كوسا بلدية و ورق عنب اسود
كوسا بلدية و ورق عنب اسود
المقادير
- 3كيلو كوسا بلدية
- كيلو ورق عنب اسود
- كيلو بندورة حمرا
- شرايح كيلو بندورة حمرا معصورة للكوسا
- 4كاسات ارز صنوايت
- كيلو لحمة مفرومة
- كيلو لحمة ريش للدوالي
- راس بصل
- ملح
- فلفل اسود
- بهارات مشكلة
- رشة زنجبيل
- رشة هيل
- نعنع ناشف
- ملعقتين دبس رمان
- زيت زيتون
الخطوات
اكيد الكل بيعرف كيف بنعمل الكوسا والدوالي
بننقع الارز عشر دقايق وبنفرم بصلة مع حبيتين بندورة فرمة خشنة وبحط اللحمة المفرومة والملح وزيت زيتون وشوية نعنع. ناشف ودبس الرمان وبهارات مشكلة وهيل وزنجبيل .
بنحفر الكوسا وبنغسلها وبنحشيها تلتين الحبة
وبنلف الدوالي وبنصفوا بطنجرة مع شرحات البندورة وبنحط قطع لحمة تحت الدوالي وبس نخلص بنحط كمان شرحات بندورة وملح وكم فص توم وبنحط فوقهم صحن وبنسكب المي المغلية فوقهم وبنحطهم ع نار هادية وبرشرشهم زيت زيتون وبتركهم لحتى يستوي الدوالي ….
اما الكوسا بنصفها بطنجرة تانية وبنعصر عليها بندورة حمرة ونرش ملح وبنحطها ع نار وسط
وبامكانك تطبخيهم مع بعض .لكن انا طبخت الكوسا لحالها حتى احصل على شوربة البندورة الحمرا اللي كل العيلة بتحبها
وصحة وهنا
#محشي كوسا بلدية ودوالي— ام نضال
