خبز الفتوت النابلسي ملكة المعجنات

المقادير

• 7 كاسات طحين
• 3 ونصف كوب ماء دافئ
• ملعقتين خميرة ك
• ملعقتين سكر ك
• ملعقة ملح كبيرة
• نص كوب حليب بودرة
• نص كوب زيت ذرة
• ملعقتين ك سمسم
• ملعقتين حبة البركة
• ملعقتين شومر حب
• 4 ملاعق زعتر ناشف
• 6 مكعبات جبنة بيضاء بلدية قليلة الملح.

الخطوات

بتخلطي كل المواد عدا الجبنة وبتعجني لحتى تصير عجينة طرية .. بتضيفي الجبنة بعد تقطيعها صغير او تبرشيها وبتعجنيها مع العجينة مزبوط لحتى تتداخل فيها.. وبتتركيها تخمر في مكان دافي.

بعد التخمير بتشكليها اشكال بمساعدة زيت الزيتون.. وبتخمريها كمان مرة.. وبتخبزي.. وصحة وهنا.