن

مراد:وينن سندس و سحر؟

سلوى:وحدة بمدرستا و وحدة بجامعتا

مراد:اي منيح

اطلعت فيه و زورتو ،تجاهلني و قام ظرف من جيبة جاكيتو و حطو على الطاولة و انا بلشت اتوتر و هز برجلي

سلوى:شو هيدا ؟

………………..