مجدرة البرغل بزيت الزيتون طعم رااائع

المقادير

• 1 كأس كبير عدس أسود
• 1 بصلة كبيرة مفرومة ناعمة
• كأس ونصف مرقة من ماء سلق العدس
• 1كأس برغل خشن
• رشة زيت زيتون
• ملح حسب الحاجة
• سلطة مشكلة :
• بقدونس مفروم ناعم
• بندورة مقطعة مكعبات وسط
• خيار مقطع عشكل هلال
• ليمون معصور
• رشة ملح
• رشة زيت زيتون
• رشة نعنع يابس
• خبز محمص مقلي

الخطوات

نسلق العدس تلت أرباع استواء..

بعدها نعير الماء المتبقي من العدس بحيث

كل كأس برغل يحتاج كأس ونصف مرق عدس أو كأسين مرق عدس حسب نوع البرغل الخشن..

بمقلاة نقلي البصلة بزيت الزيتون لتذبل..

ونصبهم فوق طنجرة العدس مع مرق العدس ونحركهم ونضع لها ملح ظاهر

لأن البرغل يحتاج لملح ظاهر..

بعدها نتركها على نار وسط لتغلي

ثم نسقط البرغل ونحكم اغلاق غطاء الطنجرة ونتركها لتستوي..

تسكب و تجلل بالبصل المقلي

وتقدم مع المخلل والسلطة واللبن

وتقدم ساخنة أو باردة حسب الرغبة

وصحة وهنا يارب M.Q

**السلطة**

نفرم البقدونس و البندورة والخيار

ونضعهم بوعاء ونضيف عليهم عصير الليمون وباقي المحتويات كالملح والنعنع وزيت الزيتون ونجلل الصحن بالخبز المحمص وصحة وألف هنااM.Q