قدرة خليلية باللحمة

المقادير

• لحمة خروف
• حمص مسلوق
• ارز كبسة
• بهارات قدرة
• راسين كبار توم
• سمن بلدي
• حبة بصل
• سبع بهارات مع كركم
• ملح

الخطوات

نغسل اللحمه منيح وبعدين نفرم البصل معو شوية توم وبالطنجرة بنحط ٣ ملاعق سمنه بلدي كبار

وبنقلي البصل والتوم اللي جهزناه مع اللحمه ونرش البهارات عليهم بعدين نجيب مي مغلية ونسلق اللحمه لمدة ساعتين اخر نص ساعه بنملح

بننقع ارز بسمتي لمدة ٢٠ دقيقه

وبنفرم راسين توم فرم ناعم بمقلى صغير

وبنقليهم مع السمنه البلدية ونجيب الحمص

المسلوق نقلية مع التوم ونبهر بهارات القدرة

والكركم والملح لما يكتسب الطعم ونحط عالمقلى

عشان ما ينحرق التوم من مي سلق اللحمه

بعدين نغسل الرز منيح

نجيب طنجرة كبيرة بنحط فيها بالقاع رز وبنرش

عليه شوية بهارات ومن خلطة التوم والحمص

ونصفط اللحمه فوق الرز ونحط باقي كمية الرز والخلطة تبع الحمص والتوم

ونجيب مي سلق اللحمة ونغمر الرز فيها مع ٤ ملاعق سمنه بلدي ونستناها لما تغلي المي ونوطي تحته لمدة نص ساعه لما يستوي