كبة وسمبوسك وتبولة ويالنجي
كبة وسمبوسك وتبولة ويالنجي
المقادير
- طريقة عمل الكبة الكبة باللحمة مقادير العجينه :
- ١ كيلوغرام برغل ناعم، ابيض مغسول ومنقوع
- 1كيلو غرام لحم، خالي من الدهون هبره
- رشة زنجبيل مطحون
- ملح
- فلفل أسود
- الحشوة :
- ١ كيلوغرام لحم غنم مفروم خشن
- ٤ بصلة كبيرة، مفروم ناعم
- ١⁄٢ كوب صنوبر محمر
- بهارات مشكلة
- رشة زنجبيل
- هيل ناعم
- ملح
- فلفل أسود
- قرفة
الخطوات
طريقة تحضير الكبة
١. تخلط مقادير العجينة مع بعضها في محضرة الطعام أو مفرمة اللحمة.
٢. يقلى البصل بالسمنه او الزيت حتى تلين فقط وبعدها تضاف اللحمه والبهارات كلها وتترك حتى تبرد قبل عمليه الحشو.
٣. يؤخذ قطعه بحجم البيضه او اقل حسب الرغبة بحجم الحبة من العجين وتعجن باليد مع غمس اليد بالقليل من النشا المذوب بالماء حتى ما تلتصق العجينه باليد ويعمل فتحة بعجينه الكبه حتى تصبح رقيقه، توضع الحشوة بالداخل ثم تغلق الكبة وتكرر الطريقة حتى إنتهاء الكمية.
٤. توضع الكبة بالثلاجة لمدة ساعه ثم تقلى بزيت ذرة مع قليل من زيت الزيتون .ووضع ملعقة نشا بالزيت حتى لا تفرط الكبة .وتقلى على نار وسط حتى تنضج ويصبح لونها اشقر
السمبوسك حشيته جبنة عكاوي وقليته بزيت ذرة
اليالنجي ..ورق عنب بزيت
طبعا انا بحشي ورق العنب اللي بزيت
رز وبندورة مفرومة وبصلة مفرومة وبحط ملح وبهارات ونعنع ناشف ودبس رمان وبلفهم وبحط بقاع الطنجرة شرايح بندورة وبصف ورق العنب وبحط فوقهم كمام شرحات بندورة وكم فص توم ورشة ملح وبحط عليهم مي مغلية وع نار هادية لمدة ساعتين
التبولة عبارة عن 3 حزم بقدونس منقاة ومغسولة ومفروم ناعم ..حبة بندورة او حبتين مفرومة ناعمة ورقات نعنع مغسولة ومفرومة .نص ز برغل منقوع .بصلة مفرومة مع عصير حبة ليمون ورشة ملح وزيت زيتون ..وانا بفرم حبة خيار ناعم مع التبولة ،حسب الرغبة
وصحة وهنا
#كبة وسمبوسك وتبولة ويالنجي ام نضال
