خائن مع سبق الإصرار لجمايكا احمد
خائن مع سبق الإصرار لجمايكا احمد
.
زينة :- انا اتعبت يا خالتو وين اروح بحالي وين قليلي … …جسمي مكسر من الضرب ماعاد فيني اتحمل على الطالعة والنازلة عم يضربني ..انا ماكسرني اللي بنتي اللي عم تضرب ابوها وتشدوو عني مشان يوقف ضرب..
.
خالتو فتون :- يعني ياخالتو اذا رحتي عن اخواتك ابوكي وامك لا بهشو ولا بنشو…اخواتك راح يضربوكي ويعملوكي خادمة لنسوانهن خليكي بين اولادك …حسبي الله ونعم الوكيل هلاء بجي لعندك هلاء بجي خلص هدي حالك…
.
((لما بكون عم اقرأ قصص البنات واللي عم يعيشووه بحمد الله كتير على اللي عشتوو…وعم عيشو …انا زينة ام ل 5 اولاد اكبرهن 12 سنة واصغرهم سنتين….عمري 28 سنة ..اتزوجت وانا صغيرة بالعمر …وانا يلي وافقت اتزوج ماحد اغصبني عليه …لا اتعلمت جامعة …ولا نفعت حالي بشي صنعة…يمكن ظروف العيشة يلي عشتها هي يلي اجبرتني اتزوج اول شخص يتقدم لالي …ماهمني لا اصلو ولا همني فصلوو…من تقدملي جوزي اياد ..كان شخص مقبول نوعا ما بنظر اهلي وخاصة انو كان عم يملك محل ادوات هواتف ….انا الاخت الثانية لخمس اخوة …يعني بنتين وخمس شباب…اختي سلين اتزوجت وسافرت والله ريحها من هالعيشة…
.
.كان بيت اهلي بيت بسيط ومتواضع وكل واحد من اخواتي ماخد قسم منو ..انا كان لالي غرفة..وامي وابي كان لالهن غرفة…بيت مشترك مع اخواتي ..امي ست كبيرة ماعندها شغل حماوات ست مريضة معها القلب … وابي على طول كان يشتغل ابي كهربائي صنعتو ..
.
اخواتي الخمسة متزوجين ..وكل واحد فيهن عندو وظيفة محترمة قادرة انهن يصرفوا على ابي ويشلوه علة كفوف الراحة..بس الله وكيلكن عاقيين الوالدين ..لولا هالبيت ووجود ابي فيه اللي هو سندو كان زمان اخواتي كبونا من ورا نسوان اخوتي…كان لالي اخ اسمو …عادل..اخي عادل الله يهديه عمرو 30 سنة متزوج وعندو ثلاث اطفال ..على طول بالشغل ..واولادو على طول بحضنها لامي ..ومرتو الله يصطفل فيها على طول كامشة هالموبايل والكمبيوتر وعلى طول عزايم …وسهرات وحفلات….
.
.من اتقدملي جوزي اياد كان عن طريق مرت اخي عادل … هي اللي اقنعت اهلي فيه …لانها قبل زواج اختي سيلين كان عن طريقها …كان هدفها الاول والاخير انو يفضى البيت لالها…يعني بدها اطفشنا من البيت بطريقتها…
.
.من اتزوجت اياد حسيت من اول ايام انها حياتي رح تكون سيئة …
شخصية جدا ضعيفة ومابتحكم قدام امو…غير هيك عقليتو التعبانة وافكاروا الشاذة…كان همو بالحياة ياكل ويشرب وينام….وياخدو حاجتو بالليل بطريقة حيونة……بقيت استحمل حياتي معو كرمال اولادي ..وماعندي مكان روح لالو وخاصة من بعد ما اتهمتني حماتي بشرفي صرت منبوذة بطريقة اكبر من اخواتي ..
اياد:- ياعايبة وين كنتي طالعة ..
.
.زينة :- والله كنت بالسوق بجيب تياب للاولاد
.
اياد :- امي قالت انك صرلك من الصبح من السوق وعمتي شايفتك بشارع العودة عم تتمشي مع واحد..
.
زينة :- لا والله والمصحف الشريف لا والله هات المصحف احلف عليه كان معي اولادي الخمسة رحت جبلن تياب للمدرسة…
.
.اياد :- يعني شو امى كدابة امي كدابة ياناقصة وينوو كربااجك. وينوو…..
.
(بنتي نور عمرها 12 سنة هي البكر بين كمان 4 اولاد …كانت عم تشوف المنظر بحرقة وتبكي
.
.نور:- يابي والله انا كنت مع امي والله مارحنا لهاداك الشارع والله امانه عليك يابي لاتضربها امانه خلص حاج بكفي بكفي …انا تعبت يابي كل يوم وانت ضاربها لامي بدون ذنب…خلص اضربني انا اضربني انا…
.
.اياد :- ما انتي رح تطلعي متلها وسخة اتفيي علي هيك مرة …محبوسين اسبوع بالبيت ومدرسة مافي يلعن ابووكو ياكلاب …انا نازل عند امي اسكن وباب الشقة مقفول عليكن ان شاء الله بتموتو كلكن وبرتاح جبتولي العار….
.
.(( طبق اياد الباب علينا وقفولو باالمفتاح ..انا ماني زعلاني انو سجنى …والله اهون بكتير علينا من وجودو معنا يلي كلو هم وغم وضرب واذية …..
.
.نور :- ابوووس على ايدك امي خلص لاتزعلي …شوفي شلون وجهك من الكربااج امي انا مابدي مدرسة مابدي تياب…الله لايسامحك يا تيته على هالشي…
.
.زينة :- معلش امي معلش..اخواتك فاتو الغرفة وهلاء بكونو بالخزانة متخبين من الخوف قومي امي احضنيهن وطمنيهن قايمة اغسل وجهي من الدم …
.
.
.
.
الجزء الثاني …
.
.
.(( كان هاد الحال يتكرر على طول مشهد صغير من المعاناة اليومية مع جوزي اياد ..بنتي نور يلي كنت عم شوف حالتها النفسية عم تصير للاسوء بسبب يلي عم تشوفو من ابوها ودار جدها….
.
.
اياد :- اسمعي ولي زينة ..خدي بنتك واطلعي انقلعي عند اهلك مش طايقك بالبيت مش طايقك….
.
.زينة :- ليش شو عملت انا شو عملت …شو ذنبها نور لتعمل فيها هيك…
.
.
اياد :- شو شايفك اشتقتي للكرباج اليوم مارقص على جلدك ..
.
.نور :- امي تعي نروح على تيته والله هلاء اشتقت لالنا…
.
.زينة :- رح اخد كل اولادي معي…
.
.اياد :- خديهن كلهن بوابة جهنم مفتوحة …شو كرهتوني عيشتي …
.
(( اخدت اولادي ورحت لعند اهلي …امي ماكانت تستغرب من علامات الضرب بجسمي ..بس انا من كنت اشكيلها همي يرتفع عندها الضغط والسكر وقلبها يتأزم ماعدت احكي او اشكي شي…وابي المسكين على اللي بجمعو بتصليح هالادوات ما بجيبو لالمي فيهن حق دوا …ومن اروح لعندن انا واولادي بنصير ضغط عليهن ..وبتبلش منه وعيرة مرت اخي عادل نادية ……
.
.نادية :- اهلين شوو العيلة كلها عنا شو كم يوم حابين تبقو عنا ياماشاء الله مشان نعرف كم نجهزلكن مصروف للاكل…
.
.زينة :- شكرا مابدنا نتعبك..
.
.نور :- مرت خالي حابة اقلك شي …انتي اهتمي باكل اولادك بعدين احكي لالنا شو بدنا…وشكرا مابدنا منك شي
.
.زينة :- امي هشش مابصير..
.
نادية :- ياعيب الشووم مانك مرباية هلاء انا بورجيكن …..
.
.(( اطلعت نادية لاخي عادل لتشكي لالو من تصرف بنتي ونزل اخي يركض على الدرج ليحاسب بنتي مشان اتعدت على سمو جلالة الملكة…
.
.عادل :- شووو اختي انا ناقصك انتي وبنتي انا برجع من الشغل تعبان كل مابدك تجي لهون بدك تعملي طنه ورنه …
.
.زينة :- والله ماطلعت مني شي حتى اسال امي…
.
امي :- يا امي الله يرضا عليك خد مرتك واترك اختك بحالها بكفيها اللي فيها…
.
.عادل :- هاد مافوووق ماهي مرتي جاي تسال شو رح تطفح بنتك واولادها هيك بتسمعيني …
.
نور :- خالووو مرتك جاي اتمننا بطبق اكل نحنا مو جوعانين نحنا جايين لعند جدو زيارة وراجعين ونحنا اكلنا بالبيت وامي معها مصاري تشتري لالنا اكل ..
.
.عادل :- بعرف مانك مرباية متل اللي خلفتك بس بسيطة …
.
نور :- انا مربايه خالووو بس هي مرتك اللي مانها مرباية…
.
عادل :- شووووووووو يا قليلة الادب تعي هون انا خالك وانا رح ربيكي…
.
.زينة :- اذا بتمد ايدك على بنتي ماينوبك خير فهمان انا ماني هربانة من القرف والضرب لتجيني انت تكمل عليه…
.
(( بلش اخي عادل يضربني مشان يرضي مرتو اللي كانت واقفة وعاملة حالها زعلانة …حسبي الله ونعم الوكيل فيها حرباية درجة اولى…على صوت الصراخ اجو بقية اخوتي ..اللي بلشو يضربوني وكملو عليه….بالضرب لعند ما عضم جسمي تكسررر….امي يومها على الضغط عليها واخدوها ع المشفى وانا الحقتها كانت ايدي مكسورة …..من بعد هاد الوضع
.صار مد الايد من اخواتي عليه سهل ……
.
.من بعد يلي صار في امي ماعدت اشكي او احكي شي لالها او لابي …خالتي اختها لامي ساكنة قريبة مني هي الشخص اللي كان يهون عليه على طول …كنت دايما افضفض لالها وتقلي شو اعمل….من ينقصني شي هي كان تجيبو لالى وتعوضني فيه….
.
.كانت يوم بعد يوم تجي لعندي تخفف عليه همي…وتصبرني على اللي انا فيه….
.
وبالنسبة لجوزي بلش اخر فترة معاملتو السيئة لإلي تقل ماعاد يهتم اذا كنا عايشين او ميتين …كان على طول بشغلو..ومن يرجع يفوت غرفتو التانية يلي فيها فيها مكتب واجهزة وسرير كان يبقى فيها بالايام على الانترنت …. كان هالانترنت شاغل شغلو الوحيد وماكنت اعرف شووو فيه جديد مخبى لالي….
.
.
.((تك ..تك.تك..
اياد :- هااااا مين
.
.زينة :- انا زينة …
..
اياد :- شو بدك ماني فاضي لالك مشغول…
.
.زينة :- لاء مابدي شي بس بدي روح اشوف امي طل عليها
.
.اياد :- اهاا عند امك ماشي انا بكرة بوصلك
.
.زينة :-بدك توصلني غريبة ليش…
.
.اياد :- اها وين الغريب بالموضوع رايح شوف عمي ومرت عمي فيها شي …
(( غريبة انا بتذكر من 12 سنة سيارة جوزي ماطلعت فيها 5 مشاوير وكان يكره زيارة اهلي …المره هاي هو يلي بدو يوصلني غريبة …
.الجزء الثالث :-
(( جهزنا حالنا لنطلع مع جوزي كان وجهوو بشوش وهاي من الحالات النادرة اللي بنشوفو هيك…
.
اياد :- اسمعو ياولاد بدي اياكن مؤدبين تكونو ماتعملو صوت عند دار جدكن…
.
#زينة :- هني مؤدبين وشاطرين…
.
#اياد.؛-لا انا خاصة بحكي عن نور لان عرفت حركاتها مانها منيحة هونيك وما بتحترم حد…
.
#زينة :- شلون عرفت وانت اساسا مامعنا بالمرة…
.
#اياد:- ليش شايفتيني مغمض وماني بالدنيا خلص سدي بااجوئك ..نازل جيب هدية ….ماحلوة انروح ادينا فاضيين …
((طلع جوزي وجايب هدايا بحياتو ماعملها …..
.
.#اياد :- اكمشي هاد كيلو التفاح لدار ابوكي….
.
#زينة :- لمين علبه الماكنتوش …
.
#اياد:- لدار اخوكي اياد …رايح اقعد مع اخوكي في بينا شغل …
.
#زينة :- اهااا ماشي …
.
#اياد :- شو مانو عاجبك بشووف بدك اتنكدي علينا المشوار…
.
((وصلنا لعند اهلي كنت متوقعة يفوت اياد يسلم على امي وابي ..بس طلع دغري لعند اخي عادل …وبقي بالساعات..فووق…وبالصدفة اخي كان جاي من برا…استغربت…
.
.#زينة :- مرحبا عادل وينو جوزي اياااد
.
#عادل :- اهلين ماشفتو…
.
#زينة :- شلون ماشفتو هو من وقت عندكن فووق قال في شغل بينكن…
.
#عادل :- عنا فووق طيب ماااشي…
((انا ماعجبني الحال واطلعت مع اخي عادل على بيتو ..ومن طلعت لقيت مرت اخي على متهندسة ومتلبسة ..وكانها رايحة فرح وجوزي كان منشكح ومبسوط….
.
#اياد :- اهلن بابن حماي وين ياراجل صرلي وقت ناطرك ومرتك قالت ع الطريق ..
.#عادل :- اهلين صهري عاش من شافك اي خبرتني مرتي مشان موضوع الشغل…
.
#اياد :- شووو زينة مابدك اضيفينا شي …
.
#نادية :- ولو يا اياد تكرمي هلاء بتعمل زينة شاي
.
#زينة :- انا تحت عاملين غدا وشاي عم ننطرك مابعرف شي ببيت اخي عادل مشان ضيفك واهلو موجدين ..
..#اياد :- اها ماشي ….
.
.(( نزلت تحت وانا نار بتغلي بجسمي جوزي بدو اياني لفاية ببيت نادية …بسيطة الله كريم…
بقيت تحت للمسا وجوزي فوق مانزل لعند مابعتلي رسالة على موبايلي …
.
#اياد :- انا بالسيارة ناطرك…
.
.#زينة :- مابدك تفوت عند عمك كنا ناطرينك
.
#اياد :- لا تعبان بدي لحق روح ارتاح…
.
.#بابا :- شو يابي جوزك مانو جاي…
.
#زينة :- لا يابي ..قال تعبان…
.
#نور:- جدو انت زعلان شي …انا مبسوطة انو ابي ما اجا هون…
.
#امي :-ليش ياتيته بتحكي هيك هاد ابوكي…
.
#نور:- انا ياتيته برتاح من اجي لهون ومابدي يجي هون يخنقنا لا تزعل جدو …
#بابا:- دخيل هالقلب اللي عليكو جدو انتي اغلى حفيدة عندي هااتي الصندوق يلي بهاداك الدرج…
#نور :- حاضر جدو…شووو هاااد يالله شو بجنن هاد اسمي نوور
.
#بابا :- اي جدو هاد انا عملتو لالك باسلاك النحاس وهاي فضة شو رايك جدو حبيبي…
.
#نور :- انت احلى جد بالكون…
.
#زينة :- يالا يانور هلاء ببلش ابوكي يصرخ….لازم نطلع برا…
.
(( اطلعنا من عند اهلي ورحنا على البيت اللي اول ماوصلنا فااات على الغرفة ….وقفلها…وبلش يفتح اغاني رومانسية…معقول لالي هالشي معقول جوزي عن يتغير …نامو اولادي وانا بعدني عم فكر باللي صار اليووم ….
.
.
.الجزء الرابع :-…..
.
.
.(( وانا قاعدة بغرفتي عم استغفر ربي ..اسمعت صووت حركة بالبيت ..استغربت مين ياترى رح يكون فايق من الاولاد طلعت من غرفتي وصنتت للصوووت كان جوزي عم يتحرك بالبيت وعم يحكي تلفوون بهمس ..مافهمت و عم يقول..غير ياحبيبتي ياعمري هاي اللي فهمتو من همسو بالمكالمة….
.
اي جوزي عم يخوني..انا كلمة حبيبتي منو ماكنت اسمعها الا عند حاجتو بالليل…وبالسنة مرة …شووو قصتو متغير …وعلى طول على الانترنت …نمت وانا حاسة انو في شي شاغل بالووو…
.
#اياد :- شوووو بعدك ناايمة وين قميصي الازرق …
.
.#زينة :- صباح الخير … بالخزانة …
.
#اياد :- ليش مانك كويتيه …شووو العن اللي نفضك على الصبح …
.
#زينة :- هلاء بكووويه…مانها عادتك تطلع بكير ….
.
#اياد.:- مين انتي لتحاسبيني قومي انصرفي …
.
#زينة :- حاضر خلص وطي صوتك هلاء الاولاد بفيقووو يبكووو…
.
#اياد :- بلشت اتجووح وتنووح …الله يصبرني ع هالعيشة……
.
.((طلع جوزي من البيت بعد ما كان متعطر ولابس على اخر موديل …حركاتو ولبسو وشكلو..متغير على الاخر ..رجع العصر وكان شاري احسن تياب واغلى لبس من كترهن حتى هو ما كان حسنان يحملهن …بعد شوي نقل خزانة على غرفتو وبلشت يصفط ويرتب اغراضو فيهن …..
.
.#اياد :- شووو مانك حابة تروحي تزوري اهلك..
.
.#زينة :- لا البنت عندها بكرة امتحان بدي ساعدها بالدراسة …
.
#اياد.:- وليش عم اتعبي حالك…كمان سنتين بدها تزوج …
.
#زينة :- لا مابدي تعيد عيشة اللي انا عشتها..خليها تتعلم ووتاخد شهادة تنفعها وتكون سلاح لالها…
#اياد :- شووو يعني ماعجبتك عيشتك …احمدي الله اني جابرك وحاطك ببيت …
.
#زينة :- اسمع انت مانك جابرني ببيت ..انا متحملتك صرلي 13 سنة…وماشفت منك يووم خير اللي بعمري هلاء بفكروا بزواج صار عندي 5 وصابرة ..بنتي صارت بطولي وصابرة اللي بشووفني بقول عني ب 40 ارحمني كبرتني من الهم تبعك …هيك مانك سائل عني بشي …عم تتخزن بالغرفة بالايااام وعايش حياتك عم تطلع وتسهر وتلبس وتنبسط عاملني متل اللفاية عندك… وبنات الناس عم تهتم فينهن وبتحترمهن…
#اياد :- شوووو قصدك ولي شووو قصدك طلعتني من تيابي وينووووو الكرباااااج يلعن اللي نفضك ويننوووووو وهااااا وهااااا انتي بس عيشتك تحت العصااا انتي لازم تصبغي وتنجلدي كل يووووووم …لك انتي لازم تطلقي انا صابر على قرفك عمر….انتي طالق زينة انقلعي عند اهلك…..
.
.((بعد ماشبعني ضرب طلقني اياد ..وقمت وانا عم جر جسمي جر …ضبيت تيابي وجيت اخد اولادي ماقبل….
.
.#اياد :- انقلعي من دووون الاولاد…
.
#زينة :- لا الا اولادي مابطلع من دونهن…
.
.#نور :- امي بدي روح معك لاتتركيني هوووون الله يخليكي …
.
.#اياد :- يااااااالا انقلعي يااااالا …
.
.((شدني اياد وكبني من تيابي بالشارع وقفل الباب وبلشت اسمع صراخ بنتي نور واولادي وكانهن بينضربو ..صرت اترجا اللي عم يمر جنب البيت يساعدو اولادي ماحد رد….اطلعت لعند اهلي وخبرتهن باللي صارر…ابي بقي طول الوقت زعلان ومهموم….
.
.
#بابا :- خلص ماعاد ترجعي يابي
.
#زينة :- واولادي يابي اولادي …
.
#بابا :- اولادو محملين عليه …انتي بنتي مافيني اتركك ترجعي لواحد حيوان متل هاد انا ماني تعبان بلقمتك …
.
#زينة :- ماكاسر ضهري الا هالطفلة نورر ماشافت هنا بحياتها شلون رح تقدم امتحان بكرة ……
.
(( مر بوجودي عند اهلي اسبوع وانا عم اتحسر على اولادي …واياد لا رجع حكا اهلي ولا شي…اللي كان موتني هي نادية …جدا كانت شمتانة وفرحانة باللي صار معي ..وعلى طول تحت قاعدة عند اهلي مشان تصنت لاطراف الحكي …..ومن يطلع اخي من البيت ترمي اولادها عند امي وتطلع مشاويرها اللي ماكانت تخلص وكل يوم مشوار ولبس شكل….
.
#زينة :- امي انا اليوم رايحة اطمن على اولادي واشوووفهن بمدارسهن…
.
.#امي :- طيب يا امي ديري بالك ع حالك…
.
((اطلعت لاسال عن اولادي بالمدرسة ..خبروني انهن صرلن اسبوع مابيجوو …ومن وصلت مدرسة نور…سالت عنها قالت انو اجا ابوها فصلها مشان تعتني باخواتها …انهرت بالمدرسة وانا عم ابكي على حظ هالطفلة …ياريتني بقيت بالبيت واتكمشت فيه ولا اطلعت ياريتني اكلت الشوك وماحكيت …رح مستقبل بنتي …قعدت مع المديرة اللي قالت…
.
.
#المديرة :- لا تقلقي التعليم الزامي واجباري على الاطفال بهيك عمر ..وانا رح احكي مع محامي وزارة التعليم ورح يرجع البنت نور لدراستها ….
.
#زينة :- يعني بنتي رح ترجع لدراستها معقوول …
.
.((وهاد يلي صار اجبروا ابوها يرجع البنت للمدرسة….ويوم ما رجعت…اتصلت عليه المديرة…
.
.
#المديرة :- ام نور البنت رجعت الحمد لله …اذا بتحبي تعي على المدرسة احكيها ….صحيح نسيت خبرك….هو طلب منا مانخليكي تحكي معها ..بس انا مارح وافث لهيك دقيت عليكي …البنت وجهها تعبان ونحفانة ومصفرة وباين الحزن عليها ….
.
.
#زينة :- ياربي يالا هلاء جاي…
.
.
.
.الجزء الخامس :- ..
اخدت حالي وبسرعة لاروح شووف اولادي قبلتهن ورحت على طول لعند نور…بنتي نور كانت قاعدة ببنكها بالصف سرحانة ..ومانها مع المدرسة ..من قربت عليها …ملامح وجهها حزينة وتعبانة حتى اديها مهريين من الجلي ….
.
#نور :- امي اشتقتلك … امي اعملي المستحيل وارجعي على البيت والله تعبت بين اخواتي ..واذا اتاخرت على شي ابي بيضربني ..وشوفي ايدي من مواد التنظيف ..امي على طول بالغرفة ..عم يحكي مع حبيبتو …
.
#زينة :- حبيبتو
.
#نور :- اي امي اسمها ندوش وعلى طول عم يتغزل فيها وبفوت الحمام بضلو يحكي معها وهو عم ياخد دووش
.
#زينة :- العما قدامكن …
.
#نور :- اي امي والله ابي ماخلاني روح المدرسة …ومابعرف اجبروه يرجعني ..بس امي والله مابنام اخي مهند مابنيمني مرضان امي وابي ولا عبالو …بيلبس وبيطلع دايمااا.وبتركني لحالي بالبيت ..شوفي رجلي ..انحرقت امي انكب عليه الزيت وانا عم اطبخ مشان ياكلو امي تعبت دخيلك امانه ارجعي …
.
#زينة :- اخ يا امي رح ارجع ..حسبي الله ونعم الوكيل ماعرفتي مين هاي ندوووش …
.
.#نور :- لا والله امي ماعرفت ..مكسور خاطري عليكي ابي باعك بسهولة ….طول الوقت بضلو يقلي ياوسخة يابنت العاهرة رح جبلكن وحدة تربيكن ع قريب…
.
#زينة :- الله يقطع لسانو يارب …كل يوم امي رح اجي لعندك على المدرسة ورح جبلك اكل ..بس انتي حطيه بالميكرويف من ترجعي وطعمي خواتك لشوف شلون اجيبكن ..لعندي ….
.
.(( اطلع من مدرسة بنتي وانا طول ابطريق ودموعي مانشفووو عم ابكي بحرقة وقهر واللي عم يشوفني بالطريق عم يفكرني انجنيت …ارجعت على البيت …لقيت اخي عادل ناطرني …
.
#عادل :- شوووو اختي اطلقتي وبدك ادوري على حل شعرك…
.
.#زينة :- رحت شوف اولادي …
.
.#عادل :- وشلون بتطلعي بدون اذن ولا مفكرة نحنا بلا شرف انضبك …
.
(( كلمة مني وكلمة منو بلش السب والغلط بينا وكعادتو اخي مد ايدو عليه وعلى صووت امي وهي عم تقول الله يغضب عليك الله يغضب عليك…بالمسا اخي نزل وحامل شنتة سفر…
.
.#عادل :- امي اغضيي عليه ضلك اغضبي مشان وحدة بلا شرف ..انامسافر اسبوع يارب يرجع عقلك انتي وابي لراسك ….
.
.#امي :- روح امي الله لايسامحك انت ومرتك…
.
#عادل :- ضلك كل مابصير شي احكي انت ومرتك …
.
.#امي :- اسمع بدك تسافر خدها هي واولادك معك انا ست كبيرة ومريضة وماني خدامة اطفال بدل ماتطلع وتنزل وبالشوارع عم ادور خليها تقعد لاولادها شوف حال اولادك شلوون …وجلي تحكي عن اختك …ماعم تشاطر الا ع اختك …
.
(( طبق اخي الباب وطلع بعد ما امي سمعتو كلمتين …بعد ساعتين دق باب البيت اطلعت افتح كانت وحدة …
.
#زينة :- اهلين عم تسالي عن شي…
.
#مجهولة :- انا البيبي ستر للمدام نادية …
.
#زينة :- اها اتفضلي فووق …
.
.((بعد شي نص ساعة نزلت نادية وهي لابسه على اشيك شي وبالاحرى لابسه قصير لبس مستحيل بيوم تكون لابستو وتطلع فيه مع اخي…
.
#زينة :- امي مرت اخي طالعة هلاء …
.
#امي :- وين طالعة غرابة البين بهيك وقت ماسدقت يسافر جوزها مشان تطلع اخدي ولادها
.
#زينة :- لا امي مانو اخدتهن اجت بيبي ستر هلاء …..يالا امي رح نام هلاء عندي بكرة مشاوير بدي روح اطمن على اولادي …
.
(( تاني يووم فقت بكير مشان اطلع ع المدرسة الا باب البناية فتح …استغربت مين بهيك وقت ع بكير بكون اجا..طليت من شباك الغرفة كانت مرت اخي …
.
.
.#الجزء السادس …
.
((كانت مرت اخي مانها راجعة الا هلاء ع البيت …العما شكلها سهرانة كانت برا طول الليل …الله يهديها مو حرام تترك اولادها لحالن هيك…وانا يلي بتقطع ع اولادي …بدي روح هلاء اطمن عليها…اطلعت لعند اولادي اطمنت عليهن ووصلت لعند نور مشان احكيها .
.
.#نور :- امي امي تعي تعي مصيبة يا امي …
.
.#زينة :- شو في امي خوفتيني اخوكي الصغير صرلوا شي ….
.
.#نور :- لا امي مرت خالي عادل مرت خالي عادل نادية امي مو عرفاني احكي…
.
#زينة :- شووو قولي رعبتيني مالها هالغرابة البين…
.
#نور :- امي بالليل فقت على حركة وصوت ضحكة ببيتنا…حاولت اعرف من مين لقيت مرت خالي عادل قاعدة على حضن ابي بغرفتوو …وكانت لابسه فستان قصير خجلت من شفتا…
.
#زينة :-
.
#نور :- امي شو صرلك عم احكيكي امي خايفة…مرت خالي عادل هي والله متاكدة انتي مرح تكدبيني مااا…
امي جاوبيني وين صفنتي…
.
#زينة :- امي شافتك هي شافك بيك …
.
.#نور :- لا ماشافتني ابي قفل علينا بالمفتاخ ونحنا نايمين بس انا لقيت المفتاح التاني وطلعت من الغرفة …امي خايفة انا شو اعمل مرت خالي بحضن ابي…سديقني امي مابكدب وااله
.
#زينة :- مسدقتك امي مسدقتك انا مابستبعد شي عن مرت خالك .وابوكي …بس المصيبة شو اعمل انا اذا صار شي وعرف خالك يمكن نحنا كمان نروح فيها ..لازم لاقي طريقة نطلع من هالمصيبة ويصطفل ابوكي ع خالك المهم انتو يا امي ..اسمعي خدي موبايلي وانا بدقلك من رقم ستك …من تجي لعندكن مرة تانية خبريني ..اعملي حالك مابتعرفي شي اتحملي امي هالفترة بس لاعرف الطريقة المناسبة ..لنطلع من هالمصيبة ….
.
#نور :- ماشي امي ماشي
.
.#زينة :- خدي امي هاد الاكل اتغدوو..وانتبهي لدراستك اهم شي ومن ترجع مرت خالك لعندكن دقيلي وانا بدي ارجع هلاء اعرف شو اعمل …
.
.
((اطلعت من مدرسة بنتي وانا قلبي عم يدق خووف ضايعة مو عرفاني شو اعمل مصيبة هاي يلعنو الحقير عم يخون مع مرت اخي مع الحقيرة …اكيد في وراهن شي قصة ..من اول ايام زواجي منو وهو كل كلامو كان عنها …وهو ما اجا الا عن طريقها …وكانت تنقهر من تشوفني قاعدة جنبو ..اكيد في شي اكيد اكيد ..يارب ماعدت افكر صح ماعاد عقلي عم يجمع شي ..الحقير عيشني عمر كامل بعذاب بسبب علاقتو مع مرت اخي …ونادية الكلبة كانت اتذلني مشان اياااد …اخ ياحظي اخ …راسي صارت توجعني اضعاف بدي فضفض اللي بقلبي ..
.
من وصلت ع البيت …
.
.
#زينة :- امي موبايلي وينوو
.
.#امي :- هيو امي ليش موبايلك في شي…
.
#زينة :- موبايلي اعطيتو لبنتي نور مشان ضلي اطمن عليها ..وانا زهقاني بدي روح عند خالتو فتون…
.
.#امي :- خديني معك والله اشتقتلها واليوم اخوكي جاي عادل ومابدي قابلوو قلي ابوكي الصبح قالةعامل مفاجئة لمرتو ولاولادو ماحد يخبرهن …
.
.#زينة :- بدي روح جيبها لعنا …بدي اياها بشغله…
#امي :- ماشي يا امي ديري بالك ع حالك
.
.(( وصلت لعند خالتوو فتون وبلشت اشكي همي وووجع قلبي ومشان هي مثقفة شوي ممكن تحسن تساعدني …
.
#خالتو فتون :- حسبي الله ونعم الوكيل الشرف صار سهل عند الناس شو صرلها هالعالم ..المهم خالتو بدل قعدت البيت لقيت لالك شغل بمؤسسة وحكيت لالك معهن شغلة تنفعك
.
.#زينة :- بشو خالتو ثواني خالتو هاي بنتي بدق عليه …اي امي قليلي طمنيني في شي…
.
#نور :- امي امي انا اسمعت حديث لابي اليوم جاي يقضي الليلة والسهرة ببيت خالو عادل ….
.
.
.#زينة :- شوووووو لا هيك كتييير مصيبة مصيبة … اخي اليوم جاي الله يلطف الله يلطف ..
.
.
.الجزء السابع :- ..
.
#خالتو فتون :- شوو يازينة مالك عم تمتمي يابنتي شو صرلك هيك وجهك اصفر واختلف…
.
#زينة :- مصيبة ياخالتو الحقيني شوو اعمل ..
.
#خالتو:- يالطيف هو في باقي مصايب اكبر من يلي انتي فيه..
.
#زينة :- خالتوو بنتي نور دقتلي بتقلي انها سمعت ابوها رايح لعند نادية يقضي ليلتو..والمصيبة انو اخي امي اليوم خبرتني انو جاي مفاجئة..
.
#خالتو:- يارب يارب شو هالمصيبة شو هالجراة والحقارة شلون بدو يفوت بيت فيه ناس عايشين .يارب يارب مصيبة لو اخوكي اجا وشاف طليقك مع مرتو والله بقتلهن بمطرحوو..
.
.#زينة :- خالتو قليلي شو اعمل اذا ابي وامي شافو اللي صار والله بفقدن ..واولادي اذا هاداك انجن بروحو فيهن…
.
#خالتو :- اسمعي يازينة امك رح اعزمها هي وابوكي اليوم لعندي…واولادك ببعت ابني فادي يجيبهن…دقي لبنتك خبريها…
.
#زينة :- يالا ماشي …. نوور الوووو ماما سامعتيني …حبيبتي اليوم جهزي خواتك …رح جيبك انتي واخواتك لعنا…
.
#نور :- بس ابي من يطلع بقفل علينا الباب..
.
#زينة :- بالباترينا جنب الثلاجة في فنجان اخضر فيها مفتاح الشقة نسخة ..انا مخبيتوو..من دقلك امي بتطلعي في شاب اسمو فادي ابن تيته فتون …بتعرفيه رح يجي ياخدك من دقلك لا تتحركي من البيت ولا تخبري اخواتك بشي ……
.
.#خالتو :- وانا رح روح هلاء جيب إمك وبيك لعندي بلا تصير قدامهن مصيبة ويصير معهن شي ..
.
.#زينة :- خالتو والله كنت خايفة كتير من تصير امي وابي هون واولادي رح ارتاح اكتر انا خالتو مارح فوت اللي بدو يصير من قدامي لازم روح لازم كون بالمقدمة…
.
.#خالتو :- الله يصبرك ياخالتو انتبهي على حالك…
(( كنت مستعجلة روح اقعد بالبيت وراقب طليقي وراقب شو رح يصير يمكن اجا وقت الله ياخد حقي منهن كلهن ….وصلت على البيت…
.
#امي :- امي رايحين عند خالتك فتون عازمتنا انا وابوكي تعي معنا غيري جو..
.
#زينة :- لا امي بدي نام وارتاح اطلعو انتو ….
.
#امي :- والله علي امي مابدي اطلع بس مابدي قابل اخوكي بالمرة …وانتي لاتفتحي الباب من يدق
.
.((.طلعوو اهلي من البيت …وانا طفيت كل شي وسكرت كل الشبابيك ..صليت لربي وبلشت استغفر ليطلعنا ربي من هالمصيبة …كانت تمر على اوقات روح خبر نادية او اياد بانو عادل جاي…بس مش ذنبي همي كسروني ..حسبي الله ونعم الوكيل …بقيت قاعدة انطر شو رح يصير ..لعند ما سمعت انو الباب فتح بسكوووت ….شوي شوي …بلشت اطلع من خرم مفتاح شقة اهلي …كان المصيبة الاولى هو اياد اللي عم يطلع ع مهل وقبلي على حرقة ونار …دعيت الله انو مايصير الا هو كاتبو خير…بعد ما طلع اياد لفوق مرق عليه ساعة …واتنين …انا سمعت صوت سيارة اخي عادل وصلت ومشان خفف عليه دق الباب…قمت فتحت باب البناية من الانترفون من عندي…ودقيت بسرعة لخالتوو…
#زينة :- خالتو خلي فادي يطلع ياخد الاولاد رح دق ع نوور ..وابعتلي شادي لعندي خالتو …اي اي وصل من ساعتين ..وعادل علاء وصل…الله يجيرني من مصيبتي
.
.
#خالتو :- انتبهي خالتو اذا صار شي دقيلي …
#زينة :- الوووووو نوور امي جاهزة اطلعي ابن تيته فتون تحت روحي امي لعندهن ..تيته وجدو هونيك لا تخافي انا جاية …
.
(( قفلت الموبايل من هون ودقات قلبي ..عم تركض ركض …اخي بلش يطلع ع الدرج ….وكل خطوة بخطيها حاسستها ساعتين …اه ..يالله..
.
تك تك تك…امي امي يابي يابي …
.#بهمس
((ياربي مانن هون روح بسرعة فوق روح اخي رووح فووق الله يستر…..وصل اخي لفووووق
.
.
.#الجزء الثامن …
.
.
(( يااربي ليش صار هدوووء …صرلو اخي دقيقتين واصل لفووق ……يارب طول ماصار شي …
.
.#نادية :- الحقوووووووووووني …بترجاك والله والله مالي ذنب بترجااااااك ابوووس على ايدك بترجااااااااك الحقني ياناااس …
.
#عادل :- يارب مش مسدق شووو هاد مرتي بحضن طليق اختي مرتي عريااانة …
.
(( اطلعت بسرعة لفوووق …كان ايااد غرقان بدمووو..اخي طاعنو بالسكين … ..كانت السكين غارسة ببطن اياد …
.
وقفت مصدومة من يلي شفتو جوزي او طليقي عريااان على الاخر…ونادية كمان …واخي متل الثور الهايج ..عم يكسر ويضرب …ماتوقعت هيك يصير …قربت لعند اياد وانا عيوني بيدمعو شوي شوس بس سخنين بيحرقووو الدمعة متل مية النار بتوووجع …اخي وقع ع الارض وعم يبكي ويضرب بحالو …ونادية لازقة بالحيط عم تترجا اخي ما يقتلها .. وجوزي اللي كان ينزف بدمووو…ويطلع فيني ومادد ايدو مشان ساعدو ..قعدت بنصهن ….وحكيت بحرقة ووجع…
.
.#زينة :- انا ..انا …بشوو اذيتك يا اياااد بشو قصرت معك بشو ظلمتك او بشو غلطت بحقك..انت كم مرة عاملتني كمرتك …عامتلني كبنت مسكينة مظلووومة…اولادك بنتك اللي دوقتها انت مرارة العيشة بشووو اذنبت ..شووووف حالك شوووف لوين وصلت دمك النجس بكل مكان…انت زاني .عارف شووو… انت زاني …مجرم بحقي وحق اولادك
.
#اياد :- ساعديني الله يخليكي ساعديني اطلبي الاسعاف …
.
#زينة :- اساعدك ليشش هيها موجودة قدامك هدمت بيتك او مابعرف ليش خليها تساعدك عريانة متلك…شوف منظرك ومنظرها…كم مرة ضربتني واترجيتك توقف ضرب ..كم مرة بنتك باست رجلك لتوقف ضرب ورفضت …كم مرة اترجيتك تساعدني من بعد كل ضربة وتكسيرة جسم ……
.#اياد :- انا غلطان سامحيني بترجااكي …
.
#زينة :- مابدي تترجااااني مااابدي نسيت من اتهمتوني بشرفي وانا احط ايدي ع المصحف واحلف الف مرة وانت ماسدقتني …وانت اخي شوفت مرتك شو عملت ياعار عليك…كم مرة ضربتني مشان ترضيها عارف شووو هاد …هاد من كتر ما قلت حسبي الله ونعم الوكيل يمهل الله ولا يهمل …..اذيتني يا اخي لك انا كنت اتمنى لاقي اخ يسندي انا ظهري انكسر واتعذبت من ورا هالشخص وانت شو عملت كنت تزيدها عليه وتضربني وتسمعني حكي …بتذكر من قلتلي ياعايبة يلي بتلفي على حل شعرك..ومرتك اشرف مني….شوووف حال الشرف لوين وصل .. انا بعرف كل هالشي وبعرف بقصة مرتك ..بس بعرف مارح تسدقني ..حبيت تجي تسمعها وتشوفها بعيونك…
.
.((اخي قام من محلوو وكمش نادية من رقبتها كان بدو يقتلها…
.
#عادل :- اسمعي يازانية بدك تحكي كل شي من اول لاخر ….كل شي…
.
#نادية :- ابووس ع ايدك شو مابدك خدو مني بس لاتفضحني امانه لا تفضحني طلقني وحتى ع الاولاد وحقوقي بتنازل ..بس ارجووك لا تقتلني
.
.#عادل :- احكي بسرعة بسمعك ولا اقلك لازم سجل كل شي ..لاسمعو لاهلك مشان بكفي ضغط عليه…
.
#نادية :- بترجاااك بلاها…
.
#عادل :- خلصي لاخلص عليكي …
.
#نادية :- 😢
.
(انا كنت بعرف اياد من ايام الجامعة كنت مر على محلو لاطبع ورقي …كنت احبوو كتير…وهو كان يحبني …بس اهلي رفضووه كتير ..ومن انت اتقدملي جبروني عليك ..وانا ماحسنت اتخلى عنو..قلتو بجوزك اختو …وبضلك قريب مني …
.
.#عادل :- من يومها بتخونيني احكي من اول ما اتجوزتك عم تخونيني …احكي قبل لاقتلك…
.
#نادية :- اي كانت علاقتي معو من اول يوم جواز لالو ..يوم دخلتها لزينة كنت انا بشقتها قبل لتوصل فرحها ….
#
.
.#الجزء التاسع :-
.#نادية
(يومها وعدت اياد اني ابقى معو على طول …وما اتركو لحظة بوجودك بالشغل كنت اقضي اليوم معووو..كنت اعرف كل واردة وساردة بحياتك يا زينة ..كان معاملتو السيئة لالك كنت اعرفها وردت فعل اياد لالك مو لكره او شي كان لاني كنت بغار واعمل مشاكل …بقيت 13 سنة وانا عم اتحسر على علاقتو وزواجو معك ……
.
.#زينة :- طول هالعمر وانا عمية ومغمضة عيوني على كل شي …طول هالعمر وانت عم اتاذيني مشان حبيبتك..وانتي نادية اعتبرتيني جسر ليضلو حبيبك جنبك…..غدرتي فيني وبأخي لعنة الله عليكي وعليه…
#عادل :- استني اختي هاي مابدها تعيش لازم اعرف كل شي كل شي ..خلتني شك حتى باولادي …انتي كم مرة نمتي معوو جاوبي لاذبحك بالسكين صفي دمك…
.
#نادية :- الله يخليك سامحني مابعرف مابحسن عد ..ومابعرف بس الاولاد منك فيك تتاكد…
#عادل :- لك حقيرة عندك الجرأة تجاوبي كمان قوليلي شو اعمل فيكي شو احلى عقاب لالك ما انا اذا قتلتك رح ترتاحي وانا ضلي اتعذب بسببك …
#اياد :- ساعدوني عم اموت…
.
#نادية :- الله يخليكن ساعدوه صفى كل دموو…
.
#زينة :- شفقانة عليه مااا …قلبك حنون عليه كتير قوومي اسعفيه قووومي …
#نادية :- حاااج لانك مابتحبيه هيك ماعم تشفقي بس انا بحبووو بحببو لاياد…
.
#اياد :- زينة زينة
.
#زينة :- لاتنادي علي بكره اسمي صرت من تناديني …ست نادية انتي مابتخافي الله على الشي اللي عم تقووليه …وين مخافة الله يا ظالمة بعد كل هالشي عم تحرقي فيني وباخي …حسبي الله ونعم الوكيل فيكي الله ياخد حقي منك …حسبي الله ونعم الوكيل فيكي ياظالمة …
.
#نادية :- اسمعي انا ماعدت خاف بدك تقتلوني اقتلوني ….انا اياد كان يكرهك وكان حتى من يجي الليل وينام معك كان يتخيلني بدالك مشان يحسن يتقبلك …اولادك انا سميتهن …حتى اكلك تيابك انا كنت كل شي بامري …حياتك انا كنت ماسكتا…
.
#اياد :- زينة ندمان لا تسمعي لالها ندمان …لا تسمعي لالها…
.
#عادل :- يا حقيرة ياحقيرة …
.
.(( نادية قامت من مكانها وبدها تهرب من البيت حسيت من نظراتها انها فقدت عقلها وقتها..بس مين يلي كان فيو يفقد عقلو من هالصدمة غيري ..بس الله كان عم يصبرني …طلعت نادية عم تركض عريانة على الدرج لعند ما زحطت رجلها ووقعت … وقعت نادية من اول الدرج لاخروا .. وصل اخي عادل لعندها كانت عم تلفظ انفاسها الاخيرة …ماتت عريانة ..راحت تقابل ربها بصورة مافي ابشع منها …ماتت وهي زانية موتتها لنادية كانت بشعة لدرجة انو راسها ..من وقعت الدرج كان كل محتواها لبرا …. مابعرف شلون اوصف …الله يغفر لالها …. ماتت وتركت لاهلها مصيبة …وتركت لاودها وصمت عار كبيرة…..
.
اتجمعو اخواتي …واجا ابن خالتو فتون اللي ينقل اياد ع المشفى ودخل بحالة خطرة لان نزف كم كبير من الدم …واخي عادل تم ايقافو بالسجن ….. ..
.
#امي :- يارب يارب حاسة حالي رح موت على هالمصيبة …يارب يارب مالي غيرك قويني على اللي انا فيه..
.
#خالتو :- احمدي الله يا اختي يعني مصير الظالم هيك…
.
#امي :- ابني بالسجن وبنتي ساجنة حالها بالغرفة لا بتاكل ولا بتشرب ولت بتحاكي حد…
.
#خالتو :- محكمة الولد بكرة…والبنت الله يطلعها من يلي هي فيه…
.
#امي :- والاطفال يختي الاطفال شوو ذنبهن اولاد عادل وزينة شو ذنبهن…
.
#خالتو :- بس لنشوف شو بصير بكرة بالمحكمة …البنت رح تشتغل وتعيل اولادها وعادل ان شاء الله بطلع من السجن لان ماقتل . وبعدين قضيتو قضية شرف ..والزاني يقتل ..وهو ماقتل ..😢😢 ومن يطلع عندي يمين لازوجو بنتي وتعيل اولادو ..بتعرفي بنتي هالة مطلقة …وماكانت تجيب اولاد والله بتشيلهن بعيونها …
.
.
.#الجزء العاشر :- …
.الثلاثاء 3-8
((اليوم رح تكون محكمتو لاخي اللي رح يصدر فيها الحكم فيه ..المحامي طمنى انو ماعليه شي …وانو ذبحو لاياد مافيو شي ..وخاصة انو اياد اتنازل على القضية…دخلنااا للقاضي …
.
#المحامي :- وهاد التسجيل يا سيادة القاضي …متهمي برئ من تهمة القتل والمتوفية نادية قد سقطت على الدرج …ومتهمي ليس له ذنب ..وان كان له ذنب فهي قضية شرف ..اما اياد ..فهو خائن مع سبق الاصرار ..واقوال نادية المسجلة تبرر ذلك وشكرا …
.
.#القاضي :- حكمت المحكمة ببراءة عادل محمد من تهمة القتل …وحكمت المحكمة لزينة محمد بحصولها على حضانة الاطفال مع النفقة التامة لكل طفل 150 دولار مع ضمان عدم الاعتداء عليها رفعت الجلسة …
.
.
(( الحمد لله مرينا بظروف تهد جبال بكفيني انو اولادي بحضانتي …
.
#عادل :- زينة بدي احكي معك اختي بالغرفة لحالنا…
.
.#زينة :- ماشي اخي جااي …((دخلت الغرفة))
.
.#عادل :- مكسور قلبي يختي بدي ابكي بحضنك حقك عليه ابوس ايدك شوفي حالي ريتها انكسرت ايدي ولا مديتها عليكي وظلمتك ربنا عاقبني …الله لايرحمها خلت قلبي حجر عليكي وع اهلي .. مكسور خاطري يختي مكسور ضميني والله تعبان …
.#زينة :- اااخ يا اخي امسح دموعك والله مسامحتك ..معلش الله كاتب هالشي لالنا بدنا نمر فيه …والميت مابجوز عليه الا الرحمه الله يرحمها ويغفر لالها …انت لازم توقف ع رجلك بعرف انو مو سهل …وشي صعب يتنسى بس لازم نوقف على رجلينا….. الحمد لله انو ماتت ومات معها سرها اللي صار وسترنا عليها وماحد بيعرف شو صار وشو عملت مابدنا فضايح انت عندك بنات وانا عندي بنت واولاد …الله يسامحهن تعا لحضني لازم نوقف يا اخي على رجلينا مشان اولادنا …
.
.#عادل :- ااااااااه يا زينة اااااااااه
.
.#زينة :- سلامتك من الااه يا اخي الله يفرجها علينا …قوم حبيبي قووم بدي وقفتك معي ..قووم خالتو برا بدها تحكي معك بشي
.
.(( اطلعنا لبرا ..لو تشوفو عيون اخي شلووون حتى الدمعة مكسورة فيهن ببكي الحجر انا مسامحتو . صحيح ..الدم عمروا ما صار مي .. اخي راجع حالو …وعرف غلطو كان درس كتير قاااسي عليه ….
.
.#امي :- يا ابني انا بعرف مو وقتو بس لازم نطلع من هالاحزان صرلك شهرين بالسجن …وصار لازم نوقف هالحزن خالتك عنا شو رايك ببنتها هالة …بنت ادمية وحبابة وبتعتني باولادك وانت بتعرف نفسها يكون عندها اطفال…
.
#عادل :- امي …. اللي تشوفيه مناسب ..وانا هالة مارح لاقي متلها ..وغير نسب خالتو فتون مارح لاقي
.
.#خالتو فتون :- وانا اعطيتك يابني …الله يفرحك….
المهم زينة يا بنتي بكرة اول يوم لالك بالشغل لازم تهتمي لشغلك
.
(( اخي تزوج هالة وبقيت تعتني فيه وباولادو … بنت تهز الارض تحتها من اخلاقها وادبها …اخي بلش ينسى ويهتم باهلي حتى انا ماصدقت انو هاد عادل…صح اهتميت بقصة عادل ونسيت حالي …بس انا ماخلص وقتي معكن ….اخي عادل ماتركني استأجر لالي بيت قريب من اهلي …سكنت انا واولادي فيه …وبلشت اشتغل بمؤسسة اشغال يدوية …بنتي نور اتحسنت نفسيتها وبلشت تهتم بدراستها واكيد راح تسالو عن اياد …اياد انكشفت قصتو بين اهلوو..حاول اكتر من مرة يجي يرجعني بس انا رفضت …
.
#اياد :- زينة انا غلطت بحقك والله بدك اياه رح اعملو بس وافقي ترجعي مشان اولادي …
.
#زينة :- انت ماعندك اولاد عندي بعد خلص عن حياتنا انت متت بالنسبة لالنا ..انت احسن شي تعملو لتغفر ذنبك تبعد على الاخير عنا …واولادك ماتخاف مارح احرمك منهن…
.
(( اياد ماحسن ياخد مني لا منيح ولاعاطل …اللي عرفتو اخر شي عن اياد انووو سافر ..على اوروبا …واللي عرفتو من رفيق واحد من اخواتي انو على طول بيسكر ومع بنات …ديل الكلب عمروا مابينعدل ..انا لو وافقت ارجع كان اول شهر ورجعت حليمه لعادتها القديمة ..المهم ربنا خلصني منووو ……
.
.
#نور :- ماما في تلفون لالك …
.
.#زينة :- اي ماما هلاء جااي …الووو الووو اي انا زينة …الاستاذ ياسر مدير مؤسسة الوفاء …
.
#الاستاذ ياسر :- اي حبيت ابارك لالك لان مشروعك للاشغال اليدوية نجح وتم ترشيح اعمالك للمسابقات الدولية الف مبروك …
.
#زينة :- الحمد لله تسلم استاذ ياسر الله يبارك فيك مع السلامة …
.
.(( الاستاذ ياسر هو مديري بالمؤسسة هو وقف معي من البداية …اكتشف انو عندي موهبة مخبيتها ….من يوم ماخالتو فتون ساعدتني لاحصل على وظيفة وهلاء مر عليها سنتين …لعند مافتحت مشروع لحالي اهتمامي بالشغل وبالنجاح نساني شو صار معي …وكل يوم كان يمر كنت اتقدم واطور من حالي …مشروع اشغال يدوية بلشت من نجاح لنجاح …صار اسم زينة موجود بكل المسابقات …اولادي صارو يفتخروا فيني وخاصة من يلاقو اسم امهن موجود على اشغال يدوية معلقة بمدارسهن . .بنتي نور يمكن الشخصية الوحيدة اللي كنت اعتبرها رغم صغر عمرها الا انها بنت بعقل كبير …يمكن ما تصدقو انها هي اساس نجاحي وخاصة من كانت تجيب لالي افكار جديدة …ع العموم اليوم عندي موعد استقبل الاستاذ ياسر ….اللي حبيت اختم قصتي فيه …هو مطلق ب 40 من عمروا …شخص مانجح بحياتو الزوجية بس نجح متلي بحياتو العملية …كنت على طول اشوف نجاحي بعيونو ..واهتمامو فيني …بس ماكنت اتوقع شي يوم يدق بابي للزواج وخاصة اني اخدت فكرة اني افني عمري لاولادي …بس افكار ياسر …وانو بدو وعلى اصرار انو يصبح اب لاولادي هو اللي خلاني راجع افكاري وخاصة من شفت محبة اولادي وتعلقهن فيه … ويمكن الله كاتب لالي نجاح بحياتي الزوجية معو …
راح وصل فكرة انو الله بيمهل ولا يهمل ونامي مظلومة ولا تنامي ظالمة ….واخيرا وليس اخر …عندي فستانين توتي وبني …بنتي بتقلي البس التوتي …انتو شو رايكن ماباقي شي للعريس عندو وصل بسرعة بسرعة قلولي رح تابع ارائكن …
.
.انتهت ..
.
.
.
.