المسخن الفلسطيني ع أصوله
المسخن الفلسطيني ع أصوله
المقادير
- ٣ جاجات
- ٤ كيلو بصل مقطع جوانح
- ٢ باكيت ماجي بودرة
- سماق
- فلفل أسمر
- ملح
- خبز المسخن
الخطوات
اول شي نضع البصل المقطع مع زيت الزيتون ونقلبه حتى يذبل ثم أضع السماق والماجي والفلفل الأسمر ورشة ملح وأبقى أحركه حتى تأخذ المكونات ببعض ويتذبل البصل بطفي عليهم الغاز
تاني شي بكون سالقة الدجاج سلق عادي مع المطيبات متل اللومي الهيل ورق الغار وفلفل الأسمر الحب والملح
بعد ما يخلص الجاج بحطو فوق البصل الي ذبلنا وبخلي ياخد لون وطعم البصل والسماق
تالت شي بجيب شوربة الدجاج بعد ما أصفيها بمسك رغيف الخبز وبغطو بالشوربة وبشيلو مباشرة ع شان ما يذوب وبحطو بصينية التقديم وبحط طبقة من البصل بعدين رغيف خبز بعدين بصل هيك حتى انتهاء الكمية وبعدين بحط الجاج ع الوجه وبحطو بالفرن حتى يتحمر وجهو بزينو باللوز المحمر والصنوبر والبقدونس المفروووم
((وصحتين وعافية جربوها وادعولي انو ربنا يقومني بالسلامة ))
وانااااا بعتذر منكم خوااااتي على انقطاعي عنكم بس والله اني حامل جديد والوحااام متعبني لهيك قرفانة الأكل وما الي نفس اني أعمل شي بس هاي اليوووم اضطررريت أطبخ لأنو جوزي عزم أصحابو وصحتين وعافية ع قلبهم وارجوووو من جميع خواتي الدعاء لي بأنو ربي يقومني بالسلامة ويفرحني بشوفة ابني ع خير ياااا رب
