افضل طريقة لصنع الدونات في المنزل
للدونات اسرار لنجاحه وبحبوها كبار وصغار وممكن عملو بعده اشكال. تابعو معي الطريقه Ghalia jamour
المقادير:
بيضتين
رشه فانيلا
كوب حليب سائل
٥٠غ زبده
ملعقه كبيره خميره
ربع كوب ماء
نصف كوب سكر ناعم
ملعقه ونص صغيره بيكنج باودر
طحين حسب الحاجه
الطريقة:
– بالخلاط نضع بيضتين. رشه فانيلا. ونضربهم ونحط فوقهاكوب حليب سائل. ٥٠غ زبده سايحه يعني شي ربع كوب. ملعقه خميره كبيره مدوبه بربع كوب ماء دافئ واخر شي نضع نصف كوب سكر ناعم وملعقه ونص صغيره مليانه بيكنج باودر. وبس يتجانس الخليط تطفي عليها الخلاط.
– هلأ بتنقلو الخليط للطنجره او اي شي غميق عندك وبتبلشو تحطو الطحين بتاخد تقريبا شي اربع للخمس كاسات او اقل او اكتر على حسب نوع الطحين.
– المهم بضلو تعجنوها باليد لحتى تصير عندك عجينه طريه تلزق باليد شوي مو كتير.
– هلا عمليه التخمير اهم خطوه. اول ساعه بتخمريها بمكان دافيء طبعا بعد ماتغطيها وبعدين بتحطيها بالبراد اقل شي تلات ساعات انا بعملها قبل بيوم بالليل وتاني يوم الصبح بفردهم وبقطعهم بقليهم.
– هلا لما نجي نفردهم بنرش بالصواني طحين ونفرد العجين على طاوله مرشوشه طحين منيح ولما نفردها لازم تكون سميكه تقريبا سنتي.
– وانقطعا وبالنص كمان نقطعها انا بستعمل اذا مافي قالب بغطا الابريق وبالنص بغطا الروج أو القنينة الماء.
– ونحطهم بالصواني ونتركهم لحتى يضاعف حجمهم.
– وبنبلش نقليهم بزيت غزير عنار وسط وانتبهو على طول بتتحمر وبنقلبن عالوش التاني وبس يحمرو بشيلن.
– و عندما تنتهي الكميه بغطين شوي وبعدين بلكهم بالسكر الناعم, وممكن تؤكل سخنه ونلكهابالسكر الناعم. او الشوكولا او اي شي بتحبوه.
حابب تحصل على كل وصفات زاكي؟ حمل تطبيق زاكي المجاني للأجهزة الذكية من هنا:
https://goo.gl/ze0y3j
نسعد بمتابعتكم لنا على جروب زاكي لفن الطهي:
افضل طريقة لصنع الدونات في المنزل
احصل على وصفة صوص الشكولاتة لتزيين الدونات:
واشترك في قناة زاكي لفن الطهي لتصلك جديد فيديوهاتنا المميزة