منسف بالجميد ملكة أطباق فطور رمضان
منسف بالجميد ملكة أطباق فطور رمضان
المقادير
- 2 كيلو لحمه
- كيلو رز قصير الحبه
- كيلو لبن رايب
- حبة جميد
- ملح
- معلقه صغيره فلفل اسود
- هيل
- ورق غار
- حبة بصل مفروم ناعم
- زيت للارز
- سمن بلدي للشوربه
- ان وجد خبز شراك
الخطوات
بسم الله الرحمان.الرحيم
بسم الله نبدا وعلى الله الاتكال
حبيباتي الله يسعد اوقاتكم ويتقبل صيامكم وقيامكم ويجعلو بميزان اعمالكم
اما طريقتي كالاتي يا رب تعجبكم
اول شي بغسل اللحمه عدة مرات وبضعها في طنجرة الضغط وبضع عليها ما بارد لان الماء الساخن بسكر المسامات.بمنع الزفر يخرج بشكل كامل ولما تغلي المي برفع كل الزفر بالمغرفه بضيف البصل وورق الغار الهيل والملح والفل الاسود ما بكثر حتى ما تسود الشوربه بقفل طنجرة الضغط بدها اللحمه بالضغط نص ساعه حسب نوع اللحمه طبعا بكون ناقعه الجميد قبل بفتره وبحطه بالخلاط وبصفيه وبضيفله لبن رايب ومعلقتين نشا وبحركه مزبوط بالخفاقه اليدويه وبغليه مع التحريك المستمر ولما تستوي اللحمه بصفي الشوربه من الشوائب وبدير اللبن المغلي على اللحمه وبضيف شوي من شوربة اللحمه على اللبن واللحمه
وبفلفل الارز كالمعتاد وبعدين بحضر السدر الخاص بالمنسف وبضيف الشراك وبعدين الارز وبعدين اللحمه وبزينو باللوز والبقدونس والف صحه وهنا
ملاحظه …نزلت المنسف قبل هاي المره لكنه انمسح من ملفي الخاص فحبيت انزلو بهاي الطريقه المبسطه
اللهم اعنا على ذكرك وشكرك وحسن عبادتك
واجعلنا من عتقاء الشهر الكريم يا كريم
اللهم ارحم جميع موتى المسلمين واعتق رقابهم من النار
